Mumbay gömrüyündə qalmaqal

"Ölkə.Az" xəbər verir ki, həbs edilən qadınlar alt paltarlarında, daha dəqiq desək tumanlarında 4 kq qızılı keçirmək istəyiblər. Amma gömrük işçiləri onların arzusunu ürəyində qoyublar. Qadınlar qızıl tumanları ilə birlikdə saxlanılıblar.

Bildirilir ki, qaçaqmalçılar konkret sifarişlə işləyiblər və qızılı hind dükanına aparırmışlar. Dəstə üzvləri iki qadın və bir kişidir. Onların hər birininin alt paltarında qızıl zinət əşyaları olub.

Mumbay hava limanı gömrüyünün əməkdaşları 41 yaşlı Santaliçmi Sumarmaniamın hərəkətlərindən şübhələniblər. Qadın bildirib ki, Sinqapurdan bir günlük gəlib və alış-veriş etmək niyyətindədir. Dindirilmə zamanı Santaliçmi hava limanından çıxışda qızılları təhvil verəcəyini etiraf edib. Həqiqətən də terminalın çıxışında bir kişi qadını gözləyirmiş. Gömrük əməkdaşları bu şəxsi də saxlayıblar.

Polisin apardığı axtarış nəticəsində qadınların və kişinin alt paltarından qızıl zəncir tapılıb. Zinət əşyalarının aparılacağı dükan isə istintaq dövründə bağlı olacaq.

Hikmət Həsənov
Ölkə.Az