Moskvadakı "Bakı" kinoteatrının yenidən qurulacaq binasının görüntüsü yayılıb — FOTO

Moskvadakı
22:42
04.11.2019
1104
Dünya
A
Rusiyanın paytaxtı Moskvadakı "Bakı" kinoteatrının yenidən qurulacaq binasının görüntüsü yayılıb.

"Ölkə.Az" apa-ya istinadən bildirir ki, artıq bir neçə gündür söküntüsünə başlanılan, Usiyeviça küçəsi 12/14 ünvanında yerləşən “Bakı” kinoteatrının yenidən qurulması işləri davam edir.

“Bakı” kinoteatrının yenidən qurulacaq binasının müasir görüntüsü Moskva hökumətinin şəhər tikinti siyasəti kompleksinin saytında yerləşdirilib.

"Edisonenerqo" Açıq Səhmdar Cəmiyyəti tərəfindən aparılan yenidənqurma işlərinin 2020-ci ilin üçüncü kvartalında başa çatması planlaşdırılır.

“Bakı” kinoteatrının yerində eyni adlı Çoxfunksiyalı İctimai Mərkəz tikiləcək. Mərkəzin beş mərtəbəsi yerin üstündə, iki mərtəbəsi isə yerin altında olacaq.

Mərkəzin 2000 kvadrat metrində yenidən "Bakı" kinoteatrı fəaliyyət göstərəcək.

Müasir “Bakı” kinoteatrı beş zaldan ibarət olacaq. Bundan başqa, bu məkanda Azərbaycan mədəniyyət mərkəzinin açılacağı da planlaşdırılır.

Qeyd edək ki, Moskvadakı “Bakı” kinoteatrı 1974-cü ildə memarlar İ. Volkov, E. Smolina və L. Fadeyevanın layihəsi əsasında tikilib. Binanın tikilməsində ənənəvi Azərbaycan memarlığının motivlərindən istifadə olunub. Kinoteatrda 600, 70 və 60 nəfərlik üç zal olub.

Ölkə.Az

ŞƏRH YAZ
0

Ana 2 övladını altıncı mərtəbədən ataraq öldürdü? — Polis araşdırmaya başladı

Ana 2 övladını altıncı mərtəbədən ataraq öldürdü?
14:02
Bu gün
424
Dünya
A
Türkiyənin Rizə bölgəsində dəhşətli hadisə yaşanıb.

“Ölkə.Az” xəbər verir ki, Mədət və Əminə Havuz cütlüyünün 4 yaşlı Fatimə adlı övladları 6-cı mərtəbədən yıxılaraq həlak olub. 4 il bundan öncə bu ailənin ilk övladı da 4 yaşında olarkən həmin evin eyvanından yıxılaraq vəfat edib.

Bu hadisənin eyni ailədə 2 dəfə təkrarlanması polisləri şübhələndirib. Bundan əlavə cütlüyün qonşuları bu hadisədə uşaqların anasını günahlandırıb. O, bildirib ki, Eminə uzun müddətdir psixoloji müalicə alır. Qadın həmçini, onun ağır psixotrop dərmanlardan istifadə etdiyinidə açıqlayıb. Bu iddiadan sonra Eminə Havuz sorğu-sual üçün pois bölməsinə aparılıb. Dindirilmədən sonra isə Eminə sərbəst buraxılıb.

Bu hadisə ilə bağlı jurnalistlərə açıqlama verən Medet Havuz arvadının bu işdə heç bir günahı olmadığını bildirib. “Belə fikri ağlınızdan çıxarın. Mən özümdən şübhələnərəm, ancaq Əminədən heç vaxt. Həyat yoldaşım uşaqlarını çox sevirdi. Onlar üçün canını belə fəda edərdi. Psixotrop dərmanlara gəldikdə isə o, sadəcə əsəblərinin sakitləşməsi üçün onlardan istifadə edirdi. Sakitləşdirici dərmanları çox insan qəbul edir. Burada şişirdiləcək bir şey yoxdur ”,-deyə o, fikirlərini tamamlayıb.

2 çocuğu da 6’ıncı kattan düşerek ölen baba konuştu

Ölkə.Az

 

ŞƏRH YAZ
1

Almaniyada azərbaycanlı mühacir “müxalifətçi”yə aid restoran və mənzillərdə axtarışlar aparılıb

Almaniyada azərbaycanlı mühacir “müxalifətçi”yə aid restoran və mənzillərdə axtarışlar aparılıb
23:18
14.11.2019
856
Dünya
A
Almaniya polisi “Mühacir alveri”nə görə həbs edilən Azərbaycan vətəndaşına məxsus restoran və evlərdə axtarışlar aparıb.

“Report”un məlumatına görə, növbəti yoxlama uzun illərdir Almaniyada mühacir həyatı yaşayan Ədliyyə Nazirliyi Penitensiar Xidmətinin 9 və 14 saylı məntəqə tipli cəzaçəkmə müəssisələrinin sabiq rəisi Elçin Əkbərova məxsus Koblenz şəhərində yerləşən restoranda baş tutub. Federal kriminal polis iaşə müəssisəsinin kassasındakı istintaq üçün zəruri olan sənədləri aktlaşdıraraq götürüb.

Eyni zamanda E.Əkbərova məxsus Reynland-Pfalts əyalətində yerləşən mənzillərdə də axtarış aparılıb. Nəticədə Azərbaycanın hüquq-mühafizə orqanlarına aid saxta möhür, ştamp, əvvəlcədən hazırlanmış saxta arayış formaları və nağd pul istintaq üçün yararlı hesab edilərək müsadirə edilib.

Qeyd edək ki, Koblenz Federal İdarə Məhkəməsi E.Əkbərovun şübhəli şəxs qismində istintaqa cəlb edilməsi üçün barəsində 6 aylıq həbs qətimkan tədbiri seçib.  

Xatırladaq ki, ötən gün Almaniya federal kriminal polisi mühacir alveri ilə məşğul olan azərbaycanlılardan ibarət dəstəyə qarşı əməliyyat keçirib. Ölkənin Nidersaksen, Şlezviq-Holşteyn, Bremen, Şimali Reyn Vestfaliya, Bradenburq və Reynland-Pfalts əyalətlərində 38-dən çox ev və iş yerlərinə basqın edilib. Nəticədə mütəşəkkil cinayətkar dəstənin üzvlərindən 7-si saxlanılıb.

Ölkə.Az

ŞƏRH YAZ
0
BAĞLA