MTRŞ “Maşın şou”dan narazıdır: Bu, tamaşaçılara qarşı hörmətsizlikdir

MTRŞ “Maşın şou”dan narazıdır: Bu, tamaşaçılara qarşı hörmətsizlikdir
15:25
16.10.2017
588
Maqazin
A
“Çox təəssüf ki, “Maşın şou” verilişində iştirakçılar arasında bir-birinə qarşı qeyri-mədəni davranışlar, aqressivlik halları müşahidə olunur. Efirdə ədəbi dillə bağlı problemin aktual olduğu bir şəraitdə şouda vulqar ifadələrdən, küçə danışıq tərzindən istifadənin baş alıb getməsi narahatlıq yaradır”.

"Ölkə.Az" APA-ya istinadən xəbər verir ki, bunu Milli Televiziya və Radio Şurasının (MTRŞ) Ekspertiza, proqramlaşdırma və analitik şöbəsinin müdiri Təvəkkül Dadaşov deyib. O bildirib ki, iştirakçılar bir çox hallarda qarşılıqlı yersiz ittihamlara yol verməklə efir etikasına zidd situasiya yaranmasına səbəb olurlar: “Təəssüf ki, aparıcı bu cür halların qarşısının alınmasına çalışmır. Bütün bunlar isə tamaşaçılara qarşı hörmətsizlikdir. Adətən qalmaqallı davranışları ilə tanınan şou-biznes nümayəndələrinin, bəzi jurnalistlərin, aktyor və aktrisaların məqsədyönlü şəkildə şouda iştirakı neqativ hallara səbəb olur”.

Şöbə müdiri qeyd edib ki, şounun iştirakçılarının düzgün seçilməsinə və ümumilikdə şounun teleradio yayımı haqqında qanunvericiliyin tələbləri çərçivəsinə salınmasına ciddi ehtiyac var: “Hiss olunur ki, şounu hazırlayan prodakşn yayımçıya öz şərtlərini diktə etməkdədir. “Maşın şou”da sponsor reklamlarının həddən artıq olması da diqqəti cəlb edir. Şouda bəzən sponsor reklamı qanunvericilikdə müəyyənləşdirilmiş normadan 7-8 dəfə çox verilir. Bütün bunlar monitorinq qrupunun diqqətindədir və müvafiq şəkildə arayışlar tərtib olunur”.

Qeyd edək ki, “Maşın şou” verilişi ATV telekanalında yayımlanır. Verilişin aparıcısı Murad Dadaşovdur.

ŞƏRH YAZ
0

“Diriliş Ertuğrul”un Aslıhanı onu narahat edən pərəstişkarından şikayət etdi

“Diriliş Ertuğrul”un Aslıhanı onu narahat edən pərəstişkarından şikayət etdi
11:30
Bu gün
423
Maqazin
A
“Diriliş Ertuğrul” serialında Aslıhan Sultan obrazını canlandıran aktrisa Gülsim Ali İlhan polisə şikayət edib.

“Ölkə.Az” xəbər verir ki, buna səbəb bir ildən çoxdur ki, onu narahat edən, tez-tez mesaj göndərən, evinə çiçək və üzük göndərən pərəstişkarının hərəkətləri olub. Aktrisanın pərəstişkarı haqqında cinayət işi qaldırılıb.

25 yaşlı Gülsimə sosial şəbəkədən şəxsiyyəti naməlum adam tərəfindən mesajlar göndərilib. Əvvəl buna fikir verməsə də, sonradan Timuçin K. adlı şəxsdən müntəzəm olaraq hədiyyə və çiçək göndərilib. Bir gün isə serial çəkilişində peyda olan Timuçini görən aktrisa qorxuya düşüb.

Sonra isə Timuçin aktrisanın evinin qarşısına üzük qoyub. Səhərisi gün üzüyü orada görməyəndə Gülsimin evlilik təklifini qəbul etdiyini düşünərək qapısını döyüb. Panikaya qapılan aktrisa polisə xəbər verib.

Hikmət Həsənov
Ölkə.Az

ŞƏRH YAZ
0

Elşad Xose uzun müddət sonra efirə çıxdı — FOTOLAR

Elşad Xose uzun müddət sonra efirə çıxdı
11:05
Bu gün
512
Maqazin
A
Məşhur repçi Elşad Xose uzun fasilədən sonra efirə çıxıb.

"Ölkə.Az"ın məlumatına görə, o, "Space" telekanalında Kamran Həsənlinin aparıcılığıyla yayımlanan "Onda başladıq" verilişində qonaq olub. Repçinin xeyli arıqladığı diqqətdən yayınmayıb.

Qeyd edək ki, "Onda başladıq" verilişinin informasiya dəstəkçisi "Ölkə.Az" saytıdır.

Ölkə.Az

ŞƏRH YAZ
0
BAĞLA