Mosulda dəhşət
“Ölkə.Az” xəbər verir ki, bu barədə İraq Səhiyyə nazirliyinin rəsmi nümayəndəsi Əhməd Dubardani bildirib. Onun sözlərinə görə, bina əvvəl deyilən kimi İŞİD terrorçularının törətdiyi terror aktı nəticəsində yox, ABŞ-ın rəhbərlik etdiyi koalisiya qüvvələrinin ərazini bombardıman etməsi nəticəsində dağılıb.
“Hazırda dağıntılar arasında çoxlu sayda cəsəd var. Hələlik 112 nəfərin meyitini çıxarmaq mümkün olub”, - deyə Əhməd Dubardani bildirib.
Qeyd edək ki, töən gün Mosulda bina partladılıb. Binanın içərisində 200-dən çox dinc sakin olub. İlkin məlumata görə, İraq ordusuna məğlub olan İŞİD-çilər Mosul şəhərinin qərb hissəsində qəsəbələrin birində sakinləri bir binaya yığıblar. Terrorçular əsilərə bomba bağlayıblar. Binanın ərazisini isə minalayıblar. Daha sonra əraziyə yaxınlaşan hərbçiləri gördükdə partlayış törədiblər.
İraqın bəzi Kütləvi İnformasiya Vasitələrində isə yazılır ki, bina ərazi terrorçulara qarşı keçirilən əməliyyat zamanı qırıcılar tərəfindən bombalanıb. Beynəlxalq koalisiyanın qərargahı hava zərbələri zamanı itkilərlə bağlı məlumatın araşdırıldığını bildirimişdi.
Ziya Səccad
Ölkə.Az