Musa Qasımlı tələbə təqaüdlərinin artırılmasından danışdı
“Ölkə.Az” xəbər verir ki, bunu millət vəkili Musa Qasımlı bildirib.
“Sirr deyil ki, bəzən yüksək bal toplayan, lakin ailənin imkanlarının aşağı olması ucbatından təhsil haqqını ödəyə bilmədiyi üçün ali məktəbləri tərk edən gənclərimiz var. Bu qərarlar həmin halların qarşısını alacaq”, - deyə deputat bildirib.
Onun sözlərinə görə, Azərbaycan prezidenti İlham Əliyevin ali və orta ixtisas təhsili müəssisələrində, AMEA-nın magistratura səviyyəsində əyani təhsil alan şəxslərə verilən təqaüdlərin artırılımasına dair sərəncamları böyük əhəmiyyət daşıyır.
Deputat qeyd edib ki, dövlət təhsil alanlara xüsusi diqqət yetirir və onların ailələrinin qayğılarını yüngülləşdirməyə çalışır:
“Təqaüdlərin artırılması həmin kateqoriyadan olan şəxslərin sosial vəziyyətinin yaxşılaşdırılmasına, diqqətlərini başlıca olaraq təhsilə yönəltmələrinə, dərslərə daha yaxşı hazırlaşmalarına, elm və təhsilimizin keyfiyyətinin artırılmasına imkan verəcək.
Ali məktəblərə dövlət sifarişli yerlərin sayının artırılması təhsilin hamı üçün əlçatan olmasından ötrü cənab Prezidentimizin liderliyində dövlətimizin yürütdüyü siyasətin mühüm tərkib hissələrindən biridir. Sirr deyil ki, bəzən yüksək bal toplayan, lakin ailənin imkanlarının aşağı olması ucbatından təhsil haqqını ödəyə bilmədiyi üçün ali məktəbləri tərk edən gənclərimiz vardır. Bu qərarlar həmin halların qarşısını alacaq. Dövlətimiz belə bir addımı atmaqla təhsil almaq istəyən gənclərə qucaq açır. Bütün vətəndaşlarımızın qərarları rəğbətlə qarşıladığı qənaətindəyəm”,- M.Qasımlı bildirib.
Murtəza
Ölkə.Az