Muğam Müsabiqəsində QALMAQAL — Qalibləri vəzifəli şəxslər təyin edib?

Muğam Müsabiqəsində QALMAQAL
11:51
13.03.2018
9546
Mədəniyyət
A
V Beynəlxalq Muğam Festivalı çərçivəsində keçirilən muğam müsabiqəsi qalmaqalla yekunlaşıb.

 "Ölkə.Az"ın əldə etdiyi məlumata görə, V Muğam Müsabiqəsinin qalibi, Qran pri mükafatı ilə təltif olunmuş gənc xanəndə mükafatçılar sırasına düşə bilməyib. Bildirilir ki, P.Qasımov və E.Muradov bəzi vəzifəli şəxslər tərəfindən (adlarını açıqlamırıq-red.) münsiflər heyətinin rəhbəri S.Kərimiyə tapşırılıb. Əvvəlki müsabiqənin qalibləri Nisbət Sədrayeva və Səma Sultanova isə növbəti mərhələyə buraxılmayıb:

"Pərviz Qasımov oxuyanda zal gülürdü. Elsevər isə bir neçə dəfə zil pərdələrdə büdrədi. Hamı deyirdi ki, bu nə oxumaqdır?"

Daxil olan məlumatlarla bağlı əməkdaşımız S.Kərimi ilə əlaqə saxlamağa çalışsa da, rektor zənglərimizə cavab verməyib.
Qeyd edək ki, Milli Konservatoriyanın rektoru Siyavuş Kəriminin sədri olduğu münsiflər heyətində Türkiyədən ud ifaçısı Mehmet Bitmez, İrandan professor Fərhad Fəxrəddini, Polşadan Pyotr Puzyıla, Tacikistandan xalq artisti Abdulvəli  Abdulrəşidov təmsil olunurlar.

Müsabiqədə birinci yeri Elsevər Muradov, ikinci yeri Pərviz Qasımov, üçüncü yeri isə Qazaxıstandan olan ansambl tutub.

Sabah filarmoniyada V Beynəlxalq Muğam Festivalının bağlanış mərasimi keçiriləcək.

İntiqam VALEHOĞLU
Ölkə.Az

ŞƏRH YAZ
1

Hacıbəylilər nəslinin varisləri Azərbaycan tarixi ilə tanış edildi — FOTOLAR

Hacıbəylilər nəslinin varisləri Azərbaycan tarixi ilə tanış edildi
12:17
09.12.2018
2582
Mədəniyyət
A
Diasporla İş üzrə Dövlət Komitəsinin dəvəti ilə Bakıda səfərdə olan məşhur Hacıbəylilər nəslinin nümayəndələri 8 dekabr tarixində Milli Azərbaycan Tarixi Muzeyində olub.

Komitədən “Ölkə.Az”a daxil olan məlumata görə, muzeyin bələdçisi, Azərbaycan Xalq Cümhuriyyətinin qurucularından olmuş Ceyhun Hacıbəylinin gəlini Paskal Hacıbəyli Buşe və nəvəsi Benjamin Hacıbəylini Azərbaycan tarixini ən qədim dövrdən bu günə qədər əks etdirən ekspozisiya ilə tanış edib.

Qonaqlar Azərbaycanın keçmişini özündə əks etdirən eksponatların tarixi haqqında məlumat əldə edib və neft milyonçusu, mesenat Hacı Zeynalabdin Tağıyevin ev muzeyi ilə də tanış olublar.

Hacıbəylilər daha sonra Qobustan Milli Tarix-Bədii Qoruğunu ziyarət edib. Qonaqlara məlumat verilib ki, ərazidə daş dövründən orta əsrlərə qədərki həyat və məişəti əks etdirən çoxsaylı maddi mədəniyyət nümunələrini əcdadlarımız yaradıblar. Qobustan qayaüstü rəsmləri dünyada bu tipli abidələrdən ən zəngini hesab olunur. Qoruq ərazisində alimlər tərəfindən 6 mindən çox qayaüstü təsvir, 20 mağara və yaşayış yeri, 40 kurqan aşkar edilib və öyrənilib.

Günün sonunda Diasporla İş üzrə Dövlət Komitəsinə gələn Hacıbəylilər Komitə rəhbəri ilə görüşərək səfər təəssüratlarını bölüşüblər və Diaspor TV-nin qonağı olublar.

Dövlət Komitəsinin, Cümhuriyyətin 100 illiyi ilə bağlı həyata keçirdiyi tədbirlər çərçivəsində Azərbaycana gələn Ceyhun Hacıbəylinin varisləri bu gün Parisə yola düşüblər.

Ölkə.Az

ŞƏRH YAZ
0

Nazirdən Fəxrəddin Manafovun teatrdan getmə xəbərinə reaksiya — Araşdırma aparılır + VİDEO

Nazirdən Fəxrəddin Manafovun teatrdan getmə xəbərinə reaksiya
00:30
07.12.2018
4846
Mədəniyyət
A
Ötən gündən xalq artisti Fəxrəddin Manafovun Rus Dram Teatrından ayrılması haqda rəsmi açıqlaması ciddi rezonans doğurub.

“Ölkə.Az” “Real TV”yə istinadən xəbər verir ki, Mədəniyyət Nazirliyi məsələyə dərhal reaksiya verib və artıq araşdırılma aparıldığını bildirib.

 Nazirliyin İnformasiya və ictimaiyyətlə əlaqələr şöbəsinin müdiri İntiqam Hümbətov deyib ki, F.Manafovun Azərbaycan Dövlət Rus Dram Teatrında yaradıcılıq fəaliyyətini dayandırması barədə xəbər onlar üçün çox gözlənilməz olub.
 
Şöbə müdiri əlavə edib ki, Mədəniyyət Nazirliyinin rəhbərliyi F.Manafovun mətbuatda yayılan bəyanatı ilə tanış olduqdan sonra dərhal məsələnin araşdırılması ilə bağlı göstəriş verib.
 
Məsələyə Rus Dram Teatrının direktoru Ədalət Hacıyev də münasibət bildirib və Fəxrəddin Manafovu yüksək dəyərləndirdiyini, onun bütün şərtlərinin yerinə yetiriləcəyini qeyd edib.
 
Mövzu ilə bağlı daha ətraflı süjeti təqdim edirik:

ŞƏRH YAZ
0
BAĞLA