Mosulda öldürülən terrorçuların sayı açıqlandı

Mosulda öldürülən terrorçuların sayı açıqlandı
14:21
16.07.2017
22
Dünya
A
Mosulun azad edilməsi üzrə əməliyyatların komandiri Abduləmir Yarullah şəhərdə öldürülən terrorçularını sayını açıqlayıb.

Ölkə.Az "qafqazinfo"-ya istinadən xəbər verir ki, o, ötən ilin 17 noyabrında başlayan Mosul əməliyatlarında 25 min terrorçunun öldürüldüyünü bildirib.

Bundan başqa, terrorçulara məxsus 3 mindən çox hərbi texnika və avtomobil məhv edilib. Onlardan 1247-si bomba ilə yüklənmiş avtomobil olub. Həmçinin, 130 piltosuz uçan aparat da (PUA) vurulub.

A.Yarullah deyib ki, Mosuldan sonra növbə Təlafərin azad edilməsindədir:

"Yaxın zamanlarda Təlafər əməliyyatlarına da başlayacağıq və şəhərin azad edildiyini elan edəcəyik".

Qeyd edək ki, Mosulun şərq hissəsi isə ötən ilin 17 oktyabrında başlayıb bu il 24 yanvarında bitən əməliyyatlar nəticəsində terrorçulardan tamamilə təmizlənib.

Şəhərin qərb hissəsi isə 19 fevral - 29 iyun aralığında keçirilən əməliyyatlar nəticəsində azad edilib. Şəhərin tam azad edilməsi isə 10 iyulda elan edilib.

ŞƏRH YAZ
0

“Taliban” terrorçuları Kabildə otelə hücum edib — 12 ölü

“Taliban” terrorçuları Kabildə otelə hücum edib
15:12
Bu gün
751
Dünya
A
Əfqanıstanın təhlükəsizlik qüvvələri Kabildə “İntercontinental Hotel” mehmanxanasına hücum edən silahlıları zərərsizləşdirib.

“Ölkə.Az” xəbər verir ki, bu barədə "TOLO News" telekanalına Əfqanıstan Daxili İşlər Nazirliyindən məlumat verilib. Verilən məlumata görə, hücum zamanı baş verən partlayış nəticəsində həlak olanların sayı 12 nəfərə çatıb. Hazırda yanğınsöndürənlər mehmanxananın bir qismini əhatə edən yanğının söndürülməsinə cəlb edilib.

Bundan əvvəl  mehmanxanaya hücum nəticəsində 5 nəfərin öldüyü, 6 nəfərin yaralandığı açıqlanıb. Əfqanıstan Daxili İşlər Nazirliyinin yaydığı məlumatda 41 əcnəbi olmaqla, mehmanxanadakı 126 qonağın və mehmanxana əməkdaşlarının azad edildiyini bildirilib.

Hücuma görə məsuliyyəti “Taliban” radikal hərəkatı öz üzərinə götürüb.

Ölkə.Az

ŞƏRH YAZ
0

Binəli Yıldırım “Zeytun budağı” əməliyyatının məqsədini açıqladı

Binəli Yıldırım “Zeytun budağı” əməliyyatının məqsədini açıqladı
14:44
Bu gün
618
Dünya
A
Türkiyən hökuməti Afrin bölgəsində keçirdiyi “Zeytun budağı” əməliyyatının məqsədini açıqlayıb.

“Ölkə.Az” xəbər verir ki, bu barədə danışan Türkiyə baş naziri Binəli Yıldırım bildirib ki, əməliyyatın məqsədi Türkiyə-Suriya sərhəddində təhlükəsizliyi tam ətmin etməkdir.

“Əməliyyat 4 mərhələdən ibarət olacaq. Türkiyə Suriya sərhədi boyu 30 km genişlikdə təhlükəsizlik zolağı  formalaşdıracaq. Bununla da, ölkəmiz və bölgə terrorçulardan tam müdafiə olunacaq”, - deyə Binəli Yıldırım bildirib.

Qeyd edək ki, ötən gündən başlayaraq Türkiyə Afrin bölgəsində "Zeytun budağı" əməliyyatını həyata keçirir. Hərbi əməliyyatda məqsədin bölgənin PKK terror təşkilatının Suriya qolu PYD/YPG, İŞİD və digər terror təşkilatlarından təmizləmək olduğu bildirilib.

Ölkə.Az

ŞƏRH YAZ
0
BAĞLA