Mosulda İŞİD-in mühasirəsində qalan dinc əhaliyə müraciət

“Ölkə.Az” xəbər verir ki, bu haqda Reyter agentliyi xəbər verib. Verilən məlumata görə, İraq qırıcıları dinc sakinlərin hələ də İŞİD terrorçularının əlində olan ərazilər tərk etməyə çağıran yüz minlərlə vərəqələri şəhərin üzərinə atıb. Vərəqələrdə hərbçilər rayona tezliklə hücum olacağı haqda xəbərdarlıq edir.

Qeyd edək ki, hazırda Mosulun qərbində İŞİD terrorçuları 300 minə yaxın dinc əhalini nəzarətdə saxlayır. Terrorçular insanlara imkan vermirlər ki, şəhəri tərk etsinlər. Gizlincə şəhərdən qaçmaq istəyənlər isə öldürülür.

2016-cı ilin oktyabr ayından Mosulda İraq ordusu və ABŞ hərbçilərinin birgə təşkil etdiyi koalisiya qüvvələri əməliyyatlara başlayıb. Əməliyyatlar nəticəsində İraqda bir çox ərazi İŞİD terrorçularından təmizlənib. Bu ilin mart ayından başlayaraq Mosul şəhəri mühasirəyə alınıb. İraqın Mosul şəhərində İŞİD terrorçularına qarşı əməliyyatlar davam edir.

Ziya Səccad
Ölkə.Az