Moskvada terror xofu

“Ölkə.Az” xəbər verir ki, Moskvada ticarət mərkəzləri, qatar stansiyaları və universitetlər olmaqla 20 məkanda bomba qoyulması barədə həyəcan siqnalı verilib. Eləcə də, Moskvanın hüquq-mühafizə orqanlarına Qırmızı Meydanda da bomba olmağı ilə bağlı məlumat daxil olub.

Məlumat daxil olan kimi insanların kütləvi yığışdığı ərazilərə hüquq-mühafizə orqanlarının əməkdaşlar, Fövqəladə Hallar Nazirliyiin işçiləri, xilasedicilər, yanğınsöndürənlər və həkimlər cəlb olunublar.

Partlayışların törədiləcəyinə dair xəbərlər daxil olduğu üçün "Afimall", "Metropolis", "Kapitoliy", "Qorod" ticarət mərkəzlərindən, Kiyev, Leninqrad və Kazan vağzallarından, MDBƏİ, Seçenov adına MDTU və Plexanov adına RİU-dən on mindən çox insan evakuasiya edilib. Həyəcan siqnalı nəticəsində ümumilikdə 190 obyekt boşaldılıb, 45 minə yaxın insan evakuasiya edilib.

Ziya Səccad
Ölkə.Az