Mübariz Mənsimov türk iş adamını döydü — Ermənistanla əməkdaşlıq etdiyinə görə

Mübariz Mənsimov türk iş adamını döydü
17:37
14.05.2017
993
Ölkə
A
Mübariz Mənsimovun iştirak etdiyi tədbirdə dava olub.

Türkiyədə restoranların birinin açılışında iştirak edən azərbaycanlı iş adamı Mübariz Mənsimov ilə "Uludağ Limonata" şirkətinin rəhbəri Levent Kızıl arasında mübahisə düşüb.

"Ölkə.Az" saytının əldə etdiyi məlumata görə mübahisəyə səbəb Mübariz Mənsimovun türk iş adamına Ermənistanla biznes əlaqələri qurmasını irad tutması olub. 

Türkiyənin məşhur spirtsiz içki markalarından biri olan "Uludağ Limonata"nın Ermənistan bazarına çıxarılmasına görə Levent Kızıla etiraz edən Mübariz Mənsimov Ermənistanın Azərbaycana qarşı işğalçı siyasətini xatırladaraq bu işğal nəticəsində 1 milyon insanın doğma el-obasından didərgin düşdüyünü qeyd edib. Bu sözlərə etinasız yanaşan Levent Kızılla daha sonra Mənsimov arasında mübahisə qızışıb və davaya dönüb.

Mənsimov Kızıla stəkan atıb və ona fiziki zərbə endirərək tədbiri tərk edib.

Qeyd edək ki, Türkiyə mətbuatı hadisəni fərqli təqdim edərək guya Mübariz Mənsimovun aktrisa Nur Fəttahoğlunun həyat yoldaşı Levent Vəziroğluna stəkan atdığını yazıb. Lakin əldə etdiyimiz məluata görə Mübariz Mənsimov ilə Nur Fəttahoğlu və həyat yoldaşı Levent Vəziroğlu yaxın dostlardır.

ŞƏRH YAZ
0

Gədəbəydə güclü dolu və yağış — Heyvanlar tələf oldu

Gədəbəydə güclü dolu və yağış
01:01
Bu gün
5454
Ölkə
A
Gədəbəy rayonuna yağan güclü leysan yağışları təsərrüfata ziyan vurub.

"Ölkə.Az"ın "Report"a istinadən məlumatına görə, leysan yağışları və dolu nəticəsində rayonun Mormor, Arabaçı, Çay Rəsullu və daha bir neçə kənd ərazisində təsərrüfata ziyan dəyib.

Bəzi kəndlərdə yolları sel suları dağıdıb. Kəndlərə düşən dolu nəticəsində meyvə ağaclarına və bəzi evlərin dam örtüyünə də zərər dəyib. Rayonun Xarxar kəndindəki dağlıq ərazidəki otlaq sahəyə düşən ildırım nəticəsində 10-dan çox xırda buynuzlu heyvan tələf olub.

Qeyd edək ki, leysan yağışlar əsasən Şınıq bölgəsində intensiv olub və sakinlərin bildirdiyinə görə, bölgədə bir neçə kiçik körpüləri sel dağıdıb.

Baş vermiş təbiiət hadisəsinin vurduğu ziyanın hesablanması və yaratdığı problemlərin həlli istiqamətində işlər aparılır.

Ölkə.Az

ŞƏRH YAZ
0

Nazir şadlıq evlərinə xəbərdarlıq etdi: Cərimələr çox olacaq

Nazir şadlıq evlərinə xəbərdarlıq etdi: Cərimələr çox olacaq
23:06
22.05.2018
9681
Ölkə
A
Paytaxtın Nizami, Xətai, Binəqədi rayonlarında yerləşən şadlıq saraylarına xəbərdarlıq edilib. Ekologiya və Təbii Sərvətlər Nazirliyi tərəfindən aparılan monitorinqlər zamanı həmin restoran və şadlıq evlərinin atmosferi kanserogen maddələrlə çirkləndirdiyi müəyyən edilib.

"Ölkə.Az"ın xəbərinə görə, ekologiya və təbii sərvətlər naziri Muxtar Babayev Real TV-ə müsahibəsində bildirib ki, bu restoranların ərazisindən qalxan tüstü saat 8-dən sonra ərazinin atmosferini bürüməklə yanaşı çirklənməyə də səbəb olur.

Bunula bağlı həmin iaşə obyektlərinə xəbərdarlıq olunub ki, filtr və müasir havalandırma sistemlərindən istifadə etsinlər.

Xəbərdalıqdan nəticə çıxarmayanlar cərimə olunacaq. Özü də bu cərimələrin məbləği nəzərəçarpacaq dərəcədə çox olacaq.

Bunlarla yanaşı Xəzər sahilində yerləşib çirkab sularını dənizə axıdan iaşə obyektləri sahibləri qarşısında da təmizləyici qurğulardan istifadə etmələri ilə bağlı tələb qoyulub. Tələbləri yerinə yetirməyənlər isə cərimə olunacaqlar.

Nazirlik təkcə havanı, dənizi çirkləndirənləri deyil, ağackəsənlərə qarşı da sərt addımlar atmaq niyyətindədir. Bu addımlardan ilki cərimə məbləğlərinin artırılması olacaq. Nazir bu günlərdə səfərdə olduğu Naxçıvanın təcrübəsindən də danışıb. 

“Naxçıvanda insanlar təbiəti qoruyurlar, təbiətə hər kəs diqqətlə yanaşır. Bakıda da bunu tətbiq etmək lazımdır. Marifəndirmə ilə yanaşı cərimələr artırılmalıdır. Bilməlidirlər ki, ciddi cəza və cərimələr tətbiq olunacaq”, - deyə nazir qeyd edib.

Ölkə.Az

ŞƏRH YAZ
0
BAĞLA