MTRŞ hansı qurumlara yayım lisenziyası verdi? — SİYAHI

MTRŞ hansı qurumlara yayım lisenziyası verdi?
17:02
20.10.2017
85
Ölkə
A
Azərbaycan Milli Televiziya və Radio Şurasının (MTRŞ) növbəti iclas keçirilib.

Şuradan "Ölkə.Az"a verilən məlumata görə, iclasda teleradio yayımı üçün lisenziya verilməsi barədə 11 hüquqi şəxsin müraciətinə baxılıb.

İclasda “Muz TV Azərbaycan” MMC-yə peyk yayımı üçün, “AZTELEKOM” MMC-yə, “Bakı Telefon Rabitəsi” İstehsalat Birliyi MMC-yə, “CLİP TV” MMC-yə, “MetroNet” MMC-yə, “AzFiberNet” MMC-yə, “Rahat Telecom” MMC-yə, “FARAON – 1” MMC-yə, “Qafqaznet” MMC-yə, “Teleport” MMC-yə, “Netpoint” MMC-yə İP TV yayımı üçün lisenziya verilməsi barədə qərar qəbul edilib.

ŞƏRH YAZ
0

Astarada torpaq sürüşməsi:yollardan biri qismən bağlandı

Astarada torpaq sürüşməsi:yollardan biri qismən bağlandı
22:48
18.11.2017
2083
Ölkə
A
Astarada torpaq sürüşməsi nəticəsində dağ kəndinə gedən yol qismən bağlanıb.

Ölkə.Az xəbər verir ki, bu barədə APA cənub bürosuna istinadən məlumat yayıb.

Qeyd edilir ki, Astarada Təxtənəkəran-Toradi yolunun Hamuşam kəndi ərazisindən keçən hissəsində dağdan ovunub gələn torpaq layı yolu bağlayıb. Sakinlərin sözlərinə görə, yolun bir zolağı ağır texnika vasitəsi ilə təmizlənib. Yolun ensiz və yağışlar səbəbindən sürüşkən olması sürücülər üçün təhlükə yaradır. Əlverişsiz hava şəraiti səbəbindən ərazidə təmizlik işləri müvəqqəti dayandırılıb.

ŞƏRH YAZ
0

Bakıda insanları ölümə aparan çörəklər satılır — EHTİYATLI OLUN! + FOTO

Bakıda insanları ölümə aparan çörəklər satılır
22:30
18.11.2017
3741
Ölkə
A
Son vaxtlar Bakıda satılan çörəklərin içərisindən yad cisimlərin çıxması kimi faktlara çox rast gəlinir.

“Ölkə.Az” xəbər verir ki, sosial şəbəkələrdə və Kütləvi İnformasiya Vasitələrində bununla bağlı çoxsaylı məlumatlar və görüntülər yayılır. Kimi çörəyin içindən tük, kimi çöp, kimi də taxta və s. tapır. Hətta çörəyin içindən mismar və digər insan orqanizmi üçün çox təhlükəli, ölümə səbəb ola biləcək cisimlər də çıxır.

Bu gün də Bakı sakinlərindən biri aldığı çörəyi kəsərkən içərisindən kəndir ip çıxıb. Bu barədə Mehparə Məmmədova adlı paytaxt sakini “Facebook” səhifəsində yazıb. İstifadəçi həmin çörəyin fotosunu da paylaşıb.

“Dünən axşam bacımgilə gedəndə yol üstü, heç vaxt girmədiyim bir marketə girdim, çörəyi də oradan aldım. Səhər yeməyində doğrayanda içindən kəndir çıxdı. Çörəyin içindən çıxan kəndir və başqa qırıntılarla birlikdə aparıb market sahibinə göstərdim. Dedi ki, artlq neçənci dəfədir ki, camaat üstümə gəlir. Daha ordan çörək götürməyəcəm. Çörək "Binəqədi Yanar dağ" cörək sexindən gətirilib”, - deyə Mehparə Məmmədova bildirib.

Həmin statusun altından da çoxsaylı şərhlərdə hamı çörəyin içərisindən müxtəlif cisimlərin çıxdığını yazıb. Mehparə Məmmədova isə əlavə edib ki, adıçəkilən sexin nə ünvanını, nə də əlaqə nömrəsini öyrənə bilib. Market sahibi də çörəyi kimdən aldıqlarını deməyib.

“Ölkə.Az” olaraq məsələyə aydınlıq gətirmək istədik. Adıçəkilən çörək sexinin ünvanını axtarsaq da, tapmaq mümkün olmadı. Bu isə böyük qanun pozuntusudur. Çünki mal, əsasən qida məhsulu istehsal edən şirkətlər mütləq ünvan və əlaqə nömrələrini malın üzərində qeyd etməlidirlər. Bundan başqa, həmin şirkətlərin əlaqə nömrəsi və ünvanı internetdə yazılmalı, istehlakçılar üçün açıq olmalıdır.

Bu barədə Azad İstehlakçılar Birliyinin sədri Eyyub Hüseynov “Ölkə.Az”a açıqlamasında bildirib.

“Nazirlər Kabinetinin 95 saylı qərarına görə, bütün mallar, əsasən də, ərzaq məhsulları qablaşdırılmalıdır. Malın büküldüyü kağızın üzərində isə məhsul istehsal edən şirkətin adı, ünvanı və əlaqə telefonu yazılmalıdır. Çox təəssüf ki, “Zavod çörək”ləri qablaşdırılmır və açıq satılır. Həmin sexin əlaqə vasitələri də gizli qalır. Bu da istehlakçıların hüquqları və Nazirlər Kabinetinin qərarının pozulması deməkdir. Bu halda istehlakçı mütləq lazımı orqanlara məlumat verməlidir. İqtisadiyyat Nazirliyinə, Səhiyyə Nazirliyinə bildirilməlidir. Çörəyin içərisindən kənar cisim çıxırsa, demək burada heç bir gigiyenadan söhbət gedə bilməz. Bununla bağlı çox sayda müraciətlər olur. Bunun qarşısı mütləq alınmalıdır. Əks halda insanlar arasında xəstəliklər artar”.

Ziya Səccad
Ölkə.Az

ŞƏRH YAZ
0
BAĞLA