Mübariz İbrahimovu təhqir edən psixoloqun günahı sübuta yetirildi

Mübariz İbrahimovu təhqir edən psixoloqun günahı sübuta yetirildi
14:47
10.10.2019
11195
Ölkə
A
Milli Qəhrəman Mübariz İbrahimovun anası Şamama İbrahimovanın xüsusi ittiham qaydasında qaldırdığı iddia əsasında təyin edilən ekspertizanın nəticəsi açıqlanıb.

"Ölkə.Az" bizimyol.info-ya istinadən xəbər verir ki, Məhkəmə Ekspertiza Mərkəzinin eksperti Elçin İsmayılov psixoloq Nərmin Şahmarzadənin "Facebook"da Mübariz İbrahimov haqqında yazdığı fikirlərlə bağlı rəyini verib.

Həmin rəy həm Nərmin Şahmarzadənin özünə də göndərilib, Ş.İbrahimovanın nümayəndəsi və vəkili Ramil Rüstəmova da təqdim olunub.

"... öz canını itirmək təhlükən olmadan birini öldürürsənsə, bu qəddarlıqdır" və "... Mübariz sağ qalıb geri qayıtsaydı, hərbi cinayət işi açılacaqdı çox güman" cümlələri Mübariz İbrahimovun şərəfini ləkələyən, şəxsiyyətini mənfi qiymətləndirən, ətrafdakıların yanında nüfuzdan salan məlumatlardır",- deyə rəydə yazılıb.

Oktyabrın 10-da məhkəmədə ekspertin rəyi müzakirə olunmalıydı, lakin N.Şahmarzadə məhkəmə prosesinə gəlmədiyinə görə mümkün olmayıb. Hakim bildirib ki, oktyabrın 21-də keçiriləcək növbəti məhkəməyə də gəlməsə, onun haqqında məcburi gətirilmə qərarı çıxarılacaq.

Milli Qəhrəmanın anasının vəkili Ramil Rüstəmov bildirib ki, ekspertiza rəyi obyektivdir: "Bu rəydən sonra onun cinayət məsuliyyətinə cəlb olunması labüddür. Çünki ortada rəy var ki, Milli Qəhrəman təhqir olunub".

Ş.İbrahimova N.Şahmarzadənin Cinayət Məcəlləsinin 147 (böhtan) və 148-ci (təhqir) maddələrilə cinayət məsuliyyətinə cəlb edilməsini - həbs olunmasını istəyir.

N.Şahmarzadə isə özünü təqsirli bilmir. Təqsirləndirilən şəxs qismində ifadə verən psixoloq bildirib ki, o, ötən il dekabrın 5-də yazdığı statusda Mübariz İbrahimovu nə təhqir edib, nə də ona böhtan atıb.

Mübariz İbrahimov 2010-cu il iyunun 18-də cəbhənin Tərtər rayonu Çaylı kəndi istiqamətində Ermənistan Silahlı Qüvvələrinin hücumunu dəf edərkən bir neçə erməni əsgərini öldürərək həlak olub. Onun meyiti ermənilər tərəfindən götürülüb və yalnız noyabrın 6-da geri qaytarılıb.

Ölkə.Az

ŞƏRH YAZ
0

Vağzaldan üz döndərən sakinlər — Buna səbəb nədir? - VİDEO

Vağzaldan üz döndərən sakinlər
19:10
Bu gün
133
Ölkə
A
Hər bir şəhərin giriş qapısı sayılan və bir növ vizit kartı olan vağzalların bir şəhər üçün əhəmiyyəti böyükdür. Lakin elə dəmiryolu vağzalları var ki, sərnişin stansiyasından çox bərpaya ehtiyacı olan bir məkanı xatırladır.

Zaqatala Dəmiryolu vağzalının soyuq, rütubətli və qaranlıq gözləmə zalı insanın təəssüratlarını alt-üst edir.

"Ölkə.Az" xəbər verir ki, mələsə ilə bağlı ARB TV-nin "Günə Doğru" proqramında geniş süjet yayımlanıb.

Dəmiryolu vağzalının içərisində və eləcə də həyətində sərnişinlər üçün oturacaqların sayı da yetərli deyil. Həyətdə gəzişən evsiz itlər isə vağzalı bir qədər də vahiməli edir.

Son beş ildə artan köməkçi sərnişin stansiyaları nəticəsində vağzaldan istifadə edənlərin sayı da kəskin azalıb. Əgər illər öncə bütün rayon, eləcə də qonşu rayonların yuxarı kəndləri qatara minmək üçün bura üz tuturdusa, indi gün ərzində maksimum 60-70 nəfər vağzaldan istifadə edir.

ŞƏRH YAZ
0

Bakıda maşının vurub öldürdüyü şəxsin qohumları axtarılır — FOTO

Bakıda maşının vurub öldürdüyü şəxsin qohumları axtarılır
18:57
Bu gün
319
Ölkə
A
Yasamal Rayon Polis İdarəsinin İstintaq şöbəsində Cinayət Məcəlləsinin 263.2-ci (Yol hərəkəti və nəqliyyat vasitələrinin istismarı qaydalarını pozma - ehtiyatsızlıqdan zərərçəkmiş şəxsin ölümünə səbəb olduqda) maddəsi ilə istintaqı aparılan cinayət işi üzrə naməlum kişi meyitinin şəxsiyyətini müəyyən etmək mümkün olmayıb.

"Ölkə.Az" xəbər verir ki, kimliyi istintaqa məlum olmayan, şəkildə gördüyünüz bu şəxsi tanıyanlardan və barəsində məlumatı olanlardan DİN-in “102” Xidməti Zəng Mərkəzinə, həmçinin Yasamal Rayon Polis İdarəsinə (tel: (012) 434-02-02) zəng vuraraq məlumat vermələri xahiş olunur.

ŞƏRH YAZ
0
BAĞLA