Mosulda İŞİD-in qərargahı bombalandı
"Ölkə.Az" xəbər verir ki, qərbi Mosulun tibbi kompleksində yerləşən İŞİD-in komanda qərargahı məhv edilib.
Mosul şəhərinin qərb hissəsi hələ də terrorçuların nəzarəti altındadır. Şəhərin şərq hissəsi isə İraq ordusu tərəfindən azad edilib. Mosulun azad edilməsi üçün 2016-cı ilin oktyabr ayından hərbi əməliyyatlar keçirilir.
Koalisiya qüvvələri isə xəstəxananın tibbi məqsədlər üçün istifadə edilmədiyini müəyyənləşdirib. Dinc sakinlər isə obyektə yaxınlaşmır. Bu səbəbdən Koalisiya qırıcıları xəstəxanaya zərbələr endirmək qərarına gəliblər.
Cümə günü xşam saatlarında İŞİD komanda qərargahına zərbələr endirilib. Məhv edilən terrorçuların sayı hələ dəqiqləşdirilməyib.
Qeyd edək ki, terrorçular xəstəxana, məktəb, məscid və kilsələrdən qərargah kimi istifadə edirlər.
Hikmət
Ölkə.Az
