"Müxalifət bu mitinqlə ciddi sosial bazasının olmamasını göstərəcək" — Politoloq şərhi

14:36
22.09.2017
550
Siyasət
A
Sabah müxalifətin radikal qanadı sayılan Milli Şura mitinq keçirəcək.

Milli Şuranın keçirəcəyi bu mitinqlə bağlı müxtəlif fikirlər səsləndirilir. Bəziləri mitinqi yerində saysa da, digərləri təşkilatçıları tənqid atəşinə tutub.

Müxalifətin sabah baş tutacaq mitinqi və ölkədəki siyasi abu-havanı politoloq Elşən Manafov "Ölkə.Az"-a şərh edib:

"Bakı Şəhər İcra Hakimiyyəti Milli Şuranın mitinq keçirməsinə icazə verib. Şəhər icra hakimiyyətinin bu icazəsi göstərir ki, müxalifətin məlum kəsiyinin qanadının Azərbaycan hakimiyyətinin ünvanına səsləndirdiyi ittihamların arxasında heç bir ciddi dəlil yoxdur. Bu isə Azərbaycan hakimiyyətinin müxalifətlə müqayisədə Avropanın müvafiq institutları qarşısında üstünlüyü deməkdir. İstənilən siyasi təşkilat müvafiq qurumlara müraciət edib, qanunvericilik çərçivəsində piket, etiraz aksiyası, mitinq keçirə bilər. Həmin mitinq, etiraz aksiyaları, piketlərin keçirilməsinin təhlükəsizliyi Azərbaycan polisinin üzərinə düşür. Bu da onu göstərir ki, müxalifətin məlum kəsiyinin iddialarının arxasında sırf konniktor maraqlar durur. Ölkə seçkilər ərəfəsindədir. Seçki ərəfəsində Azərbaycanda marağı olan Qərbin müəyyən institutlarının, müəyyən dairələrinin dəyirmanına su tökmək, postsovet məkanındakı bəzi ölkələrdə olduğu kimi məlum ölkələrin dəstəyi ilə geosiyasi planlar əsasında narıncı inqilabları həyata keçirmək, Azərbaycanda sabitliyi pozmaq və vətəndaşların bu məsələlərdən dolğun məlumatlı olmamasından istifadə edərək ölkədə qarşıdurma yaratmaq və nəticə etibarı ilə bulanıq suda balıq tutmaq istəyindən irəli gəlir.

Azərbaycan hakimiyyətinin Milli Şuranın mitinqinə icazə verməsi göstərir ki, müxalifətin məlum kəsiyinin ölkədə söz azadlığının pozulması, demokratik insan hüquq və azadlıqlarının olmaması ilə bağlı bəyanatları ciddi dəlil və faktlara söykənmir. Buyursun müxalifət mitinq keçirsin, görək müxalifətin sosial bazası hansı gücdədir. İnanıram ki, əvvəlki mitinqlərdə olduğu kimi bu mitinqdə də kifayət qədər ölkə vətəndaşı iştirak etməyəcək. Bu da müxalifətin məlum kəsiyinin ictimai rəyə təsir imkanının minimum dərəcədə olmasından xəbər verir".

Müxalifət bu mitinqi keçirməklə əslində seçkilərə 1 il qalmış Azərbaycan hakimiyyəti ilə rəqabətdə ciddi sosial bazaya malik olmadığını nümayiş etdirəcək deyən politoloq qeyd edib ki, müxalifətin hakimiyyətlə münasibətləri çox təəssüflər olsun ki, konstruktiv əməkdaşlıq səviyyəsində deyil:

"Müxalifət sadəcə olaraq bulanlıq suda balıq tutmaq, ölkədə mövcud sabitliyi pozmaq və Qərb institutlarının diqqətini Azərbaycana yönəltmək istəyir. Azərbaycan elə bir həssas məkanda yerləşib ki, burada Qərbin də, Şərqin də, Rusiyanın da maraqları toqquşur. Müxalifət düşərgəsinin nümayəndələrinin bunu bilməməsi mümkün deyil. Ümidləri postsovet məkanında baş verə biləcək geosiyasi rəngli inqilabların Azərbaycanda təkrarlanmasıdır".

Səxavət Məmməd
Ölkə.Az

ŞƏRH YAZ
0

Azərbaycan mötəbər qurumun İdarə Heyəti Şurasına üzv seçildi

Azərbaycan mötəbər qurumun İdarə Heyəti Şurasına üzv seçildi
01:13
Bu gün
298
Siyasət
A
Azərbaycam Beynəlxalq Atom Enerjisi Agentliyinin (IAEA) İdarə Heyəti Şurasına üzv seçilib.

"Ölkə.Az" Rusiya mətbuatına istinadən xəbər verir ki, bu barədə qurumun İdarə Heyətinin bir günlük iclasının yekununda məlumat verilib.

Qeyd olunub ki, Şuraya 11 ölkə üzv seçilib ki, onlardan biri də Azərbaycandır. 

2018-2019-cu illər üçün İdarə Heyəti Şurasına Argentina, Azərbaycan, Avstraliya, Belçika, Braziliya, Kanada, Çili, Çin, Ekvador, Misir, Fransa, Almaniya, Hindistan, İndoneziya, İtaliya, Yaponiya, İordaniya, Keniya, Koreya Respublikası, Mərakeş, Niderland, Niger, Pakistan, Portuqaliya, Rusiya Federasiyası, Serbiya, Cənubi Afrika, Sudan, İsveç, Tailand, Böyük Britaniya və Şimali İrlandiya Birləşmiş Krallığı, ABŞ, Uruqvay, Ermənistan və Venesuela daxil olacaq.

İclasda IAEA-nın İdarə Heyəti Şurası İordaniyanın Vyanadakı beynəlxalq təşkilatlarda daimi nümayəndəsi Lina əl-Hədid 2018-2019-cu illər üzrə İdarə Heyəti Şurasına sədr seçib.

Ölkə.Az

ŞƏRH YAZ
0

Azәrbaycan İӘT ölkәlәrini Ermәnistanla münasibәtlәri aşağı sәviyyәyә endirmәyә çağırıb

Azәrbaycan İӘT  ölkәlәrini Ermәnistanla münasibәtlәri aşağı sәviyyәyә endirmәyә çağırıb
00:08
Bu gün
299
Siyasət
A
Azərbaycan İslam Əməkdaşlıq Təşkilatı (İƏT) dövlətlərinə Ermənistanı BMT Təhlükəsizlik Şurasının 822 (1993), 853 (1993), 874 (1993) 884 (1993) saylı qətnamələrində, eləcə də İƏT-in Ermənistan-Azərbaycan Dağlıq Qarabağ münaqişəsi ilə bağlı qəbul etdiyi qətnamə və qərarlarındakı tələblərə əməl etməyə vadar etmək üçün bu ölkə ilə ikitərəli münasibətlərini aşağı səviyyəyə endirmələrini təklif edib.

"Ölkә.Az" report-a istinadla xәbәr verir ki, bunu xarici işlər naziri Elmar Mәmmәdyarov İƏT-in Ermənistanın Azərbaycana qarşı təcavüzü üzrə Əlaqə Qrupunun Nyu-Yorkda keçirilən 3-cü iclasında çıxışı zamanı deyib.

"Ermənistanla Azərbaycan arasında münaqişə başlayandan bəri əsrin bir rübündən çox vaxt keçib. Buna baxmayaraq, Ermənistan BMT Təhlükəsizlik Şurasının tələbləri və BMT Baş Assambleyanın qətnamələri, İƏT və digər beynəlxalq təşkilatların qərarları və fərdi dövlətlərin mövqelərinə hörmətsizlik edərək və beynəlxalq hüququn norma və prinsiplərini kobud şəkildə pozaraq Azərbaycan ərazilərinin qanunsuz işğalını davam etdirir", - deyə nazir bildirib.

O qeyd edib ki, Ermənistan davamlı şəkildə münaqişənin həlli prosesinə maneələr törədir, eyni zamanda nəticələrə yönələn danışıqlara aparmaqdan imtina edir, yerdə vəziyyəti gərginləşdirmək üçün davamlı müxtəlif təxribatlara əl atır və zəbt etdiyi ərazilərin işğalını möhkəmləndirməyə çalışır.

Nazir əlavə edib ki, Ermənistan 1948-ci il Cenevrə Konvensiyalarını kobud şəkildə pozaraq işğal olunmuş ərazilərdə, xüsusilə Suriyadan olan qaçqınların və digər erməni əsilli insanların qanunsuz məskunlaşdırılması siyasətini davam etdirir.

"Bu yaxınlarda Ermənistanın hərbi diktatorluğu devrildi və ölkənin rəhbərliyi dəyişildi. Yeni rəhbərlikdən ilkin gözləntilər bəyan edildiyi kimi onun beynəlxalq hüququn norma və prinsiplərinə hörmət demək olan demokratik dəyərlərə tam hörmət siyasəti üzərində qurulacağı idi.

Təəssüf ki, yeni rəhərlik öz sələflərinin yolunu davam etdirmək qərarına gəldi və öz vəzifəsinə münaqişənin sülh yolu ilə həlli üzrə davam edən danışıqlara ciddi xələl yetirən təxribatçı bəyanatlar verməklə başladı. 26 sentyabrda Nyu-Yorkda erməni həmkarım ilə görüşüm baş tutacaq", - deyə E.Məmmədyarov vurğulayıb.

Onun sözlərinə görə, "Ermənistanda davamlı qeyri-sabit daxili siyasi inkişaf olduğu üçün və bu ölkədə nələrin baş verdiyini kənardan anlamaq mümkün olmadığı üçün istisna edə bilmərik və etmirik ki, Ermənistanın yeni baş nazirin sonuncu bəyanatları və əməlləri yerdə vəziyyəti daha çox hərbi qarşıdurma ilə gərginləşdirməyə niyyətlənib. Bu mənfi senarinin bütün nəticələri tamamilə erməni tərəfinin üzərində olacaq."

"Biz ümid edirik ki, İƏT üzv ölkələrinin Azərbaycanın ədalətli mövqeyi ilə həmrəyliyi və onların ölkəmizin suverenliyi və ərazi bütövlüyünə birmənalı dəstəyi işğalçını beynəlxalq hüququn norma və prinsipləri, BMT Təhlükəsizlik Şurasının müvafiq qətnamələri və İƏT qərarlarına uğunlaşdırmaq üçün daha konkret, praktiki və effektiv tədbirlərə çevriləcək. Bununla əlaqədar, İƏT-in Ermənistan Respublikasının Azərbaycan Respublikasına qarşı təcavüzü üzrə Əlaqə Qrupunu İƏT-in münaqişə üzrə müvafiq qərarlarının həyata keçirilməsi üçün praktiki addımların müzakirəsi, müəyyənləşdirilməsi və işlənilməsi üçün əhəmiyyətli platforma kimi nəzərdən keçiririk. Bu qrup çərçivəsində tərəfimizdən işlənib hazırlanmış praktiki tədbirlər baxılması və qəbul edilməsi üçün İƏT Nazirlər görüşünə və geniş icrası üçün İƏT-ə təqdim olunmalıdır", - deyə XİN başçısı diqqətə çatdırıb.

E.Məmmədyarov bildirib ki, Azərbaycan İƏT-in Ermənistan-Azərbaycan münaqişəsi üzrə müvafiq qərarlarını ətraflı şəkildə nəzərdən keçirdikdən sonra bu qərarların praktiki həyata keçirilməsinə töhfə verəcək bir sıra tədbirlər müəyyən edib. Təklif etdiyimiz tədbirlər bugünkü qərarımız əsasında İƏT Baş Katibi tərəfindən irəli sürüləcək. Biz təklif edirik ki, İƏT Baş katibi:

1.İƏT-in müvafiq qətnamələrinə uyğun olaraq, Ermənistanın təcavüzünə son qoymaq istiqamətində Azərbaycan Hökumətinin səylərinin dəstəklənməsi ilə bağlı İƏT üzv ölkələrinə beynəlxalq və regional təşkilatlardakı daimi nümayəndələrini təlimatlandırmaq xatırlatmasını əks etdirən Verbal Notanı yaysın.

2.1992-ci ilin fevralında Azərbaycan Respublikasının Xocalı şəhərində erməni silahlı qüvvələri tərəfindən Azərbaycanlıların kütləvi şəkildə öldürülməsi ilə bağlı beynəlxalq ictimaiyyəti məlumatlandırmaq üçün İƏT üzv ölkələri və İƏT Katibliyinin mümkün töhfələri barədə təkliflər işlənib hazırlansın.

3.Ermənistana hər hansı silah-sursat və hərbi təchizat verilməsinin qarşısını almaq, ölkələrin fiziki və hüquqi şəxslərinin Azərbaycanın Dağlıq Qarabağ bölgəsi və işğal edilmiş digər ərazilərinə hər hansı səfərləri və fəaliyyətini qadağan etmək və Azərbaycan ərazilərinin işğalının saxlanılmasına yardım edə biləcək hər hansı yardımın qarşısını almaq məqsədilə İƏT üzv ölkələrinə müraciət etsin.

4.Azərbaycanın işğal edilmiş ərazilərində turizmin təşviqi və bu ərazilərə turist səfərlərinin qeyri-qanuni xarakter daşıması və qanunsuz separatçı rejimin beynəlxalq turizm sərgilərində və digər turizm tədbirlərində təbliğinin qəbuledilməzliyi ilə bağlı ərazilərində fəaliyyət göstərən turizm şirkətləri, səyahət agentlikləri və onların çətir təşkilatlarının mümkün qədər geniş şəkildə məlumatlandırması üçün üzv ölkələrə müraciət etsin.

5.Ermənistanı BMT Təhlükəsizlik Şurasının 822 (1993), 853 (1993), 874 (1993) 884 (1993) saylı qətnamələrində, eləcə də İƏT-in Ermənistan-Azərbaycan Dağlıq Qarabağ münaqişəsi ilə bağlı qəbul etdiyi qətnamə və qərarlarındakı tələblərə əməl etməyə vadar etmək üçün bu ölkə ilə ikitərəli münasibətlərini aşağı səviyyəyə endirmələri üçün üzv ölkələrə müraciət etsin.

6.İƏT üzv ölkələri adından Ermənistan tərəfindən işğal edilmiş ərazilərdə məscidlər və digər müqəddəs yerlərin, tarixi yerlərdə qanunsuz arxeoloji qazıntılar, toponimlərin dəyişdirilməsi və digər saxtakarlıqlar daxil olmaqla Azərbaycanın tarixi abidələrinin vəhşicəsinə dağıdılması aktlarına qarşı etiraz və bu barədə məlumatlılığın artırılması üçün beynəlxlaq kampaniya başlatsın.

7.Xarici İşlər Nazirlərinin növbəti görüşü üçün üzv ölkələr tərəfindən İƏT-in Ermənistan-Azərbaycan Dağlıq Qarabağ münaqişəsinə dair qəbul etdiyi sənəd və qərarların yerinə yetirilməsi üzrə hesabat təqdim etsin.

Ölkә.Az

ŞƏRH YAZ
0
BAĞLA