Musa Yaqubun ölüm xəbəri — YALAN ÇIXDI

Musa Yaqubun ölüm xəbəri
14:45
04.07.2019
2997
Mədəniyyət
A
Xalq Şairi Musa Yaqubun ölməsi barədə yayılan xəbərlər əsassızdır.

 "Ölkə.Az"-ın məlumatına görə, bu barədə əslən İsmayıllı rayonundan olan jurnalist Yusif Məhəmmədoğlu sosial şəbəkədə yazıb:

"Dostlar, Xalq Şairi Musa Yaqubla bağlı yayılan xəbərlər yalandır. Xahiş edirəm ki, dəyərli jurnalist dostlarımız xəbəri dəqiqləşdirmədən paylaşmasınlar. Pünhan İsmayıllı da, mən də danışdıq. Musa müəllim evdədir. Dünən axşam saatlarında təzyiqi düşmüşdü, indi indi hər şey yaxşıdır".

Qeyd edək ki, M.Yaqubun ölümü ilə bağlı xəbəri unikal.org saytı yayıb.

Ölkə.Az

ŞƏRH YAZ
0

İsveçrəli məktəblilərə Azərbaycan rəqsləri öyrədilir

İsveçrəli məktəblilərə Azərbaycan rəqsləri öyrədilir
22:10
23.07.2019
390
Mədəniyyət
A
İsveçrədə yaşayan soydaşlarımız bu ölkənin ictimai və mədəni həyatında həyata keçirilən inteqrasiya səciyyəli tədbir və layihələrdə fəal iştirak etməyə çalışırlar. Bu layihələrdən biri də miqrantların mədəniyyətinin təbliğ olunması ilə bağlıdır.

“Ölkə.Az” Diasporla İş üzrə Dövlət Komitəsinə istinadən xəbər verir ki, artıq 3 ildir Aargau bölgəsinin Miqrasiya və İnteqrasiya Departamentinin maliyyə dəstəyi ilə həyata keçirilən layihə məktəblərdə təqdim olunur.

Layihənin rəhbəri İsveçrədəki Azərbaycan Mədəniyyət Mərkəzinin rəhbəri Qasım Nəsirovdur.

Q.Nəsirov bildirib ki, əsas məqsəd məktəbliləri ölkədəki miqrantların mədəniyyətləri ilə tanış etmək, onlara inteqrasiya barədə məlumat verməkdir. Layihə çərçivəsində məktəblilərə Azərbaycan rəqsləri də öyrədilir. Bunun üçün “Qarabağ” Azərbaycan məktəbinin müəllimi Gülnarə Axundova layihədə iştirak etməyə dəvət edilib. Üç ildir ki, G.Axundova isveçrəli uşaqlara milli rəqslərimizi öyrədir.

Qeyd edək ki, bu yaxınlarda Aargauda 16 yaşlı 100 məktəblinin iştirakı ilə təqdim olunan Azərbaycan rəqsləri böyük maraqla qarşılanıb.

Ölkə.Az

ŞƏRH YAZ
0

Dar cığırla hər gün çığırışa-çığırışa məktəbə gedib-gələrdik — Arif Babayevin AĞDAM XATİRƏLƏRİ

Dar cığırla hər gün çığırışa-çığırışa məktəbə gedib-gələrdik
15:40
23.07.2019
897
Mədəniyyət
A
“Mən and içmişəm, torpaqlarımız düşmən tapdağından azad olunan gün dizlərimi yerə qoyub, dizin-dizin Qarabağa, qapıma gedəcəyəm”.

Bu sözləri Xalq artisti Arif Babayev “Ölkə.Az”a Ağdam haqqında danışarkən bildirib. 

Xalq artisti deyib ki, geridə qalan 26 il onun üçün çox ağır keçib:

"Həmişə ümid etmişəm ki, Qarabağ qayıdacaq. Millətimiz şad- xürrəm o torpaqlara dönəcək. İnşallah, o ümidlə də yaşayırıq. Qarabağ yaralı yerimizdir. Qarabağ bütün millətin vətənidir. Təkcə mənim, onun deyil, hamının vətənidir. Ağdam mənim üçün də çox əziz yerdir. Böyüyüb başa çatdığım torpaqdı. Onun nisgili mənim hər zaman ürəyimdədir".

Ustad sənətkar artisti münaqişənin tezliklə həllini tapacağına ümid etdiyini dilə gətirib:

"Bizim güclü ordumuz  var, gecə-gündüz çalışan Prezidentimiz, Birinci vitse prezidentimiz - Mehriban xanımımız var. İnanıram ki, onların müdrik siyasəti sayəsində münaqişə tezliklə həllini tapacaq. Biz yenə öz torpaqlarımıza sahib olacağıq.  Əlavə qüvvələr mane olmasa, biz daha da irəli gedəcəyik. Görürsünüz ki, dost dediklərimiz birdə görürsən düşmən çıxır”. 

Əməkdaşımızın “Ağdamlı günlərinizi yada salıb, kövrəlirsiniz?”-sualına xalq artisti kövrələrək cavab verib:

“Vallah elə kövrəlirəm, elə kövrəlirəm, heç təsəvvür edə bilməzsiniz. O torpaqda doğulasan, böyüyəsən –indi gedib görə bilmirəm, o doğma yerlərimə həsrət qalmışam. Tez-tez uşaqlıq illərimi yada salıram, arada cavanlıq illərim gözümün qarşısına gəlir. O üzümlük bağları, bağçamızın ağacları - hamısını xatırlayıram. Xəyallarımda bir-bir ağacları sayıram, deyirəm, bax, orada armud ağacı vardı, hasarın dibindəki heyva agacı görəsən bar verir? Hər gün dar cığırla çığırışa-çığırışa məktəbə gedib-gələrdik. Düşünürəm, görəsən o yerlər necə oldu? Ağdamın hər yeri, nöqtəsinə kimi yadımdadı.  Mən yuxularımda, xəyallarımda hər gün  Ağdama qayıdıram.

Bir dəfə mənə o torpaqların videosunu göstərdilər, iki mərtəbəli evimiz vardı, darmadağın edilmişdi. Evdi, həyətdi bunlar boş şeylərdi mənim üçün, əsas torpaqlarımız qayıtsın. Torpaq hər şeydən əzizdir. Deyirlər “Ana qucağı hər şeydən əzizdir” mən deyırəm ki, torpaq hamısından əzizdir”.

Xatırladaq ki, Ağdam 1992 ci il 23 iyulda ermənilər tərəfindən işğal olunub.

Vüsalə Balayeva
Ölkə.Az

ŞƏRH YAZ
0
BAĞLA