"MRT-yə ödəyəcəyim pulun miqdarını söyləyəndə şoka düşdüm" — Türkiyədə müalicə alan Xalq artisti

23:00
13.12.2019
19732
Maqazin
A
"Türkiyədə müalicəm işə yaradı. Özümü yaxşı hiss edirəm. Amma müalicəmi davam etdirmək üçün yenidən Türkiyəyə qayıtmalıyam".

"Ölkə.Az" bildirir ki, bu sözləri Xalq artisti Naibə Allahverdiyeva bildirib. Aktrisa Türkiyədə aldığı müalicəsinin ona baha başa gəldiyini bildirib:

“Beyin və qan təzyiqimin yuxarı olması ilə bağlı səhhətimdə ciddi problemlər yarandı. Ona görə də Türkiyəyə getdim. İnanın, müalicəm mənə baha başa gəldi. Orada həkimlər və müalicə çox bahalıdır. Həddindən artıq çox pulum çıxdı”.

N.Allahverdiyeva müalicəsi ilə bağlı maliyyə baxımından aldadıldığını da dilə gətirib, gileyləndi:

“Türkiyədə müalicə aldığım klinikanın distribüteri Bakıda da var. Onların yolu ilə Türkiyədəki həmin klinikaya getdim. Amma məni aldatdılar. Mənim vəziyyətim elə kritik idi ki, götür-qoy etməyə və düşünməyə zamanım yox idi. Təcili olaraq getməli idim. Türkiyədə soyuldum. Çox bahaçılıqdır. Türk vətəndaşlarının tibbi sığortası var. Ona görə onların xəstəxanalara bizim kimi külli miqdarda xərcləri çıxmır. Bakıdan gedəndə Türkiyədəki klinikanın bu qədər baha olduğunu mənə söyləmədilər. Ora tək getməmişdim, yanımda yaxın qohumum var idi. Özümdə-sözümdə deyildim. MRT-yə ödəcəyim pulun miqdarını mənə söyləyəndə şoka düşdüm”.

Bir iynənin ucbatından komaya düşüb, vəziyyəti ağırlaşan xalq artisti Bakıda müalicəsinin onun üçün riskli olduğunu anlayıb, məhz bu səbəbdən Türkiyəyə üz tutduğunu vurğuladı:

“Bakıda müalicəmə kifayət qədər böyük məbləğdə pul xərclədim. Onlar mənə dəqiq diaqnoz da qoya bilmədilər. Vəziyyətin daha da gərginləşdiyini gördükdən sonra, qorxub, təlaşlanıb çarəni Türkiyəyə getməkdə gördüm. Səhhətim çox pis və ağır idi. Burada müalicə aparmaqdan imtina etdim. Çünki həkimin bir iynəsi məni “koma halı”na saldı, “şoka” düşdüm. Bundan sonra gözüm çox qorxdu. O üzdən qərar verdim ki, Türkiyəyə gedib, orada müalicə almalıyam.

Mən artıq işə çıxıram. Mədəniyyət Nazirliyi, bir çox sənət yoldaşlarım və məni sevən pərəstişkarlarım zəng vurub səhhətimlə maraqlandılar. Onların hər birinə öz təşəkkürümü bildirirəm”.

Qeyd edək ki, bir müddət bundan əvvəl Naibə Allahverdiyeva əsəblərinin pozulduğunu və qan təzyiqindən əziyyət çəkdiyini bildirmişdi. (oxu.az)

ŞƏRH YAZ
0

Toliklə Nazilə arasında nə baş verir? — YENİ QALMAQAL

Toliklə Nazilə arasında nə baş verir?
11:32
Bu gün
814
Maqazin
A
Teleaparıcı, prodüser Tarix Əliyevlə (Tolik) ilə şairə Nazilə Səfərli arasında qalmaqal yaşanıb.

“Ölkə.Az” xəbər verir ki, Tolik dünən ad gününü qeyd edən Nazilə Səfərlinin fotosunu öz “İnstagram” səhifəsində paylaşıb. Maraqlısı isə prodüser onun plastik əməliyyatlardan əvvəl çəkilən fotosunu yayımlayıb. O, paylaşımını bu sözlərlə şərh edərək, şairəyə ismarıc yollayıb.

“Dedim ad gününü təbrik edim, çünki sən həyatda ən gözəlinə Allah tərəfindən deyil, həkimlər tərəfindən layiq olmusan! Eltondan da ayrı düşmə, hər zaman yanında ol! Bəlkə arzuların çin olar! Özü də ay yazıq qadın, Elton səni seçsəydi, dünən verilişində olardı. Yalandan deməzdin ki, guya Eltona təcili tibbi yardım gəlib”,- deyə qeyd edib.

Prodüserin bu paylaşımı izləyicilər tərəfindən bir mənalı qarşılanmayıb. Belə ki, izləyicilərin bir qismi Toliklə razılaşsa da, bəziləri onu bir Azərbaycan qadınını lağa qoyduğuna görə tənqid edib.

“Bir qadına bu sözləri demək doğru deyil. Kim olur, olsun”, “Allah yaradan bəndədir, heç kəs ona gülə bilməz”,- deyə izləyicilər Tolikə iradlarını bildiriblər.

Qeyd edək ki, bir müddət əvvəl oxu.az-a açıqlamasında “Eltonun çevrəsindəki insanlar onun nüfuzuna xələl gətirir, mən isə bunlara göz yuma bilmərəm. Elə bu səbəbdən qərar verdim ki, dostcasına, söz-söhbətsiz və davasız ayrılaq”,- deyə prodüsser müğənni ilə işbirliyinə son qoyduğunu bildirib.

Ölkə.Az

ŞƏRH YAZ
0

“Grammy” mükafatında çıxış edəcək repçi HƏBS EDİLDİ

“Grammy” mükafatında çıxış edəcək repçi HƏBS EDİLDİ
10:21
Bu gün
818
Maqazin
A
Amerikalı məşhur repçi YG (Kinon Cekson) həbs edilib.

“Ölkə.Az” xəbər verir ki, ABŞ-da, Los-Anceles polisi, YG-ni soyğunçuluqda şübhəli bilərək saxlayıb.

Polis 29 yaşlı repçinin evinə basqın edib.

Repçi axtarışdan sonra hüquq-mühafizə orqanları tərəfindən tutulub.

Polis musiqiçinin tutulması ilə bağlı heç bir açıqlama verməyib.

Qeyd edək ki, 2 gün sonra repçi “Grammy” mükafatında çıxış edəcəkdi.

Ölkə.Az

ŞƏRH YAZ
0
BAĞLA