Moskvada müştərini zorlayan taksi sürücüsü həbs edildi

Moskvada müştərini zorlayan taksi sürücüsü həbs edildi
00:28
21.04.2017
70
Dünya
A
Rusiyanın paytaxtı Moskva şəhərində taksi sürücüsü müştərini zorlayıb.

"Ölkə.Az" xəbər verir ki, “Toyota Camry” markalı avtomobili ilə taksi xidməti göstərən 32 yaşlı B.A. gecə saatlarında Moskvada 34 yaşlı qadını avtomobilə mindirir. Müştəri gedəcəyi ünvanı deyəndən sonra arxa oturacaqda yuxuya gedir. Sürücü qadının yatdığını görür. Bundan istifadə edən sürücü maşını kimsəsiz yerə sürür. Sonra qadını ölümlə qorxudaraq onunla cinsi əlaqədə olur. Sonra isə qadını küçəyə atır.

Səhər polislər qadını huşsuz halda tapıblar. Özünə gələn qadın olanları danışıb. Tibbi ekspertizadan keçəndən sonra qadının həqiqətən də zorlandığı məlum olub.
Polisin keçirdiyi əməliyyat zamanı müştərisini zorlayan taksi sürücüsü evində tapılıb. Onu həbs ediblər.

Araşdırmalar zamanı məlum olub ki, qadını zorlayan sürücü əvvəllrə 2 dəfə oğurluğa görə cinayət məsuliyyətinə cəlb olunub.

Ziya Səccad
Ölkə.Az

ŞƏRH YAZ
0

Manvel Qriqoryan zooparkındakı heyvanlara erməni əti yedizdirib — DƏHŞƏTLİ FAKTLAR

Manvel Qriqoryan zooparkındakı heyvanlara erməni əti yedizdirib
15:20
Bu gün
48
Dünya
A
Ermənistanda ordu generalı Manvel Qriqoryanın həbsindən sonra müxtəlif cinayətləri üzə çıxıb.

“Ölkə.Az” xəbər verir ki, ermənilər 90-cı illərdə itkin düşən qohumlarının axtarışı üçün milli təhlükəsizlik xidmətinə müraciət ediblər.

Manvel düşmənləri və xoşuna gəlməyən adamların başına oyun açıb. O, insanlara işgəncə verib, zəncirdə saxlayıb və aclıqdan öldürüb. Ermənistanda danışırlar ki, general zooparkındakı heyvanları əsir saxladığı adamların əti ilə yemləyib.

Bloqçu Mikael Manukyan “Facebook”dakı səhifəsində dəhşətli arxiv fotoları yayıb. Fotolarda Manvelə iri məbləğdə pul “atan” şəxsin başına gətirilən oyunlar var.

Onu uzun müddət döyüblər. Sonra isə zəncirləyib ac-susuz zirzəmidə saxlayıblar.

Maya Mnoyanın qardaşını da Qriqoryan 90-cı illərdə oğurlayıb. Ailə isə bundan sonra ABŞ-a qaçmaq qərarına gəlib:

“20 illik sükutu pozuram. Mənim ailəm bu məsələyə görə ABŞ-a qaçıb. 1997-ci ildə 21 yaşlı qardaşıb Edqar Mnoyan maliyyə nazirliyinə işə düzəldi, onu oğurladılar.

Qeyd edim ki, hərbi xidmətə çağırıldıqdan bir müddət sonra onu Manvel Qriqoryanın Armavirdəki villasına mühafizəçi kimi apardılar. O dövrdə ailəmiz kifayət qədər imkanlı idi. Atam tez-tez qardaşıma baş çəkirdi. Onun bu səfərləri və maşını Qriqoryanın nəzərindən qaçmamışdı. Qardaşım hərbi xidməti bitirəndə bizi nələrin gözlədiyini anladıq.

Qardaşımın oğurlanması barədə bizə hansısa Smbatyan məlumat verdi. O, zəng edərək 10 min dollar tələb etdi və dedi ki, guya qardaşım Manvelin villasından oğurluq edib. Pul ödəndikdən sonra onu buraxacaqlar.

Biz tələb etdik ki, qardaşım oğurluq edibsə, onu hüquq-mühafizə orqanlarına versinlər və işə qanuni baxılsın. Amma bizə dedilər: “Qanun bizik, onun cəzasını biz verəcəyik”. Sonra isə dedilər ki, istədiklərini verməsək, qardaşımı bizə doğrayıb hissə-hissə göndərəcəklər.

Biz pulu ödədik, amma dəhşət bitmədi. Bu hələ başlanğıc idi. Bizdən çox şey tələb edirdilər. Onların istəkləri sərhədini aşmışdı. Hətta atama deyirdilər ki, qızların pis deyil, gözəldir.

Tələb olunan pulu, maşını, mülkü verdik və ümid edirdik ki, Edqarın səsini eşidəcəyik. Amma bilmədik ki, qardaşım sağdır ya yox. Növbəti dəfə bizdən 1 kilo qızıl tələb etdilər. 3 ay ərzində bizi tam müflis etdilər. Bizə yeməyi dostlarımız və qohumlarımız verirdi. Sadəcə bir mənzilimiz qalmışdı. Atamı və anamı silahla təhdid edərək notariusa apardılar və evi də əlimizdən aldılar. Edqar haqqında nəsə öyrənmək istəyən qohumlarımızı da oğurlayıb girov saxlayırdılar.

Bibimin əri nəsə öyrənmək üçün Arşalyusa getdi və onu da əsir götürdülər. 1 ay onu işlətdilər və 8 min dollar alıb buraxdılar.

Qardaşım isə Manvelin bir əskərinin sayəsində sağ qalıb. O, Edqarın saxlanıldığı quyuya aradabir sarımsaq atıb ki, qardaşım sağ qalsın. Sonra biz Ermənistanı tərk etdik. Əvvəl Gürcüstana, sonra isə ABŞ-a köçdük”.

Manvel Qriroqryan Qarabağ müharibəsində də erməni əskərlərinə işgəncə verib. Videoların birində o, ordu əskərini asmağı əmr edir.

Hikmət Həsənov
Ölkə.Az

ŞƏRH YAZ
0

Oksford universitetində seks qalmaqalı — İşin içində deputat oğlu da var

Oksford universitetində seks qalmaqalı
14:38
Bu gün
317
Dünya
A
İngiltərənin Oksford universitetində bir tələbə klubunun təşkil etdiyi tədbir gündəmə bomba kimi düşüb.

 “Ölkə.Az” xəbər verir ki, tədbirdə tələbələr narkotik maddə satıcılarının qarşısında növbəyə düzülüblər. Seks şoularının keçirildiyi gecədə Mühafizəkarlar partiyasından olan millət vəkilinin oğlu da olub.

Tədbir universitetdən kənarda çadırlar qurularaq keçirilib. Yüzlərlə tələbə maska və alt paltarında tədbirdə iştirak edib. Tələbələrin gecə ərzində narkotik maddələrdən istifadə etdiyi iddia edilir.

“The Sun” qəzetinin müxbiri Mühafizəkarlar partiyasının millət vəkili Jesse Normanın oğlu Sem Normanın da tədbirdə fotolarını çəkib.

Qeyd edək ki, tədbirə xüsusi dəvətnamələrlə girmək mümkün olub və qiyməti 110 sterlinqdir.  İddiaya əsasən, çadırlarda narkotik maddə çəkən və istifadə edən tələbələr seks şoularda iştirak ediblər.

Hazırda məsələ araşdırılır.

Hikmət Həsənov
Ölkə.Az

ŞƏRH YAZ
0
BAĞLA