Mosulun ən böyük rayonu İŞİD terrorçularından təmizləndi
İraq ordusu Mosulun ən böyük rayonu İŞİD terrorçularından təmizləyib.
"Ölkə.Az" xəbər verir ki, ət-Tanek rayonunda nəzarət İraq ordusunun əlinə keçib. Bu barədə İraq ordusunun xüsusi təyinatlılarının komandiri general-leytenant Abdul Vahab əs-Səidi məlumat verib.
General deyib: "Rayon tam olaraq azad edilib və hökumət qüvvələrinin nəzarəti altındadır".
Qeyd edək ki, bir müddət əvvəl İraq ordusu Əl-Tavra rayonunu da terrorçulardan təmizləmişdi. Hazırda Tall-Afar, Baac və Hazır rayonları İŞİD-in nəzarəti altındadır. Qaçqınlar bu əraziləri tərk etməyə davam edir. Təhlükəsizlik qüvvələri və terrorçular arasında küçə döyüşləri davam edir. İŞİD-çilər mülki əhalidən canlı qalxan kimi istifadə edirlər. Dinc sakinlərə və təhlükəsizlik qüvvələrinə snayperlərdən atəş açılır.
Hikmət
Ölkə.Az
