Münaqişələri alovlandırmayın, ziddiyyətləri güclənməmiş aradan qaldırın. — Günün qoroskopu

Münaqişələri alovlandırmayın, ziddiyyətləri güclənməmiş aradan qaldırın.
00:17
07.10.2018
10064
Maraqlı
A
"Ölkə.Az" milli.az-a istinadən günün ulduz falını təqdim edir:

Qoç - Səhər saatlarında yaxın ətrafınızdakı insanlardan bir neçəsi ilə anlaşılmazlıq yarana bilər. Normal dialoq istəyirsinizsə, psixoloji cəhətdən çevik olun. Diplomat kimi davranın. Kommunikasiyanın fərqli metodlarından və vasitələrindən istifadə edin.
Günün ikinci yarısı görüşlər, müzakirələr və mübadilələr üçün əlverişlidir. İşdə maraqlı təklif eşidəcəksiniz. Tələsik qərar verməyin. 

Güzəşt axtarışları dəyər verdiyiniz insanla münasibətlərdəki harmoniyanı qorumaq üçün mütləq şərtdir.

Buğa - İstənilən yeniliklər və eksperimentlər üçün əla gündür. Yeni müttəfiqlər tapacaqsınız. Hətta əvvəllər tərəfinizdə olmayan insanlar belə arqumentlərinizin səhihliyini dana bilməyəcəklər. Maliyyə baxımından isə gün o qədər uğurlu deyil. Gəlirlər özünü bir qədər gözlədəcək. Nəzərdə tutulmamış xərclər istisna olunmur.
Uğurlu insanlarla təmaslar üçün əlverişli gündür. Qarşınıza qoyduğunuz məqsədlərə çatmaq üçün bu insanlardan enerji ala bilərsiniz. Bacarıq və biliklərinizi artırmağa çalışın.

Əkizlər - Günün ilk yarısı effektiv və əlverişlidir. Fiziki və emosional tarazlığı bərpa edin. Yaxın ətrafınızdakı insanlarla qeyri-rəsmi şəkildə təmaslara üstünlük verin. 
Günün ikinci yarısında işgüzar danışıqlar pis nəticə verməyəcək. Yaradıcılıqla məşğul ola bilərsiniz.
Axşam saatlarında yeni dost qazanacaqsınız.

Xərçəng - Tərəfdaşlarla ünsiyyətə xüsusi diqqət ayırın. Yaxın ətrafınızdakı insanlarla stabil təmaslar irəliləyişə əlavə təkan verəcək. Yaradıcılıq və karyera məsələlərində emosional addımlar atmayın.
Günün ikinci yarısında tərəfdaşlar və həmkarlarla danışıqlar yaxşı nəticə verəcək.
Münaqişələri alovlandırmayın, ziddiyyətləri güclənməmiş aradan qaldırın. 
Axşam saatları məhsuldardır. Yaxın insanların yanında dincəlin.

Şir - İntellektual iş üçün uğurlu gündür. Gəldiyiniz nəticələr paradoksal da olsa, doğrudur. Müşahidələriniz sizi aldatmayacaq. Uzun müddətdən bəri dil tapa bilmədiyiniz adamla bu gün razılığa gələ biləcəksiniz. Bu isə yaxşı tanışlıq, məhsuldar əməkdaşlıq və ya isti münasibətlərin əvvəli ola bilər.
Təmaslar, görüşlər, danışıqlar günüdür. Ətrafdakı insanlara xoş təəssürat bağışlayacaqsınız. Axşam saatlarını rahat keçirin, qüvvələrinizi bərpa edin.

Qız - Genişmiqyaslı layihəyə, önəmli məsələyə başlamaq üçün əlverişli zaman deyil. Əvvəlki işləri bitirin. Yarımçıq işlər ballasta, izafi yükə çevrilməməlidir.
Günün ikinci yarısında hesabatları tərtiq edəndə diqqətli və sayıq olun. Alış-verişdə bədxərclik etməyin.
Axşam saatlarında dostlardan birinə təcili kömək gərəkəcək. Yardımlarınızı əsirgəməyin.

Tərəzi - Hadisələrlə zəngin gündür. İşlə bağlı məsələlər sizdən səfərə çıxmağı tələb edəcək. Müxtəlif dövlət qurumları və təşkilatlarının mənsubları ilə təmaslar aktiv olacaq.
Günün ikinci yarısında hətta maraqlarınızın toqquşduğu insanlarla dil tapmağa çalışın. Gurultulu bəyanatlar verməyin. Yeni biliklər və bacarıqlar əldə etmək üçün sərfəli zamandır. Şanslardan maksimum istifadə edin.
Axşam saatlarında adrenalin axtarışlarına çıxmayın.

Əqrəb - Xasiyyətinizin ən yaxşı məqamları bu gün daha qabarıq görünəcək. Bu gün hamının xoşuna gələcəksiniz. Lakin bu gün rəğbət bəslədiyiniz adamların bəzilərinin az sonra sizə xəyanəti istisna deyil. Analitik işlər, hesabatlar, düşüncə üçün əlverişli gündür. Günün ikinci yarısında sərfəli sövdələşmələrə nail ola bilərsiniz.
Bu gün çoxlu orijinal ideyalarınız var. Onların heç olmasa, birinin reallaşmasına yaxınlarınızı, tanışlarınızı və dostlarınızı cəlb edin. Gün maraqlı, həyəcanlı olacaq.

Oxatan - Günün ilk yarısında əhvalınız yaxşı olacaq. Qüvvələrinizdən bədgüman olmayın, bədbinliyə qapılmayın. Şərtlər əlverişlidir. Situasiyanı normal dəyərləndirməyə çalışın. 
Günün ikinci yarısında yaxınlarınız və ya qohumlarınızdan birindən xoş xəbər ala bilərsiniz. Bələd olmadığınız insanlarla ünsiyyətdə nəzakətli davranın. İşgüzar müzakirə, diskussiya, elektron poçtla yazışma pis keçməyəcək.
Axşam saatlarını sevdiyiniz insanla keçirin.

Oğlaq - Ambisiyalarınızı açıqlamayın, cəmiyyətdə bərqərar olmuş qaydalar və qanunlar çərçivəsindən kənara çıxmayın. Hansısa olay sizdə kəskin narazılıq yaradarsa, emosiyalarınızın izharına tələsməyin.
Peşəkar etiketin qulaqardına vurulması işdə həmkarlarla münaqişələrə səbəb ola bilər. Rəhbərliyin narazılığına səbəb olacaq addımlar atmayın.
Təmkinli olun, emosiyalarınıza nəzarət edin.
Bəzi planları təxirə salmaq gərəkdir. Dəyər verdiyiniz insanla tələbkar davranın.

Dolça - Maraqlı və pozitiv gündür. Uzaqdan yaxşı xəbərlər alacaqsınız. Tərəfdaq və ya şərikdən cazibədar təklifin alınması istisna deyil. Karyeranızda inkişaf da mümkündür.
Günün ikinci yarısı təhsil, biliklərin artırılması, təcrübənin genişləndirlməsi üçün əlverişlidir. Sevdiyiniz insandan kənardasınızsa, aktiv təmaslarda olun. 
Axşam saatlarında yeni tanışlıq ola bilər.

Balıqlar - Günün ilk yarısında situasiya yaxın ətrafınızdakı insanlarla münasibətlərinizdən asılıdır.
Müzakirə edilən məsələlərlə bağlı fikirlərinizi paylaşanda diqqətli olun. Qarşı tərəfin mövqelərini nəzərə alın.
Günün ikinci yarısında gərəkli insanlarla normal əlaqələr yaratmağa çalışın. 
İşdə həmkarların və rəhbərliyin dəstəyini ala bilərsiniz. 
Sevdiyiniz insanlarla axşam saatlarında mübahisə etməyin.

Ölkə.Az

ŞƏRH YAZ
0

77 il əvvəl itkin düşən sualtı qayıq tapıldı — VİDEO

77 il əvvəl itkin düşən sualtı qayıq tapıldı
10:51
Bu gün
1891
Maraqlı
A
İkinci dünya müharibəsi zamanı nasist Almaniyasına qarşı savaşda 40 ekipaj üzvü ilə itkin düşən Sovet İttifaqına məxsus sualtı qayıq 77 il sonra tapılıb.

“Ölkə.Az” xəbər verir ki, “U-308” tipli “Semqa” sualtı qayığı Baltik Dənizində itkin düşmüşdü. Müharibədən sonra da qayığın axtarışları davam etsə də, nəticə əldə edilməmişdi.

Sualtı qayıq 77 il sonra tədqiqatçılar tərəfindən Finlandiya körfəzində tapılıb.  Araşdırmalar zamanı məlum olub ki, sualtı qayıq top gülləsi dəydiyi üçün batıb. Hazırda araşdırmalar davam edir.

Hikmət Həsənov
Ölkə.Az

ŞƏRH YAZ
0

Oynaqları ağrıdan birdəfəlik xilas edən təbii vasitə — İnanılmaz nəticə

Oynaqları ağrıdan birdəfəlik xilas edən təbii vasitə
23:40
24.03.2019
4227
Maraqlı
A
Səbəblərindən asılı olmayaraq, oynaqları ağrıyan əksər insan ağrını yüngülləşdirmək üçün dərhal dərmanlara əl atır. Bu həblər kömək etsə də, orqanizmə əhəmiyyətli dərəcədə təsir göstərir.

"Ölkə.Az" xəbər verir ki, sarıkök oynaqlarda ağrını azaldan effektli vasitədir.

İnqrediyentlər:

2 xörək qaşığı sarıkök

1 xörək qaşığı hindqozu yağı

1 çay qaşığı bal

5 xörək qaşığı qaynamış su

Hazırlanması:

Bütün inqrediyentləri bir qaba töküb həmcins konsistensiya halını alana qədər qarışdırın.

Tətbiqi:

Qarışığı zədələnmiş hissəyə birbaşa çəkin və diarəvi hərəkətlərlə nəvazişlə masaj edin. 10 dəqiqədən sonra isti su ilə yuyun.

Hələ qədim zamanlardan sarıkökdən xüsusilə də Asiya ölkələrində iltihab və oynaq ağrılarını yüngülləşdirmək üçün istifadə ediblər.

Sarıkök təbii yolla böyrəküstü vəzilərdə kortizon istehsalını stimullaşdırır, oynaqlarda ağrını və iltihabı tez aradan qaldırır.

Müxtəlif tədqiqatlar sübut edib ki, bu ədviyyatda olan maddələr iltihab və oynaq ağrılarına qarşı çox təsirlidir.

Sarıkök immuniteti qaldıran antioksidant xüsusiyyətlərə malikdir və orqanizmə ciddi ziyan vura biləcək zərərli elementlər çıxarmağa kömək edir.

Nəzərə almalısınız ki, bu vəsaitin tətbiqindən başqa, qidalanmaya nəzarət və fiziki hərəkətlər etmək, həmçinin, çoxlu su içmək zəruridir. (publika.az)

Ölkə.Az

ŞƏRH YAZ
0
BAĞLA