"Müdirəm" deyib qovdu, xəstə gedib evində öldü — TƏRTƏRDƏ ŞOK HADİSƏ - VİDEO

10:55
18.04.2017
47
Hadisə
A
Tərtər rayonunda həkim xəstəni müayinə etməkdən imtina edib və xəstə evə gedən kimi dünyasını dəyişib.

"Ölkə.Az"-ın məlumatına görə, dünən Tərtər Mərkəzi Rayon Xəstəxanasının poliklinika şöbəsinin müdiri Gülarə Əhmədova Sadiq adlı şəxs tərəfindən edilən müraciəti rədd edib. Bildirib ki, o, şöbə müdiridir və xəstə müayinə edə bilməz. Bundan sonra evə gedən xəstə ürək tutmasından keçinib.

Əldə etdiyimiz məlumata görə, hadisədən sonra xəstəxanada vəfat edən şəxsin qohumlarıyla G.Əhmədova arasında münaqişə yaranıb.

Xatırladaq ki, bu, ixtisasca kardioloq olan Gülarə Əhmədova ilə bağlı ilk belə hal deyil. Rayon icra başçısı Müstəqim Məmmədovun yaxın adamı kimi tanınan Əhmədovanın hətta baş həkim Yaşar Hüseynovu saymadığı barədə də mətbuatda məlumatlar yer alıb.

Sonda şöbə müdiriylə pasiyentlər arasında bir müddət öncə düşən davanın videosunu da təqdim edirik. Görüntülərdə bir kişi ondan hansısa sənəd üçün 20 manat tələb olunduğunu və bu səbəbdən "süründürüldüyünü" söyləyir.

Mövzunu diqqətdə saxlayacağıq.


İntiqam VALEHOĞLU
Ölkə.Az

ŞƏRH YAZ
0

Şəkidə bədbəxt hadisə baş verib

Şəkidə bədbəxt hadisə baş verib
20:30
Bu gün
521
Hadisə
A
Şəki rayon sakinini it dişləyib.

Ölkə.Az APA-ya istinadən xəbər verir ki, bu gün günorta saatlarında rayonun  Şin kənd sakini, 1986-cı il təvəllüdlü Fərahim aydın oğlu Həsənov it dişləməsi xəsarəti ilə Şəki Mərkəzi Rayon Xəstəxanasına (MRX) gətirilib.

MRX-dan bildirilib ki, 31 yaşlı Fərahim Həsənov yolda sahibsiz itin hücumuna məruz qalıb. İt ona qarın nahiyəsindən xəsarətlər yetirib.
 
F. Həsənova lazımı tibbi yardım göstərilib, quduzluq əleyhinə zərdab vurulduqdan sonra ambulator müalicə almaq şərti ilə evə buraxılıb.

ŞƏRH YAZ
0

Gün ərzində mindən çox fişəng və pirotexniki vasitə aşkarlandı

Gün ərzində mindən çox fişəng və pirotexniki vasitə aşkarlandı
19:25
Bu gün
640
Hadisə
A
Tovuz Gömrük İdarəsinin əməkdaşları təkcə bir gün ərzində dörd fakt üzrə 1103 ədəd fişəng və 33 qutu pirotexniki vasitənin qaçaqmalçılıq yolu ilə ölkə ərazisinə gətirilməsinə cəhdin qarşısını alıblar.

"Ölkə.Az" xəbər verir ki, Dövlət Gömrük Komitəsindən Trend-ə verilən məlumata görə, mülki dövriyyəsi məhdudlaşdırılan, istifadəsi yüksək səs-küylə müşayiət olunan və insan sağlamlığına mənfi təsir göstərən bu malların hamısı idarənin "Sınıq Körpü" gömrük postunda Gürcüstandan gələn Azərbaycan vətəndaşlarının idarə etdiyi minik avtomobillərində aşkar edilib.

Bütün faktlarla bağlı araşdırma aparılır.

ŞƏRH YAZ
1
BAĞLA