“İmtahana buraxılış vərəqə”lərinin çapına başlanılıb

“İmtahana buraxılış vərəqə”lərinin çapına başlanılıb
19:02
13.02.2018
1686
Ölkə
A
Fevralın 18-də inzibati dövlət qulluğu vəzifələrinin BA və BB qruplarına uyğun vəzifələr üzrə keçiriləcək test imtahanında iştirak edəcək namizədlərin “İmtahana buraxılış vərəqəsi”nin çapına başlanılıb.

Dövlət İmtahan Mərkəzindən "Ölkə.Az"a bildirilib ki, buraxılış vərəqəsini çap etmək üçün https://azvision.az/redirect.php?url=http://eservices.dim.gov.az/brxvdq/ linkinə daxil olmaq lazımdır.

Qeyd edək ki, namizəd imtahana gələrkən şəxsiyyətini təsdiqləyən sənədin əslini və “İmtahana buraxılış vərəqəsi”ni gətirməlidir. Həmin sənədlərdən hər hansı biri olmazsa və ya sənədlər arasında uyğunsuzluq aşkarlanarsa, namizəd imtahana buraxılmayacaq.

ŞƏRH YAZ
0

Nazirlik tülküyə işgəncə verən şəxsi cərimələdi

Nazirlik tülküyə işgəncə verən şəxsi cərimələdi
18:36
Bu gün
119
Ölkə
A
Son günlər vəhşi heyvana qarşı qəddarlıq göstərərək nümayişkaranə surətdə sosial şəbəkədə video görüntüləri yayan şəxsin tapılması məqsədilə Azərbaycan Heyvanların Qorunması Cəmiyyətinin Heyvan Haqları üzrə inzibatçısı Fərid Mansurov tərəfindən aidiyyəti qurumlara müraciət olunub.

Ekologiya və Təbii Sərvətlər Nazirliyinin (ETSN) mətbuat xidmətindən "Ölkə.Az"a verilən məlumata görə, müraciət Heydər Əliyev Fondu tərəfindən nəzarətə götürülüb.

Nərimanov rayonu 18-ci polis bölməsinin əməkdaşları tərəfindən tülküyə işgəncə verən şəxslə bağlı araşdırmalara başlanılıb. Araşdırma zamanı tülkü ilə rəhmsiz davranaraq sosial şəbəkədə görüntüləri yayan şəxsin Bakı şəhəri sakini Akif Həsənov olduğu müəyyən edilib. A.Həsənov hadisəni etiraf edərək səhvini boynuna alıb. 

ETSN tərəfindən qanun pozucusu inzibati xəta törətdiyinə görə 500 manat məbləğində cərimə olunub və cərimənin ödətdirilməsi təmin edilib.

ŞƏRH YAZ
0

Ana və oğlunu qətlə yetirən kriminal avtoritetin cəzası qüvvədə qaldı

Ana və oğlunu qətlə yetirən kriminal avtoritetin cəzası qüvvədə qaldı
17:57
Bu gün
438
Ölkə
A
Şirvan Apellyasiya Məhkəməsində Lənkəranda ana və oğulu qətlə yetirən şəxsin apellyasiya şikayətinə baxılıb.

Ölkə.Az”ın məlumatına görə, hakim  Kamran Əkbərovun sədrliyi ilə keçirilən prosesdə Fətullayev Nəriman Səfər oğlunun apellyasiya şikayəti təmin edilməyib.

Birinci instansiya məhkəməsinin qərarı qüvvədə saxlanılıb.

Qeyd edək ki, Lənkəranda kriminal avtoritet kimi tanınan 56 yaşlı Nəriman Fətullayev 2008-ci ildə zərgər Şükür Əhmədovun evinə basqın edib. Ev sahibinin oğlu Şahin Əhmədovu çoxsaylı bıçaq zərbələri ilə öldürüb, onun həyat yoldaşı Əzizə Əhmədovaya bıçaq xəsarətləri yetirib. Qadın xəstəxanada vəfat edib.

Rusiyaya qaçan N. Fətullayev insidentdən bir neçə il sonra qətldə və başqa cinayətlərdə şübhəli bilinərək həbs olunub.

Lənkəran Ağır Cinayətlər Məhkəməsinin hökmü ilə N. Fətullayev Cinayət Məcəlləsinin 120.2.4, 120.2.9, 120.2.11, 29, 120.2.6, 29, 120.2.7, 29, 120.2.10, 181.3.2, 181.3.3 maddələri ilə təqsirli bilinərək  14 il 6 ay müddətinə azadlıqdan məhrum edilib.

Onun əvvəllər də dəfələrlə məhkumluq həyatı yaşadığı bildirilir.

ŞƏRH YAZ
0
BAĞLA