Moskvanın bu ali təhsil ocağına azərbaycanlılar üçün tələbə qəbulu başladı

Moskvanın bu ali təhsil ocağına azərbaycanlılar üçün tələbə qəbulu başladı
17:51
16.05.2018
872
Ölkə
A
2018/2019-cu tədris ili üçün Rusiya Federasiyası Xarici İşlər Nazirliyinin Moskva Dövlət Beynəlxalq Əlaqələr Universitetinə Azərbaycan Respublikası vətəndaşları üçün tələbə qəbulu elan edilib.

Dövlət İmtahan Mərkəzindən "Ölkə.Az"a verilən məlumata görə, Rusiya Federasiyası Xarici İşlər Nazirliyinin Moskva Dövlət Beynəlxalq Əlaqələr Universitetində Azərbaycan Respublikası vətəndaşlarının təhsil alması üçün 3 yer ayrılıb.

Müsabiqədə iştirak etmək istəyən abituriyentlər 17-23  may tarixlərində (şənbə və bazar günləri istisna olmaqla) DİM-də təşkil edilmiş Sənəd Qəbulu Komissiyasında (SQK) qeydiyyatdan keçməlidirlər.

Müsabiqədə iştirak etmək hüququna 2018-ci il may 15-dək 19 yaşı tamam olmayan, II və ya III ixtisas qrupu üzrə 13 may 2018-ci il tarixində keçirilən qəbul imtahanında iştirak edən (qəbul imtahanını rus dilində verən), attestat qiymətləri (cari ilin məzunlarının birinci yarım il üzrə qiymətləri) 4 və 5 olan Azərbaycan Respublikasının vətəndaşları malikdirlər.

Ali təhsil müəssisəsi tələbəsi və ya məzunu olan şəxslər bu müsabiqədə iştirak etmək hüququna malik deyillər.

Müsabiqədə iştirak etmək istəyən abituriyentlər SQK-ya aşağıdakı sənədləri şəxsən təqdim etməlidirlər:

1. Əvvəlki illərin məzunları orta təhsil haqqında sənədin əslini və surətini (2018-ci ilin məzunları I yarım il üzrə qiymətlər göstərilməklə buraxılış sinfində oxumaqları haqqında arayışı);

2. Şəxsiyyət vəsiqəsi;

3. Hərbi bilet və ya çağırışçı şəhadətnaməsi.

Müsabiqəyə DİM tərəfindən 13 may 2018-ci il tarixində keçirilən II və ya III ixtisas qrupları üzrə test imtahanında iştirak edən abituriyentlər qatıla bilərlər. “Beynəlxalq iqtisadi əlaqələr” və “Beynəlxalq münasibətlər” ixtisasına qəbul olmaq istəyənlər II ixtisas qrupu üzrə, “Beynəlxalq hüquq” ixtisasına qəbul olmaq istəyənlər isə III ixtisas qrupu üzrə imtahan vermiş olmalıdırlar.

Test imtahanı nəticəsində 500 və daha yüksək bal toplamış, xarici dil fənnindən nisbi balı 50-dən az olmayan abituriyentlər müsahibəyə buraxılırlar.

Müsahibə tarixi ilə bağlı əlavə məlumat veriləcək . Müsahibədə abituriyentlərin ümumi dünyagörüşü yoxlanacaq. 

Müsabiqədə ən yüksək nəticə göstərən 3 nəfərin namizədliyi MDBƏİ-yə ödənişsiz təhsil forması üzrə təhsil alması üçün təqdim olunacaq.

İkinci mərhələ MDBƏİ tərəfindən Moskva şəhərində 6 və 10 iyulda keçiriləcək. Bu mərhələdə abituriyentlərin seçdikləri fakültədən asılı olmayaraq rus və əlavə bir xarici dil üzrə müsabiqədən kənar test imtahanında iştirak etməlidirlər. “Beynəlxalq iqtisadi münasibətlər fakültəsi”nə qəbul olmaq istəyənlər bundan əlavə riyaziyyatdan da imtahan verməlidirlər.

İkinci mərhələ imtahanının məzmunu, nümunə tapşırıqları və digər zəruri məlumatları www.mgimo.ru saytından əldə etmək olar.

Qəbul olunanlardan aşağıdakı sənədlər tələb olunacaq:

1. Orta təhsil haqqında sənəd və onun Rusiya notariat kontorlarının biri və ya Rusiya Federasiyasının Azərbaycan Respublikasındakı konsulluğu tərəfindən təsdiq edilmiş tərcüməsi;

2. Milli pasportun surəti;

3. 3x4 sm ölçüdə ağ-qara, parıltısız 12 ədəd fotoşəkil;

4. Xroniki xəstəliklər barədə məlumatı əks etdirən tibbi arayış;

5. Döş qəfəsi orqanlarının rentgen (flüoroqrafik) müayinəsinin nəticəsi;

6. Tarixləri göstərilməklə edilmiş peyvəndlər (tetanus, qan, difteriya, vərəm) barədə tibb müəssisəsinin möhürü ilə təsdiqlənmiş məlumat;

7. Sifilis müayinəsinin nəticəsi;

8. VİÇ infeksiyasının olmaması barədə beynəlxalq sertifikat.

ŞƏRH YAZ
0

23 fevral sevgililər günüdür — Bakı sakini + VİDEO

23 fevral sevgililər günüdür
21:10
Bu gün
179
Ölkə
A
23 fevral SSRİ dönəmində sovet ordusu və Hərbi-Dəniz Donanması günü kimi qeyd olunurdu.

“Ölkə.Az”ın “Oxu.Az”a istinadən məlumatına görə, həmin dövrdə bu günün kişilər bayramı kimi qeyd edilməsi ənənəvi şəkil almışdı. Fevralın bu günündə bayram ab-havası yaşanırdı. Xüsusən sovet ordusu sıralarında xidmət edən əsgərlər bu bayramı təmtəraqlı qeyd edirdi.

İndi artıq sovet dönəmi deyil.

Görəsən, tarixin tozlu rəflərinə qaldırılmış bu günü ölkəmizdə hələ də qeyd edənlər var?

<iframe width="640" height="360" src="//player.baku.tv/embed/6932" frameborder="0" allow="autoplay; encrypted-media" allowfullscreen seamless></iframe>

Ölkə.Az

ŞƏRH YAZ
0

Sabah Bakının bu yollarında nəqliyyatın hərəkəti məhdudlaşdırılacaq

Sabah Bakının bu yollarında nəqliyyatın hərəkəti məhdudlaşdırılacaq
20:14
Bu gün
1915
Ölkə
A
Paytaxtın bəzi yollarında nəqliyyatın hərəkəti məhdudlaşdırılacaq.

Bakı Nəqliyyat Agentliyindən “Ölkə.Az”a bildirilib ki, fevralın 24-də saat 22:00-dan fevralın 25-i səhər saatlarınadək Neftçilər prospekti Yusif Səfərov küçəsi istiqaməti və Y.Səfərov küçəsi Heydər Əliyev prospekti istiqamətlərində nəqliyyat vasitələrinin hərəkəti qismən məhdudlaşdırılacaq. Buna səbəb həmin yollarda üfüqi nişanlanma xətlərinin çəkilməsidir.

Qeyd edək ki, bu gün Xocalı prospektində aparılan analoji işlər isə artıq yekunlaşdırılıb.

Ölkə.Az

ŞƏRH YAZ
0
BAĞLA