Müslüm Maqomayevin xatirəsi yad edildi
"Ölkə.Az"ın "Report"a istinadən məlumatına görə, mərhum müğənninin 75 illik yubileyi ilə əlaqədar onun xatirəsini yad etmək məqsədilə təxminən 100 nəfər heykəltəraş Aleksandr Rukavişnikovun müəllif olduğu abidənin ətrafına toplaşıb.
"Crocus Group"un prezidenti Araz Ağalarov, Heydər Əliyev Fondunun Moskva filialının nümayəndəsi Camal Camalov və başqaları abidə önünə gül dəstələri qoyub. Rusiya Kinematoqrafçılar İttifaqı abidənin yaxınlığında mini-konsert təşkil edib: Müslüm Maqomayevin repertuarından olan mahnıları A.Puxmatova mükafatının təqaüdçüsü Nikolay Ryabuxa ifa edib.
Onu da qeyd edək ki, abidənin yanında özbəkistanlı opera müğənnisi Xursand Şherovun veloyürüşü başa çatıb. M.Maqomayev yaradıcılığının böyük heyranı olan özbək müğənni Daşkənd-Moskvaya veloyürüşünü məhz mərhum sənətkarın 75 illik yubileyinə həsr edib.
