Musiqiçi skripkası ilə İŞİD-ə meydan oxudu

"Ölkə.Az" xəbər verir ki, Mukdad İŞİD terrorçularının idarəsi altında yaşadığı dövrdə gizli bəstələdiyi mahnılardan ibarət bir konsert verib. Konsert əsnasında Mosulun qərb hissəsində partlayış və silah səsləri eşidilib.

İŞİD terrorçuları 28 yaşlı Mukdadın evinə basqın edib musiqi alətlərini əlindən alıb. Bundan sonra gənc şəhərdən qaçıb. Mukdad şəhərə qayıtdıqdan sonra konsert verib. Xarabalıqların ortasında skripka ifa edən musiqiçini İraq ordusunun hərbçiləri qoruyub.

Mukdad deyib: "Bu məkan hamı üçündür. Bir məzhəb üçün deyil. İŞİD bir dini təmsil etmir. İŞİD azadlıqdan məhrum edən ideologiyanı təmsil edir. İŞİD-lə bağlı olan hər şey yanlışdır. Musiqi gözəldir. Musiqiyə qarşı olanlar çirkindir".

Qeyd edək ki, konserti cəmi 20 nəfər şəhər sakini izləyib.

Hikmət
Ölkə.Az