"MTN çetesi" yenə iş başında: "Las Veqas" cinayəti davam edir — FOTO

18:17
19.06.2017
112
Ölkə
A
MTN olaylarından sonra Prezident İlham Əliyev Nazirlər Kabinetinin bütün iclaslarında birmənalı şəkildə iş adamlarına ölkədə hər çür şəraitin yaradılması ilə bağlı müvafiq tapşırıqlarını verir.

Məhz Prezidentin bu çağırışından sonra onlarla iş adamı başlarına gətirilən müsibətləri açıq şəkildə etiraf etmək imkanı qazandılar. Bu iş adamlarından biri də uzun illər sahibkarlıqla məşğul olan, uğurlar əldə edən, sonradan MTN-də yuva quran cinayətkar şəbəkənin qurbanına çevrilərək, var-dövləti əlindən alınan Maqsud Mahmudzadədir.

"Ölkə.Az" xəbər verir ki, MTN-də kök salmış cinayətkar şəbəkənin qurbanına çevrilən Maqsud Mahmudzadə bu günlərdə icmal.az saytı vasitəsilə yenidən Azərbaycan Ədliyyə Naziri Fikrət Məmmədova və Ali Məhkəmənin sədri Ramiz Rzayevə müraciət etdi. 

Əvvəlcə həmin müraciətdən bəzi məqamları diqqətinizə çatdırıırıq:

İş adamı müraciətində iyunun 6-da Azərbaycan Respublikası Ali Məhkəməsinin Mülki Kollegiyasının üzvü, hakim Mehparə Əhmədovanın sədrliyi ilə onunla bağlı məhkəmə prosesinin keçirilməli olduğunu, lakin naməlum səbəbdən məhkəmənin 30 iyun 2017-ci il tarixə təxirə salındığını bildirib.

Maqsud Mahmudzadə müraciətində qeyd edib: "Nərimanov rayon Məhkəməsinin 7 sentyabr 2016-cı il tarixli qətnaməsi ilə iş adamı Mahmudzadə Maqsud Mahmud oğlu ilə İsmayılov Azad Fərhad oğlu arasında 11 sentyabr 2015-ci il tarixdə Sumqayıt şəhəri 4 saylı Dövlət Notariat Kontorunda bağlanmış Sumqayıt şəhəri 3/d ünvanında istifadədə olan 0.094248 ha torpaq sahəsində, Bakı-Quba yolunun şimal ünvanında yerləşən, ümumi sahəsi 965,9 kv.molan əmlak kompleksinin ("Las Veqas" restoranının) alqı-satqısı barədə AN İN 0472824 saylı daşınmaz əmlakın alqı-satqısı barəsindəki müqavilənin bağlandığı andan etibarsız hesab edilməsi və həmin əmlak üzərində Mahmudzadə Maqsud Mahmud oğlunun mülkiyyət hüququnun bərpası qət olunmuş, sabiq MTN-nin və "Bank Technique” ASC-nin bir sıra əməkdaşlarının əməllərində cinayət tərkibi olması barədə xüsusi qərar çıxarmaqla prokurorluğa məlumat verilmişdi. Həmin qətnamədən İsmayılov Azad Fərhad oğlu və Quluzadə Cavid Məhəbbət oğlu apellyasiya şikayətləri veriblər. Azərbaycan Respublikası Ali Məhkəməsinin Mülki Kollegiyasının 08 dekbar 2016-cı il tarixli qətnaməsi ilə Nərimanov rayon Məhkəməsinin iş üzrə 07 sentyabr 2016-cı il tarixli qətnaməsi dəyişdirilmədən, apellyasiya şikayəti təmin edilmədən saxlanılıb. Hazırda barələrində xüsusi qərarlar çıxarılmış şəxslər bütün qanunsuz yollarla mənim xeyrimə olan qətnamələri ləğv elətdirmək istəyirlər".

Maqsud Mahmudzadə müraciətində göstərib ki, Azərbaycan Respublikası Ali Məhkəməsinin Mülki Kollegiyasının üzvü, hakim Mehparə Əhmədovanın həyat yoldaşı keçmiş MTN-in polkovniki olub və hazırda sərəncama çıxarılıb:

"Hakimin həyat yoldaşının mənim mülkümü təzyiq yolu ilə ələ keçirən keçmiş MTN işçisi Quluzadə Cavid Məhəbbət oğlu ilə sıx münasibətləri olub. Quluzadə Cavid Məhəbbət oğlu keçmiş MTN-nin istintaq idarəsində işləyib. Bu şöbənin rəisi Vüsal Ələkbərov isə məlum hadisələrlə bağlı həbs olunub".

Zərərçəkən Maqsud Mahmudzadə daha sonra qeyd edir ki, "Bank Technique” ASC-nin bir sıra əməkdaşlarının əməlləri keçmiş MTN-nin İstintaq İdarəsində aparılırmış: "Keçmiş MTN işçisi Quluzadə Cavid Məhəbbət oğlu həmin istintaq qurupunun üzvü idi. Məhz bu səbəbdən Cavid Quluzadə Azad İsmayılova kömək edərək, onun "Bank Technique” ASC-də olan pulunun alınmasında iştirak edib. Yuxarıda adını çəkdiyim şəxslər sonradan mənə hədə-qorxu gələrək mənə məxsus olan avtomobili öz adlarına keçirdilər. Cavid Quluzadənin təzyiqi və hədəsi ilə Notarius depozitinə pul keçirilmədən alqı-satqı müqaviləsi təsdiqlənmişdi”.

Maqsud Mahmudzadə müraciətində Cavid Quluzadənin Ali Məhkəmənin Mülki Kollegiyasının üzvü, hakim Mehparə Əhmədovanın MTN-çi həyat yoldaşı ilə dostluq əlaqələrindən sui-istifadə etdiyini xüsusi vurğulayaraq, yazıb: "Xanım hakimin həyat yoldaşı mənim avtomobilimi və restoranımı hədə-qorxu ilə əlimdən alan Cavid Quluzadə ilə yaxın münasibətlərə malikdir. Bu insanlar bütövlükdə mütəşəkkil şəkildə mənim həyatımı məhv ediblər… Vaxt var idi, mən 300 vətəndaşımızı işlə təmin etmişdim, biznesimi daha da genişləndirəcəyimi düşünürdüm. Ancaq belələrini "səyi” nəticəsində bü gün onlardan 280-nə yaxını işsizdir… Artıq susa bilmirəm, maddi resurslarım tamamilə tükənib, səbrim bitib. Mən fövqəladə heç nə istəmirəm, sadəcə şəxsi əmlakımı geri qaytarsınlar".

Müraciətinin sonunda Maqsud Mahmudazdə keçmiş MTN işçilərinin ona təkcə maddi deyil, mənəvi-psixolji baxımdan da ağır zərbə vurduqlarını iddia edərək, 30 iyunda keçiriləcək məhkəmə posesində əlindən alınmış bütün əmlakının qaytarılması haqda qərar veriləcəyinə ümidvar olduğunu bildirib.

İş adamının müraciətindən sonra bəzi media qurumlarında Cavid Quluzadənin adamı olan Azad İsmayılov adından müraciət ünvanlandı. Müraciətdən bəzi xırda detalları Sizin diqqətinizə çatıdırırıq:

"Nərimanov rayon Məhkəməsinin hakimi Abbas Əliyev gözünü yumub tamamilə qondarma bir qətnamə çıxarıb. Ən dəhşətlisi odur ki, Bakı Apellyasiya Məhkəməsinin Mülki Kollegiyasının hakimi Saqi Məmmədov gözünü yumaraq 02 dekabr 2016-cı il tarixdə, bizim dəlillərə tüpürərək Abbas Əliyevin qətnaməsini qüvvədə saxlayıb.”

Birincisi, Abbas Əliyev və Saqi Məmmədov ölkədə fəaliyyət göstərən ən vicdanlı hakimlərdəndir. Onlar faktlar əsasında qətnamələr qəbul edirlər, qərarlar çıxarırlar. Görünən odur ki, Azad İsmayılovun adından mediaya ünvanlanan bu müraciətdən heç onun özünün də xəbəri yoxdur. Hakimə "TÜPÜRMƏ” jarqonunda yanaşma keçmiş "MTN çetesi"nin üslubuna aiddir.

İkincisi, Azad İsmayılov keçmiş MTN işçisi Cavid Qulkuzadənin adamı deyilsə, o zaman bu fotoda onun yanında dayanan şəxs kimdir?

Üçüncüsü, keçmiş MTN-in vəzifəli şəxsi Cavid Quluzadə Azad İsmayılovla Sumqayıt Notarius İdarəsinin qabağında nə işi var?

Əslində bu və ya bu kimi sualların cavabını özümüz də bilirik. Maqsud Mahmudzadə icmal.az-a ünvanladığı növbəti müraciətində bildirir ki, "bu gün Eldar Mahmudovun, Akif Çovdarovun cinayətkar "varisləri” öz əməllərindən əl çəkmək niyyətində deyillər: "Onların əsas məqsədi ölkədə iş adamlarına Cənab Prezident tərəfindən verilən ikinci nəfəslyi də bağlamaqdır. Bu yolla onlar ölkədə olan sağlam investisiya mühitinə kölgə salmaq, beləliklə iş adamlarını ölkə rəhbərliyinə qarşı qaldırmaq istəyirlər. Lakin biz həmrəylik nümayiş etdirməli, bu kimi fırıldaqçılara qarşı mübarizə aparmalıyıq. Hesab edirəm haqq-ədalət öz yerini tapacaqdır”

ŞƏRH YAZ
0

Nanopeyklərdə astrofiziki eksperimentlərin qoyulması ilə bağlı müzakirələr aparılıb

Nanopeyklərdə astrofiziki eksperimentlərin qoyulması ilə bağlı müzakirələr aparılıb
00:53
Bu gün
911
Ölkə
A
Azərbaycan Milli Elmlər Akademiyasının (AMEA) N.Tusi adına Şamaxı Astrofizika Rəsədxanasında ölkədə ilk dəfə buraxılacaq nanopeyklərdə astrofiziki eksperimentlərin qoyulmasının müzakirəsinə həsr olunan tədbir keçirilib.

"Ölkə.Az" xəbər verir ki, rəsədxanadan Azərtac-a bildiriblər ki, tədbirdə ABŞ-ın Merilend Universitetinin professoru, akademik Roald Saqdeyev, “Azərkosmos” ASC-nin sədri Rəşad Nəbiyev, sədrin müavini Rövşən Rüstəmov, AMEA-nın Riyaziyyat və Mexanika İnstitutunun direktoru, akademiyanın müxbir üzvü Misir Mərdanov və Milli Aviasiya Akademiyasının professorları Ənvər Həzərxanov, Ədalət Səmədov iştirak ediblər.

Rəsədxananın direktoru, AMEA-nın müxbir üzvü Namiq Cəlilov son illər qurumda görülən elmi işlər və beynəlxalq əlaqələr barədə məlumat verib. Qeyd edilib ki, elmi tədqiqatlar əsasən “Səma cisimlərinin fizika və dinamikası” istiqamətinə daxil olan iki problem – ulduz və qalaktikaların kompleks tədqiqi və Günəş və Günəş sistemi cisimlərinin fizika və dinamikası üzrə aparılır. Bundan başqa, rəsədxanada nəzəri astrofizika, kosmologiya, radioastronomiya, yüksəktezlikli radio siqnallarının ionosfer ssintilyasiyaları və onların müxtəlif kosmik hava faktorlarından asılılığı, astronomiyanın tarixi və başqa istiqamətlər üzrə də tədqiqatlar həyata keçirilir.

Rəsədxana direktorunun elmi işlər üzrə müavini Xıdır Mikayılov “Şamaxı Astrofizika Rəsədxanasının müşahidə imkanları” mövzusunda məruzə ilə çıxış edib. O bildirib ki, rəsədxananın cihaz parkı və xüsusilə ikimetrlik teleskopda yaradılmış şərait müasir standartlara cavab verə biləcək astronomik müşahidələr aparmağa imkan verir.

Rəsədxananın şöbə müdiri Canməmməd Rüstəmov “Nanopeyklərdə astrofiziki problemlərin həlli” mövzusunda məruzəsində qeyd edib ki, nanopeyklərdə fotometrik və paralel olaraq ikimetrlik teleskopda spektral müşahidələrin aparılması böyük kütləli parlaq ifratnəhəng ulduzlarda gedən fiziki proseslərin daha dəqiq anlaşılmasına, bu proseslərin düzgün modelinin qurulmasına imkan verəcək.

Tədbirdə nanopeyklərdə quraşdırılacaq kiçik teleskopların optik və texniki parametrlərinin seçilməsi ilə bağlı müzakirələr aparılıb.

Ölkə.Az

ŞƏRH YAZ
0

Bakıda böyük söküntü qərarı — Gələn aydan başlanır + VİDEO

Bakıda böyük söküntü qərarı
22:47
20.04.2018
5731
Ölkə
A
"Hazırda “Sovetski”də yollar çəkilir. Aprelin axırı mayın əvvəllərindən etibarən isə bu ərazidə yenidən söküntü işlərinə başlanılacaq".

"Ölkə.Az" xəbər verir ki, bu barədə Real TV-ə müsahibəsində Baş nazirin müavini Abid Şərifov bildirib.

Onun sözlərinə görə, bu il “Sovetski”də söküntü işlərinin davam etdirilməsi üçün vəsait ayrılıb.

“Bu il və gələn il 2500-ə yaxın evin sökülməsi nəzərdə tutulub. 2500 evi köçürmək asan deyil. Ona görə də hazırlıq işləri gedir. Böyük ehtimalla aprelin sonu mayın əvvəlində söküntü işlərinə başlanılacaq. Söküntü işlərinin aparıldığı ərazilərdə yol çəkiləcək, yaşıllıq və park salınacaq. Başqa işlərdən söhbət gedə bilməz”, - deyə Abid Şərifov qeyd edib.

Baş nazirin müavini Bakıda həyata keçirilməsi nəzərdə tutulan və başladılan pilot layihələr barədə də açıqlamalar verib.

Müsahibəyə daha ətraflı videomaterialda baxa bilərsiniz:

Ölkə.Az

ŞƏRH YAZ
0
BAĞLA