Moskvada erməni biznesmeni 3 milyon dollara görə öldürdülər

"Ölkə.Az" xəbər verir ki, hadisə aprel ayının 19-da saat 21:00-da paytaxt Moskva şəhərində qeydə alınıb.Hadisə barədə “mk.ru” saytı məlumat yayıb. Məlumata görə, Moskvanın cənubundakı ticarət mərkəzinin sahibi 61 yaşlı Aleksandr Baqiryan mühafizəçilərinin gözü qarşısında odlu silahla güllələnib.

İş adamına yaxınlaşan şəxs "Makarov" tipli tapançadan atəş açmağa başlayıb. Baqiryana azı 5 güllə dəyib. Güllələrin çoxu onun qarın və döş qəfəsinə dəyib. Ağır yaralı halda xəstəxanaya çatdırılsa da, həkimlər biznesmenə kömək edə bilməyiblər.

Araşdırmalar zamanı məlum olub ki, A. Baqiryanın qətli köhnə şəriki tərəfindən təşkil olunub.Verilən məlumata görə, şəriki bir neçə dəfə Baqiryanın ofisinə gəlib və onu təhdid edirmiş. Onların arasında 3 milyon ABŞ dolları borc olub.

Açıqlamalara görə, Baqiryan və şərikinin Moskva vilayətində alkoqollu içkilər üçün şüşə qablar istehsal edən müəssisi olub. Şirkət 2009-cu ildə qeydiyyatdan keçib. Sonradan isə onu Baqiryanın adına qeydiyyata salıblar. Sonradan şəriklər arasında problem yaranıb və onlar ayrılıblar. Bu zaman Baqiryanın şərikinə 3 milyon dollar borcu qalıb. Əvvəllər erməni biznesmen pulu verməyə razı olsa da, sonradan bundan imtina edib. Hətta bu barədə şəriki 2016-cı ildə məhkəməyə də müraciət edib. Məhkəmədə qalib gələn tərəf də adı çəkilməyən şərik olub. Lakin Baqiryan yenə də borcunu ödəməyib.

Bundan sonra şəriki Baqiryanı öldürməyə qərar verib.

Ziya Saccad
Ölkə.az