Mübariz Əsgərov "Xalqın şairi" barədə iddialara CAVAB VERDİ

Mübariz Əsgərov
12:15
06.02.2018
2600
Mədəniyyət
A
ARB telekanalında yayımlanan "Xalqın şairi" layihəsinin rəhbəri Mübariz Əsgərov gənc şair Rauf Qəribin səsləndirdiyi ittihamlara cavab verib.

"Ölkə.Az"-a açıqlama verən M.Əsgərov bildirib ki, sözügedən şəxsi ümumiyyətlə tanımır:

"Mən o şəxsi ümumiyyətlə tanımıram. Səsləndirdiyi fikirlər də sərsəm iddialardır. Kimsə ağlına gələni yazacaqsa, hər dəfə açıqlama verəsi deyiləm ki. Belə bir şey yoxdur. Böhtan, şər yağdırır. Layihəmiz martda davam edəcək". 

M.Əsgərov məsələnin hüquqi müstəviyə daşınmasına ehtiyac görmədiyini diqqətə çatdırıb:

"Mənim ona vaxtım yoxdur. İstəsəm, onu məhkəməyə verərəm. Ancaq əlimdə sənədli filmlər, layihələr var. Bəzi  adamlar iftira, şər-böhtan yazırlar ki, məhkəməyə verilib gündəmə gəlsinlər. Ona baş qoşacaq qədər vaxtım və enerjim yoxdur. Dediklərini özü bilər, Allahı bilər". 

Qeyd edək ki, Rauf Qərib sosial şəbəkədəki hesabında iddia edib ki, Mübariz Əsgərovla birinciliyin ona veriləcəyi ilə bağlı razılaşıb.

İntiqam VALEHOĞLU
Ölkə.Az

ŞƏRH YAZ
0

Hacıbəylilər nəslinin varisləri Azərbaycan tarixi ilə tanış edildi — FOTOLAR

Hacıbəylilər nəslinin varisləri Azərbaycan tarixi ilə tanış edildi
12:17
09.12.2018
1384
Mədəniyyət
A
Diasporla İş üzrə Dövlət Komitəsinin dəvəti ilə Bakıda səfərdə olan məşhur Hacıbəylilər nəslinin nümayəndələri 8 dekabr tarixində Milli Azərbaycan Tarixi Muzeyində olub.

Komitədən “Ölkə.Az”a daxil olan məlumata görə, muzeyin bələdçisi, Azərbaycan Xalq Cümhuriyyətinin qurucularından olmuş Ceyhun Hacıbəylinin gəlini Paskal Hacıbəyli Buşe və nəvəsi Benjamin Hacıbəylini Azərbaycan tarixini ən qədim dövrdən bu günə qədər əks etdirən ekspozisiya ilə tanış edib.

Qonaqlar Azərbaycanın keçmişini özündə əks etdirən eksponatların tarixi haqqında məlumat əldə edib və neft milyonçusu, mesenat Hacı Zeynalabdin Tağıyevin ev muzeyi ilə də tanış olublar.

Hacıbəylilər daha sonra Qobustan Milli Tarix-Bədii Qoruğunu ziyarət edib. Qonaqlara məlumat verilib ki, ərazidə daş dövründən orta əsrlərə qədərki həyat və məişəti əks etdirən çoxsaylı maddi mədəniyyət nümunələrini əcdadlarımız yaradıblar. Qobustan qayaüstü rəsmləri dünyada bu tipli abidələrdən ən zəngini hesab olunur. Qoruq ərazisində alimlər tərəfindən 6 mindən çox qayaüstü təsvir, 20 mağara və yaşayış yeri, 40 kurqan aşkar edilib və öyrənilib.

Günün sonunda Diasporla İş üzrə Dövlət Komitəsinə gələn Hacıbəylilər Komitə rəhbəri ilə görüşərək səfər təəssüratlarını bölüşüblər və Diaspor TV-nin qonağı olublar.

Dövlət Komitəsinin, Cümhuriyyətin 100 illiyi ilə bağlı həyata keçirdiyi tədbirlər çərçivəsində Azərbaycana gələn Ceyhun Hacıbəylinin varisləri bu gün Parisə yola düşüblər.

Ölkə.Az

ŞƏRH YAZ
0

Nazirdən Fəxrəddin Manafovun teatrdan getmə xəbərinə reaksiya — Araşdırma aparılır + VİDEO

Nazirdən Fəxrəddin Manafovun teatrdan getmə xəbərinə reaksiya
00:30
07.12.2018
4117
Mədəniyyət
A
Ötən gündən xalq artisti Fəxrəddin Manafovun Rus Dram Teatrından ayrılması haqda rəsmi açıqlaması ciddi rezonans doğurub.

“Ölkə.Az” “Real TV”yə istinadən xəbər verir ki, Mədəniyyət Nazirliyi məsələyə dərhal reaksiya verib və artıq araşdırılma aparıldığını bildirib.

 Nazirliyin İnformasiya və ictimaiyyətlə əlaqələr şöbəsinin müdiri İntiqam Hümbətov deyib ki, F.Manafovun Azərbaycan Dövlət Rus Dram Teatrında yaradıcılıq fəaliyyətini dayandırması barədə xəbər onlar üçün çox gözlənilməz olub.
 
Şöbə müdiri əlavə edib ki, Mədəniyyət Nazirliyinin rəhbərliyi F.Manafovun mətbuatda yayılan bəyanatı ilə tanış olduqdan sonra dərhal məsələnin araşdırılması ilə bağlı göstəriş verib.
 
Məsələyə Rus Dram Teatrının direktoru Ədalət Hacıyev də münasibət bildirib və Fəxrəddin Manafovu yüksək dəyərləndirdiyini, onun bütün şərtlərinin yerinə yetiriləcəyini qeyd edib.
 
Mövzu ilə bağlı daha ətraflı süjeti təqdim edirik:

ŞƏRH YAZ
0
BAĞLA