Moskvada minlərlə insana terror həyəcanı yaşadan kimlərdir? — Zənglər bu ölkələrdən gəlib

Moskvada minlərlə insana terror həyəcanı yaşadan kimlərdir?
22:55
14.11.2017
1253
Dünya
A
Rusiyanın paytaxtı Moskva şəhərində minlərlə insana terror həyəcanı yaşadan anonim zənglərin mənbəyi məlum olub.

“Ölkə.Az” xəbər verir ki, bu barədə Rusiya Daxili İşlər Nazirliyinin Moskva şəhər idarəsinin rəhbəri Oleq Baranov jurnalistlərə açıqlamasında bildirib. Onun sözlərinə görə, bir neçə ay davam etmiş anonim zənglər ölkə xaricindən ayrı-ayrı qruplar tərəfindən edilib.

“Aparılan araşdırmalar nəticəsində zənglərin ABŞ, Türkiyə, Ukrayna və Yaponiyadan edildiyi müəyyən olunub. Bununla bağlı, 13 cinayət işi açılıb.”, - deyə Oleq Baranov bildirib.

Qeyd edək ki, sentyabrın 11-dən başlayaraq Moskva şəhərində hər gün terror olacağı barədə xəbərlər verilir. Anonim xəbərlərdə yalandan partlayıcı maddələrin qoyulması bildirilir. Bu səbəbdən indiyə qədər 200 minə yaxın insan evakuasiya edilib. Ümumilikdə 700 obyektdə yoxlama işləri aparılıb. Moskva rəhbərliyindən bildirilib ki, bu günə qədər yalançı terror xəbərlərinə görə, ümumilikdə 300 milyon rubl zərər dəyib. Bundan başqa, minlərlə insan mənəvi və psixoloji sarsıntı keçirib.

Ziya Səccad
Ölkə.Az

ŞƏRH YAZ
0

Londonda 30 min nəfərdən müsəlmanlara dəstək aksiyası — Fotolar

Londonda 30 min nəfərdən müsəlmanlara dəstək aksiyası
23:39
18.11.2018
2011
Dünya
A
İngiltərənin paytaxtı Londonda islamafobiya, antisemitizm və irqçiliyə qarşı aksiya keçirilib.

“Ölkə.Az” Türkiyə mətbuatına istinadən xəbər verir ki, İrqçiliyə Qarşı Ayağa Qalx vətəndaş cəmiyyəti tərəfindən təşkil etdiyi yürüşdə 30 mindən çox insan iştirak edib. Onlar Baş nazir Tereza Meyin ofisinin qarşısına yürüyüblər.

Müsəlmanlara qarşı kin və fobiyanı qınayan aksiyaçılar “İslamafobiyaya yox”, “Müsəlmanların yanındayıq” kimi şüarlar səsləndiriblər.

Ölkə.Az

ŞƏRH YAZ
0

Gözəllik yarışmasında iyrənc təklif — Fotolar

Gözəllik yarışmasında iyrənc təklif
22:28
18.11.2018
3376
Dünya
A
Filippində dünya gözəllik yarışmasının rəhbəri qadınlara əxlaqsız təklif edib.

“Ölkə.Az” xarici KİV-ə istinadən xəbər verir ki, 18-21 yaş arasındakı bir çox qadın sponsor firmanın rəhbərinin onlara cinsi əlaqə qarşılığında birincilik təklif etdiyini söyləyib. Üç qadın bununla bağlı rəsmilərə şikayət etdiklərini, ancaq onların sözlərinə əhəmiyyət verilmədiyini vurğulayıb.

İngiltərəni təmsil edən 21 yaşlı Abbey Giles Broun sponsorun ondan telefon nömrəsini istədiyini və evinə dəvət etdiyini bildirib.

Kanadalı 21 yaşlı Ceymi Vanden Berg isə eyni adamın cinsi əlaqə qarşılığında qalib gəlmək üçün köməklik təklif etdiyini deyib.

Ölkə.Az

ŞƏRH YAZ
0
BAĞLA