Müəllim direktordan prokurora şikayət etdi

Müəllim direktordan prokurora şikayət etdi
12:35
15.02.2019
7684
Ölkə
A
Sumqayıt şəhər 23 saylı tam orta məktəbin müəllimi Yeganə Hüseynova şəhər prokuroru Sərdar İmanova şikayət ərizəsi ilə müraciət edib.

Y.Hüseynova prokurora göndərdiyi ərizənin bir nüsxəsini də "Ölkə.Az"ın redaksiyasına təqdim edib. Y.Hüseynova ərizədə bildirir ki,  23 saylı tam orta məktəbdə rus dili və ədəbiyyatı müəllimi işləyir. 2018-ci  ilin sentyabr ayında 9 saylı tam orta məktəbin rus dili müəlliminə ehtiyac olduğuna görə həmin təhsil ocağına müraciət edib:

"Direkor əvəzi işləyən Abdullayeva Həqiqət Mahid qızı məndən verəcəyi dərslərin müqabilində 1000 manat istədi. Mən də məcburən razılaşdım və müqavilə əsasında 25 saat dərs yükü ilə təmin olundum. 2018-ci ilin oktyabr-noyabr aylarında icazə verib, müalicə məqsədi ilə Rusiyaya göndərdiyi müəllimin dərslərini təmənnasız mənə əvəz etdirdi. Bu azmış kimi,dekabr ayında əlli saat əvəz etməyimə baxmayaraq, mənə cəmi otuz saat dərs yazıldı. Mənə yazılmış pulu, yəni, 200 manatı katibəsi vasitəsi ilə ona qaytarmağımı tələb etmişdi. Bu barədə Təhsil Nazirliyinə şikayət etmişdim. Şikayətim əsasında nazirlik məktəbdə yoxlama apardı və çoxlu sayda nöqsanlar aşkar etdi.  Həmin ərəfədə təzyiqlərə məruz qaldığım üçün şikayətimi geri götürmək məcburiyyətində qaldım. Həmin andan Həqiqət Abdullayeva üçün ova çevrildim. Şagird, müəllim və valideyn kollektivi qarşısında üstümə qışqırıb təhqir edir, müxtəlif bəhanələrlə işimdə intizamsızlıqda günahlandırır. Yuxarı sinif şagirdlərini attestatdan məhrum edəcəyi ilə hədələyərək, mənim əleyhimə zorla izahat yazdırır. Məktəbə gələn valideynlərə övladlarının yarım illik qiymətlərini yüksək yazacağı müqabilində mənim əleyhimə izahat verməkərini tələb edir. Belə şəraitdə işləmək məmin üçün çox ağırdır". 

Yeganə Hüseynovanın sözlərinə görə, Həqiqət Abdullayevanın etdikləri onu intihar həddinə çatdırıb:

"Müəllimlik nüfuzuma xələl gətirməsi, şərəf və ləyaqətimi alçaltması məni ölüm dərəcəsinə çatdırıb. Həyatımın təhlükəsizliyini təmin etmək mənə yardım etməyinizi xahiş edirəm. Son olaraq qeyd edim ki,  Sumqayıt Şəhər Prokurorluğuna etdiyim şikayətdən sonra - 2019-cu ilin 8 fevral tarixində  əsassız olaraq mənimlə olan müqaviləyə xitam verilib". 

İntiqam VALEHOĞLU
Ölkə.Az

ŞƏRH YAZ
0

Növbəti üç gün ərzində hava necə olacaq?

Növbəti üç gün ərzində hava necə olacaq?
14:23
Bu gün
284
Ölkə
A
Azərbaycanda 3 gün ərzində gözlənilən hava şəraiti açıqlanıb.

Ekologiya və Təbii Sərvətlər Nazirliyinin Milli Hidrometeorologiya Departamentindən "Ölkə.Az"a verilən məlumata görə, Bakıda və Abşeron yarımadasında mayın 28-də gün ərzində bəzi yerlərdə arabir yağış yağacağı gözlənilir. 

Şimal-qərb küləyi gündüz şimal-şərq küləyi ilə əvəz olunacaq. Havanın temperaturu Abşeron yarımadasında gecə 16-18, gündüz 23-26, Bakıda gecə 16-18, gündüz 24-26 dərəcə isti olacaq.

Atmosfer təzyiqi normadan yüksək 765 mm civə sütunu təşkil edəcək, nisbi rütubət gecə 70-80, gündüz 55-60 faiz olacaq.

Mayın 29-da havanın dəyişkən buludlu olacağı, arabir yağış yağacağı, axşama doğru tədricən kəsiləcəyi gözlənilir. Cənub-qərb, qərb küləyi əsəcək. Havanın temperaturu Abşeron yarımadasında gecə 17-20, gündüz 23-26, Bakıda gecə 18-20, gündüz 24-26 dərəcə isti təşkil edəcək.

Atmosfer təzyiqi normadan yüksək 764 mm civə sütunu, nisbi rütubət 65-75 faiz olacaq.

Mayın 30-da gün ərzində arabir yağış yağacağı gözlənilir. Mülayim şimal-qərb küləyi əsəcək. Havanın temperaturunun Abşeron yarımadasında gecə 17-19, gündüz 26-29, Bakıda gecə 17-19, gündüz 26-28 dərəcə isti olacağı gözlənilir.

Atmosfer təzyiqi 762 mm civə sütunu təşkil edəcək, nisbi rütubət 70-80 faiz olacaq.

Azərbaycanın rayonlarında mayın 28-də arabir yağış yağacağı gözlənilir. Bəzi yerlərdə leysan xarakterli intensiv olacağı, şimşək çaxacağı, dolu düşəcəyi ehtimalı var. Gecə və səhər bəzi yerlərdə duman olacaq. Qərb küləyi ayrı-ayrı yerlərdə arabir güclənəcək.

Havanın temperaturu gecə 15-19, gündüz 25-30, dağlarda gecə 8-13, gündüz 15-20 dərəcə isti təşkil edəcək.

Mayın 29-30-da arabir yağış yağacağı gözlənilir. Bəzi yerlərdə leysan xarakterli intensiv olacağı, şimşək çaxacağı, dolu düşəcəyi ehtimalı var. Gecə və səhər bəzi yerlərdə duman olacaq. Qərb küləyi ayrı-ayrı yerlərdə arabir güclənəcək.

Havanın temperaturu gecə 13-18, gündüz 24-29, dağlarda gecə 5-10, gündüz 12-17 dərəcə isti təşkil edəcək. 

Ölkə.Az

ŞƏRH YAZ
0

Bakıda taksi sürücüsünü ürəyindən bıçaqladılar — MƏHKƏMƏ

Bakıda taksi sürücüsünü ürəyindən bıçaqladılar
14:10
Bu gün
324
Ölkə
A
Bakı Ağır Cinayətlər Məhkəməsində payaxtda qətl törətməkdə təqsirləndirilən Şamil Fətiyev, Nurlan Bağırov və Səddam Hüseynlinin cinayət işi üzrə məhkəmə prosesi davam edir.

"Ölkə.Az" xəbər verir ki, hakim İradə Həsənzadənin sədrliyi ilə keçiriləcək növbəti məhkəmə prosesi iyun ayının 3-nə təyin olunub.

Qeyd edək ki, ötən il avqustun 27-də paytaxtda taksi sürücüsü işləyən 1989-cu il təvəllüdlü Rauf Qəribov kəsilmiş-deşilmiş xəsarətlə xəstəxanaya gətirilib və orada ölüb.

Polis və prokurorluq orqanları əməkdaşlarının keçirdikləri əməliyyat-axtarış tədbirləri ilə qətli törətməkdə şübhəli bilinən paytaxt sakini Ş.Fətiyev, N.Bağırov və S.Hüseynli saxlanılıb.

Məlumata görə, R.Qəribov Füzuli rayonundan məcburi köçkündür və Nizami rayonu ərazisindəki məcburi köçkünlərin məskunlaşdığı 8 saylı yataqxananda yaşayıb.

R.Qəribovun qardaşı 1991-ci il təvəllüdlü Firudin Qəribovun avqustun 14-də, gecə saatlarında rayon ərazisində olan parklardan birində Ş.Fətiyev və digər şəxslərlə mübahisəsi düşüb. Həmin şəxslər F.Qəribovu döyüb. F.Qəribov hadisə yerindən qardaşı R.Qəribova zəng vuraraq onu köməyə çağırıb. R.Qəribov hadisə yerinə gəlib. Dava zamanı Ş.Fətiyev Rauf Qəribovu da ürək nahiyəsindən bıçaqlayıb. R.Qəribov "Azərsutikinti" xəstəxanasına yerləşdirilsə də, onun həyatını xilas etmək mümkün olmayıb.

Natiq Allahverdiyev
Ölkə.Az

ŞƏRH YAZ
0
BAĞLA