Müslüm Maqomayev haqqında bədii filmin çəkilişlərinə başlanılıb

Müslüm Maqomayev haqqında bədii filmin çəkilişlərinə başlanılıb
21:23
05.10.2018
1429
Mədəniyyət
A
Bakıda dünya şöhrətli müğənni və bəstəkar, SSRİ xalq artisti Müslüm Maqomayev haqqında "Maqomayev" adlı səkkiz seriyalı bədii filmin çəkilişləri başlayıb.

“Report” xəbər verir ki, filmdə Müslüm Maqomayev obrazını 30 yaşlı aktyor Miloş Bikoviç canlandırır.

Rejissor Oleq Əsədulinin ("Korporativ", "Bağlı məktəb") rəhbərlik etdiyi bir qrup ekipaj bir həftə əvvəl Bakıya gəlib.

Məlumata görə, çəkiliş oktyabr ayının sonuna qədər davam edəcək.

Qeyd edək ki, Azərbaycanın görkəmli opera və estrada müğənnisi Müslüm Maqomayev 1942-ci ildə Bakıda anadan olub. 14 yaşında Bakıda dənizçilər klubunda çıxış edən M.Maqomayev ilk uğurunu 1962-ci ildə qazanıb. Maestro Niyazinin tövsiyəsi ilə tələbə və gənclərin Finlandiyanın paytaxtı Helsinki şəhərində keçirilən VIII Ümumdünya festivalına yollanan müğənni oradan medalla qayıdıb. Bu münasibətlə populyar “Oqonyok” jurnalı onun portretini və “Bakılı gənc dünyanı fəth edir” sərlövhəli məqaləni dərc edib.

M.Maqomayev XX əsrin 60-cı illərində Azərbaycan Dövlət Akademik Opera və Balet Teatrının solisti olub, Milanın dünya şöhrətli “La Skala” teatrında təcrübə keçib.

O, 31 yaşında SSRİ xalq artisti fəxri adına layiq görülüb. Dünya şöhrətli müğənninin repertuarında 600-dək əsər var.

M.Maqomayev 2008-ci ildə 66 yaşında Rusiya paytaxtı Moskvada vəfat edib. Bakıda Fəxri xiyabanda dəfn olunub.

Ölkə.Az

ŞƏRH YAZ
0

Tanınmış aktyora AĞIR İTKİ

Tanınmış aktyora AĞIR İTKİ
18:31
21.07.2019
2705
Mədəniyyət
A
Gənc Tamaşaçılar Teatrının tanınmış aktyoru Kərəm Hadızadəyə ağır itki üz verib.

"Ölkə.Az" xəbər verir ki, aktyorun bacısı bir neçə saat öncə vəfat edib. Bu barədə saytımıza teatrın rejissoru Gülnar Hacıyeva bildirib.

Allah rəhmət eləsin!

Ölkə.Az

ŞƏRH YAZ
0

Mehriban Əliyeva məşhur xalq artistinin mənzilini təmir etdirir — EKSKLÜZİV- FOTO

Mehriban Əliyeva məşhur xalq artistinin mənzilini təmir etdirir
15:21
20.07.2019
8789
Mədəniyyət
A
Bu gün xalq artisti, aktyor-rejissor Ramiz Əzizbəylinin doğum günüdür.

Sənətkar "Ölkə.Az"-ın əməkdaşıyla söhbətində çoxsaylı təbriklər aldığını bildirib və hər kəsdən razılığını ifadə edib. Əzizbəyli bir özəl xəbəri də saytımızla bölüşüb. Onun sözlərinə görə, Birinci Vitse-prezident Mehriban Əliyeva onun mənzilini təmir etdirir:

"İndi müvəqqəti mənzillə təmin edilmişəm, öz mənzilimizdə təmir gedir. Təmiri Mehriban xanım Əliyeva etdirir. Ona dərin təşəkkürümü bildirirəm".
Qeyd edək ki,  R.Əzizbəyli 1948-ci ildə Bakıda anadan olub. Azərbaycan kino sənətinin inkişafındakı xidmətlərinə görə 18 dekabr 2000-ci ildə Azərbaycanın əməkdar artisti, 2008-ci ildə isə  xalq artisti fəxri adlarına layiq görülüb. Ötən ilin avqust ayının 1-də isə "Şöhrət" ordeni ilə təltif edilib. Sənətkara rejissoru olduğu "Bəxt üzüyü" filmi böyük şöhrət qazandırıb.

İntiqam VALEHOĞLU
Ölkə.Az

ŞƏRH YAZ
0
BAĞLA