Müəllimlərin nəzərinə — Vakansiya seçiminin nəticələri açıqlandı

Müəllimlərin nəzərinə
12:11
18.08.2017
25
Ölkə
A
Azərbaycanın ümumi təhsil müəssisələrinə mərkəzləşdirilmiş qaydada keçirilən müəllimlərin işə qəbulu üzrə müsabiqənin üçüncü mərhələsinin (vakansiya seçimi) nəticələri elan olunub.

Təhsil Nazirliyinin mətbuat xidmətindən "Ölkə.Az"a verilən xəbərə görə, vakansiya seçiminə müvafiq keçid balını toplayan bütün namizədlər qatılıb. İştirakçılardan 5225 nəfər növbəti mərhələyə keçmək hüququ əldə edib. İmtahanın bu mərhələsinin nəticələri hər bir namizədin şəxsi səhifəsinə göndərilib.
 
Vakant yeri tutmaq hüququ qazanan namizədlər müsahibə mərhələsinə dəvət olunacaqlar. Müsahibə mərhələsinin keçirilmə yeri və tarixi barədə məlumatlar namizədlərin şəxsi səhifəsinə göndəriləcək. Müsahibə mərhələsinə dəvət olunacaq namizədlərdən şəxsiyyət vəsiqəsini, ali və ya orta ixtisas təhsili haqqında diplomu və diploma əlavəni gətirmək tələb olunur.
 
Bu il ilk dəfə olaraq musiqi, fiziki tərbiyə və təsviri incəsənət fənləri üzrə müsahibə mərhələsi vakansiya seçimindən əvvəl həyata keçirilib. Müsahibə mərhələsinin nəticələri qısa zamanda həmin namizədlərin şəxsi səhifəsinə göndəriləcək. Avqustun 18-dən 20-dək namizədlər vakansiya seçimi mərhələsinə buraxılacaq. 

Müəllimlərin işə qəbulu üzrə müsabiqə 4 mərhələdə (elektron ərizədəki göstəricilərin qiymətləndirilməsi, test imtahanı, vakant yerlərin seçilməsi və müsahibə) təşkil edilir. Namizədlər vakansiya seçimini müsabiqənin test mərhələsindən sonra edə biləcəklər.

ŞƏRH YAZ
0

Uşaqlarını sünnət etdirmək istəyən valideyinlər diqqətli olun — VİDEO

Uşaqlarını sünnət etdirmək istəyən valideyinlər diqqətli olun
21:37
Bu gün
313
Ölkə
A
Ucuz qiymətə sünnət edən həkimlər peyda olub ki, onlar arasında stamotoloq, dermatoloq, hətta terapevtlər belə var. Həkim-cərrahlar bunun böyük səhv olduğunu deyir. Belə xəstələrdə gələcəkdə sonsuzluq riski yüksək olur. Sünnət mütləq uşaq uroloqu və uşaq cərrahı tərəfindən icra olunmalıdır.

Ölkə.Az xezerxeber.az-a istinadən bildirir ki, son illər uşaqların lazer üsulu ilə sünnət edilməsi fakı çoxalıb.

Əslində isə tibbdə lazerlə sünnət aparılması düzgün sayılmır. Bu barədə uşaq uroloq cərrahı Fuad Hüseynov deyib. Həkimin sözlərinə görə, dünyada belə bir texnika yoxdur ki, hər hansı orqanı, dərini kəsəsən, qan çıxmaya.

Həkim deyir ki, əslində bir çox klinikada həkimlər uşağın cinsiyət orqanına keyidci vurmalqa onu sünnət edirlər. Əslində bu da kökündən yanlışdır.
Başqa bir məsələ isə uşağın sünnəti zamanı düzgün seçilməyən həkimdir. Fuad Hüseynovun sözlərinə görə, sünnət uşaq uroloqu və uşaq cərrahı tərəfindən icra olunmalıdır. Təəssüflər olsun ki, sünnət edən həkimlər arasında stomatoloq, dermatoloq, hətta terapevtlər də var.

Həkim belə xəstələrdə gələcəkdə sonsuzluq riskinin çox olduğunu deyir.

 

ŞƏRH YAZ
0

General: Azarkeşlərin təhlükəsizliyi tam təmin ediləcək

General: Azarkeşlərin təhlükəsizliyi tam təmin ediləcək
20:57
Bu gün
716
Ölkə
A
Noyabrın 22-də Bakı Olimpiya Stadionunda keçiriləcək “Qarabağ” – “Çelsi” oyununda azarkeşlərin təhlükəsizliyi tam təmin olunacaq.

Ölkə.Az-ın xəbərinə görə, bu barədə Trend-ə açıqlamasında Bakı Şəhər Baş Polis İdarəsinin rəis müavini, polis general-mayoru Səhlab Bağırov deyib.

Rəis müavini bildirib ki, bununla bağlı daxili işlər naziri, general-polkovnik Ramil Usubov tədbirlər planı təstiqləyib: 

“Cənab nazirin təsdiq etdiyi tədbirlər planına uyğun olaraq, əraziyə polis qüvvəsi cəlb ediləcək və azarkeşlərin təhlükəsizliyi təmin ediləcək”.

S.Bağırov əlavə edib ki, futbol matçı zamanı ərazi tam mühafizə olunacaq.

Xatırladaq ki, noyabrın 22-si saat 21:00-da Bakı Olimpiya Stadionunda UEFA Çempionlar Liqasının qrup mərhələsi çərçivəsində “Qarabağ” – “Çelsi” oyunu keçiriləcək.

Oyun üçün nəzərdə tutulan 67 500 bilet artıq satılıb.

ŞƏRH YAZ
0
BAĞLA