Moskvadan Paşinyana sərt sillə və ya Ermənistanda inqilabi terrorun ilk cücərtiləri — Siyasi şərh

Moskvadan Paşinyana sərt sillə və ya Ermənistanda inqilabi terrorun ilk cücərtiləri
18:58
15.04.2019
11056
Analitika
A
Müttəfiqləri də Ermənistandan üz döndərməyə başlayıb.

“Qazprom”un  “Qazprom Ermənistan”da kütləvi ixtisarlara başlaması və Rusiyanın Ermənistana satdığı qazın hər min kubmetrinə olan qiymətinin minimum 15 dollar qaldıracağı ilə bağlı açıqlamaları erməni cəmiyyətində ciddi ajiotaja səbəb olub.

Artıq erməni ekspertlər Moskvanın bu hərəkətini Ermənistanın müttəfiqdən üz döndərməsi və “iki stul” siyasətinin fiaskosu kimi dəyərləndirirlər. “İki stul” siyasətinin Serj Sərkisyan hakimiyyətinə necə baha başa gəldisə, həmin siyasətin Paşinyan tərəfindən də davam etdirilməsi yeni hakimiyyətə baha başa gəlməyə başlayıb. Moskva artıq Paşinyan hakimiyyətini dolayısı vasitələrlərlə cəzalandrımağa başlayıb. Mokva ənənəvi birbaşa təzyiq taktikasından əl çəkərək erməni cəmiyyətini yeni hakimiyyətdən narazı salaraq Paşinyan  hakimiyyətini  cəzalandırmaq  istəyir. Bunun üçün də “Qazprom Ermənistan”da kütləvi ixtisarlara başlamaq, o cümlədən qazın qiymətinin artırırlması barədə niyyətini açıqlayıb.  Rusiyanın bu hərəkəti Ermənistanda  ciddi narahatçılıq və məyusluğa səbəb olub. Artıq erməni  cəmiyyəti nə edəcəyini bilmir. 2018-ci ilin mayında baş verən inqilabda  erməni cəmiyyətinin ölkədə sosial-iqtisadi böhranın normallaşmasına və sabitliyin bərqərar olacağına azacıq ümid var idisə, indi artıq olub-qalan ümidlər də puça çıxmaq üzərədir. Çünki ötən bir il ərzində yeni hakimiyət  sosial-iqtisadi vəziyyətin yaxşılaşdırılması istiqamətində  verdiyi vədlərin heç birini yerinə yetirə bilmədi. Əksinə mövcud böhran daha da  dərinləşdi. Yeni hakimiyyətin bir əli ilə Qərbdən, digər əli ilə Rusiyadan yapışmaq siyasəti öz effektini vermədi. Nə Qərb, nə Rusiya İrəvanın səmimiyyətinə inanmadı. Nəticədə  Ermənistan bir Azərbaycan zərb məsələsində  deyildiyi kimi “Əli aşından, Vəli aşından da oldu”.

“Qazprom”un  son addımlarını isə  baş nazir Nikol Paşinyan   aprelin 15-də jurnalistlərə açıqlamasında Moskvanın bu addımını Ermənistana təzyiq vasitəsi kimi istifadə  dəyərləndirib.  Erməni iqtisadşı ekspert Vardan Bostancyan isə “Qazprom Ermənistan”da baş verən olaylarla bağlı  “1 in.am”- a müsahibəsində   təəssüflə baş verən  hadisələrin artıq siyasi faktora çevrildiyini qeyd edib:

 “ Rusiya kimi güclü bir dövlət Ermənistanı etirbarlı tərəfdaş kimi görmək istəyirdi... Bu gün Ermənistanın özünü qazla təmin etmək üçün Rusiyadan başqa alternativi yoxdur. Baxmayaraq  ki, alternativ variant kimi İrandan qaz almaq üçün  cəhdlər edirik, ancaq hələlik bu istədiyimiz nəticəni vermir. Əgər belə bir imkan olsaydı, Ermənistan çoxdan  bu alternativdən yararlanardı. Iranın yürütdüyü siyasəti nəzərə alsaq, o zaman əminliklə deyə bilərik ki, Ermənistanın bu ölkədən qaz almaq perspektivi uğurla nəticələnməyəcək. Alternativin  olmaması isə Rusiyanı öz qazını bahalaşdırmaq baxımından tam hüquqa malikdir və bunu edə bilər.  Nə qədər ki, Rusiya ilə siyasi münasibətlər normallaşmayıb və təzyiq prosesini dayandırmayıb qazın qiyməti istənilən vaxt qalxa bilər”.

Bostancyan eyni zamanda Paşinyan hakimiyyətinin yürütdüyü siyasəti tənqid edərək bildirib ki, onun yürütdyü siyasət nəticəsində cəmiyyətdə qeyri-müəyyənlik və məyusluq yaranıb.

 “Artıq erməni cəmiyyətinin sabaha ümidi yoxdur. Buna da səbəb  hakimiyyətə gəlişi zamanı verdiy vədlərə əməl etməməsi, əksinə vəziyyətin daha da pisləşməsidir. O baxımdan mən ölkədə yaranmış durumdan çox narahatam”, - erməni ekspert  qeyd edib.

Ümumiyətlə erməni politoloq və ekspertlər  hesab edirlər ki, Paşinyanın  məğlubiyyəti ilk növbədə bölgələrdən və kəndlərdən başlayacaq. Səbəbi də indiyə kimi effektli idarəetmə sisteminin yaradılmaması ilə bağlıdır. Yəni, verdiyi vədlərin fiaskoya uğrmasıdır. Effektiv idarəetmə sistemin yaradılmaması nəticəsində əsasən kəndlərdə və əyalətdə yaşayan insanların həyat şəraitinin pisləşməsinə səbəb olub. Ona görə də son aylarda bölgələrdə mütəmadi olaraq etriaz aksiyaları keçirilir. Bu etiraz dalağası isə vüsət almaqdadır və bütün bölgələri əhatə etməkdədir. Odur ki, Ermənistanda verilən vədlərin yerinə yetirilməməsi,  əksinə baş nazir Paşinyanın populist  bəyanatları sanki  asta işləyən minanı xatırladır və günün birində  çox pis formada partlayacaq.
Burada digər bir məqam isə Paşinyan komandasının yekcins  və təcrübəsiz olmasıdır. Komanda təcrübəsiz olduğundan  fikir ayrılıqları yaranmaqda və bu proses dərinləşməkdədir.  Paşinyan bunu artıq görür və “yumşaq əl” taktikasından “dəmir əl” taktikasını seçməyi planlayır. Ancaq bunun hansı effekt verəcəyi  də bəlli deyil. Bu, Paşinyan hakimiyyətinin daha sürətlə dağılmasına rəvac verə bilər.  Paşinyan ilk olaraq sosial şəbəkələrdə barəsində  sərt  yazılara reaksiya verməkdədir.

 Aprelin 4-də sosial şəbəkə iştirakçısının  Paşinyan hakimiyyətini dövləti məhv etməkdə ittiham edən bir status yazıb.  Sosial şəbəkə iştirakçısı  öz statusunda bunları qeyd edib: “Bu hökumət Ermənistanı məhv edərək, Böyük Turana yol açmaq üçün  hakimiyyətə gəlib”.

 Bundan sonra Paşinyan Təhlükəsizlik xidmətinin rəhbərinə  həmin şəxs barəsində  ciddi tədbir görmək barədə göstəriş verib. Onu bu göstərişi qısa zamanda həyata keçirilib. 

Müxalifət Respublikaçılar partiyasının  sədr müavini  Armen Aşotyan son günlərdə  Paşinyan hakimiyyətinin tənqidi fikirlərə dözməyərək,  kəskin reaksiya  verməsini ciddi problemlərə yol açacağını bildirib. O, qeyd edib ki, erməni cəmiyyəti qısa zamanda  inqilabi terrorun şahidi olacaq. Onun fikrincə, Paşinyan verdiyi vədlərə əməl edə bilmədiyindən reytinqi cəmiyyətdə sürətlə aşağı düşür və ölkədə idarəetməni həyata keçirə bilmir: “O, öz hakimiyyətini qoruyub-saxlamaq üçün  inqilabı terrora əl atacaq” .

Baş verənlər bir daha onu sübut edir ki, Ermənistan nə qədər işğalçı siyasətinə son verib Azərbaycan və Türkiyə ilə normal münasibətlər qurmayıb, bu ölkənin xilası mümkün deyil.

Mürtəza Bünyadlı
Ölkə.az

ŞƏRH YAZ
0

“Ermənistanda baş verən proseslərə bir müddət sonra hərbçilər də qatılacaq” — Politoloq

“Ermənistanda baş verən proseslərə bir müddət sonra hərbçilər də qatılacaq”
17:30
20.05.2019
1511
Analitika
A
Azərbaycanın hərbi-siyasi rəhbərliyi bu gün Ermənistanda yaranan proseslərdən yararlanıb, işğal altında olan torpaqlarımızın azad olması istiqamətində müəyyən addımlar atmalıdır.

 Bunu “Ölkə.Az”a açıqlamasında politoloq Mübariz Əhmədoğlu İrəvan məhkəməsinin həbsdə olan sabiq prezident Robert Köçəryanın azad olunması barədə verdiyi qərardan sonra Ermənsitanda yaranmış prosesləri şərh edərkən deyib.

Onun sözlərinə görə, hələ ötən il Ermənistanda inqilab dalğası zamanı  Azərbaycan Prezidenti İlham Əliyevin bir tezisi oldu ki,   bu  Azərbaycanın gördüyü  işlərin nəticəsidir.

 “Yəni nə qədər ki, “Qarabağ problemi həll olunmayıb, Ermənistanda   vəziyyət sabitləşməyəcək və bu birmənalıdır. Ona görə də hal-hazırda Ermənistanda baş verənlərə növbəti bir məhələ kimi yanaşmaq lazımdır”, -politoloq bildirib.

 O, əlavə edib ki, Paşinyan  hakimiyyətə Qarabağ dalğası üzərində gəldi: “Belə ki, Ermənistan rəhbərliyi Qarabağ münaqişəsini həll edə bilməməsi Paşinyanın hakimiyyətinə yol açdı. Paşinyan Qarabağ münaqişəsinin həllini söz versə də, atdığı addımlar bunun əksini göstərdi. Ona görə də Ermənistanda inqilabın gözləntiləri özünü doğrultmadığından əks proses başlandı. Əgər məhkəmənin Robert Köçəryanı azad etmək barədə  məsələsi olmasa idi belə, yaxın vaxtlarda buna bənzər xaos olacaqdı. Proseslər buna doğru gedirdi. Sadəcə Köçəryan məsələsi prosesləri sürətləndirdi”.

Onun fikrincə, proseslər mayın 9-da Paşinyanın Şuşaya səfəri zamanı başlanıb:

“Hətta Şuşada Paşinyanı ələ saldılar. Sepratçı Dağlı Qarabağ rejiminin təhlükəsizlik şurasının katibi Vitaliy Balasyan Paşinyana   Köçəryanı niyə azad etməməsini sordu. O isə İrəvana döndükdən həmən sonra bəyan etdi ki, bəs ək-inqilab planı hazırlanır. Elə bu əks-inqilabı mən inqilabın növbəti bir mərhələsinə çevirəcəyəm. Ona görə də insanları məhkəmlərin binası qarşısına çıxmaq barədə çağırış edir. Erməni ekspetlər isə onun bu hərəkətini növbəti konstitusiya çevrilişi hesab edirlər. Digər tərəfdən prezident, İkinci Qarigen vəziyyətlə bağlı ictimaiyyətə müraciət edib və hansı ki, bu müraciətlər Paşinyanın  əleyhinə olan bəyantlardır. Bu gün Ermənistan rəhbərliyində  də Paşinyana  müqavimət edən qüvvələr var. Odur ki, hadisələr  ciddi istiqamət almaqda davam edir.  “Çiçəklənən Ermənistan” Partiyasından olan deputat Naira Zöhrabyan baş verən prosesləri dövlətin parçalanma təhlükəsi kimi dəyərləndirib. Onun fikrində xaosun davam etməsi Ermənistan dövlətçiliyini təhlükə altına alır”.

Politoloq bir neçə ay bundan öncə Ermənistanın Mehri şəhərində hərbi hissədə baş verən qiyama diqqəti çəkərək bildirib ki, həmin hadisələri şərh edən erməni hərbi ekspert Azərbaycan ordusunun bir güllə atmadan Mehrini götürəcəyi barədə mövqe sərgiləyib. 

“Erməni hərbi ekspert bildirib ki, həmin qiyam zamanı Azərbaycan ordusu bir güllə atmadan  belə Mehrini ələ keçirə bilərdi. Bunu deməkdə məqsədim odur ki,  Ermənistanda baş verən proseslərə bir müddət sonra hərbçilər də qatılacaq. Ona görə də Azərbaycanın hərbi-siyasi rəhbərliyi  vəziyyəti ciddi təhlil etməli və buna müvafiq addımlar atmalıdır. Çünki Ermənistan  hərbi birləşmələri bir azdan  ölkədə gedən proseslərə qoşula bilər və bu vəziyyət Azərbaycana işğal altında olan torpaqları geri qaytarmaq  istiqamətində addımlar atmaq üçün şanslar yarada bilər. Ona görə də, bu istiqamətdə müəyyən işlər görülməlidir”,- M.Əhmədoğlu bildirib.

Mürtəza
Ölkə.Az

ŞƏRH YAZ
0

“Azərbaycan Ordusunun Günnüt zəfəri hələ də İrəvanı ciddi narahat edir” — Deputat

“Azərbaycan Ordusunun Günnüt zəfəri hələ də İrəvanı ciddi narahat edir”
14:02
20.05.2019
1405
Analitika
A
Naxçıvandakı Günnüt əməliyyatından bir il keçir. 2018-cı il mayın 20-dən 27-nə qədər Azərbaycan Silahlı Qüvvələrinin Naxşıvandakı Əlahiddə Ümumqoşun Ordusunun əks-həmlə əməliyyatı nəticəsində Şərur rayonunun Günnüt kəndi, “Ağbulaq” yüksəkliyi, Qızılqaya və Qaraqaya dağı azad olunub. Bu uğurlu hərbi əməliyyat zamanı 11.000 hektarlıq ərazi işğaldan azad olunub və Ermənistanın Dərələyəz mahalının Arpa kəndi isə Azərbaycan ordusunun nəzarəti altına keçib.

Azərbaycan ordusunun uğurlu Günnüt əməliyyatı barədə “Ölkə.Az”a mövqeyini açqılayan deputat Mirkazım Kazımov bildirib ki, Azərbaycan müharibə şəraitində yaşayır və torpaqlarının 20 faizi işğal altındadır:

 “Bu gün Azərbaycanın ən aktual problemi bu işğal faktını aradan qaldırmaqdır. Azərbaycan işğal  faktının aradan qaldırılmaq məqsədi  ilə  25 ildən artıqdır ki, danışıqlar aparır. Ancaq bununla parallel olaraq  ordusunu da gücləndirir. Azərbaycan sülhsevər ölkə olaraq  işğal faktının sülh  yolu ilə  həllinə sadiqliyini hər zaman bəyan edib  və bu gün də həmin prinsipinə sadiqliyini nümayiş etdirir. Ancaq   işğalçı Ermənistan öz havadarlarına arxalanaraq  BMT TŞ-nin və digər beynəlxalq qurumların münaqişənin həlli ilə bağlı  qəbul etdikləri  qətnamələri icra etməkdən boyun qaçıraraq, destruktiv mövqe  sərgiləməklə  işğal siyasətini davam etdirir. Ancaq dünya birliyi də onu bilməlidir ki, Azərbaycan işğal faktı ilə razılaşmayacaq və  hansı yolla olur-olsunərazilərini geri qaytaracaq. Ona görə də ordusunu gücləndirir. Artıq Azərbaycan ordusu dünyanın seçilib-sayılan ordularından hesab olunur. Bunu 2016-ci il Aprel döyüşləri və 2018-ci ilin mayın 20-də Günnüt əməliyyatı bunun bariz nümunəsidir”.

Deputat əlavə edib ki,   Azərbaycan ordusu bir il öncə düşmən nəzarətində olan Günnüt istiqamətində uğrulu hərbi əməliyyat həyata keçirməklə, itki vermədən Günnüt kəndini, bir neçə strateji əhəmiyyətə malik yüksəklikləri nəzarətinə keçirdi: 

“Bu döyüşlərin ən mühüm uğuru ondan ibarət oldu ki,  döyüşlər nəticəsində Azərbaycan ordusu Ermənistanın yaşayış məntəqələrinə, o cümlədən İrəvan-Yeğeqnadzor-Gorus-Laçın-Xankəndi avtomobil yoluna nəzarət etməyə və müşahidə altında saxlamaq imkanını qazandırdı.   Bax bu cür strateji mövqelərin Azərbaycan ordusnun  nəzarətinə keçməsinin digər əhəmiyyəti ondan ibarətdir ki, həmin mövqelərdən İrəvana çox qısa hava məsafəsi var. Bu isə təbii olaraq İrəvanı ciddi narahat edir”.

 Deputat bildirib ki, bütün bunlar Azərbaycan Ordusunun döyüş qabiliyyətini göstərir: 

“Qarşı tərəf artıq Azərbaycan ordusunun gücünü bilir. Bilir ki, Azərbaycan ordusu işğal altında olan torpaqları hər an işğaldan azad etmək iqtidarındadır. Bunu ermənilərə havadarlıq edən qüvvələr də yaxşı anlayır. Çünki Naxçıvan əməliyyatı bunu göstərdi. Azərbaycan Ordusu  qarşıya qoyulan istənilən vəzifəni icra etməyə hazırdır. İstər 2016-ci ild Lələtəpə, istərsə də 2018-ci il Günnüt əməliyyatı erməni və onun ordusu haqqındakı mifi darmadağın etdi. Odur ki, Ermənistan bunlardan nəticə çıxarmalı və danışıqlar yolu ilə münaqişənin həllinə nail olmalıdır. Bir daha bildirirəm ki, Azərbaycan Prezidenti də dəfələrlə mötəbər tribunalardan çıxış edərək  ölkəmizin sülhsevər ölkə olduğunu və ölkələrin, xalqların  mehriban, qarşılıqlı maraqlar əsasənda rifah halında yaşmasını bəyan edib. Azərbaycan bu prinsiöi əsas tuturaq  problemin hələ də sülh yolu ilə həllinə inanaraq danışıqları davam etdirir. Ancaq bu işğal faktı da uzun çəkə bilməz. Hər bir məsələnin bir həddi var. Əgər danışıqlar nəticə verməzsə, Azərbaycan beynəlxalq hüququn ona verdiyi prinsiplərdən yararlanaraq alternativ variantlardan istifadə etməklə problemi həll etməyə çalışacaq. Biz işğal faktı ilə barışmayacağıq”.

 Mürtəza
Ölkə.Az

ŞƏRH YAZ
0
BAĞLA