Müxalifət xalqı arxasınca niyə apara bilmir? — Politoloq səbəbləri açıqlayır

Müxalifət xalqı arxasınca niyə apara bilmir?
14:40
25.09.2017
163
Siyasət
A
Sentyabrın 23-də Milli Şura mitinq keçirdi.

Mitinqdən sonra ən çox müzakirə edilən məsələ müxalifətin xalqın dəstəyini ala bilməməsi olub.

Bununla bağlı politoloq Elşən Manafov fikirlərini Ölkə.Az-da bölüşüb:

"İqtidara iddialı olan siyasi qüvvənin iqtidarı təmsil edə biləcək ciddi kadr potensialı olmalıdır. Siyasi ekspertlər və əhalinin mütləq əksəriyyəti gözəl anlayır ki, ilk baxışda iqtidara iddialı qüvvələrin ciddi kadr potensialı yoxdur. Sabah bu qüvvələrin Azərbaycan hakimiyyətinə gələcəyi halda dövlət idarəçiliyinin müxtəlif institutlarında və müxtəlif sahələrində bu şəxslərin bacarıqla rəhbərlik edə biləcəyi, Azərbaycan dövlətçiliyinin qarşısında duran ümdə problemlərin öhdəsindən gələ biləcəyi ilə bağlı əhalidə ciddi dilemma və suallar var". 

Müxalifətin ciddi problemlərindən birinin onun dövlət idarəçiliyinə iddialı olduğu halda kadr potesialı ilə bağlı olduğunu deyən politoloq əsas problemlərdən biri isə maliyyə resurslarının olmamasını qeyd edib:

"Müxalifətin əsas ümidi Azərbaycanda geosiyasi maraqları olan beynəlxalq güclərlə bağlıdır. Müxalifət bir qayda olaraq ona dəstək verəcək əhalinin deyil, beynəlxalq güclərin maraqlarından çıxış edir. Bu cür müxalifətin gələn ilk keçiriləcək prezident seçkiləri ərəfəsində məğlubiyyətə uğrayacağı şübhə doğurmur. Müxalifətin daha ciddi problemlərindən biri də uzun müddətdir müxalif mövqeyində durub, bir-birinin ünvanına ittihamlar yağdırmaqdır. Müxalifət bütün səylərinə baxmayaraq monalit komanda təsiri bağışlayan hakimiyyətlə müqayisədə vahid komanda şəklində formalaşa bilməyib. Müxalifətin vahid komanda şəklində birləşə bilməməsi istinad etdiyi ideoloji siyasi dəyərlərlə, hansının sağçı, solçu, mərkəzçi olması ilə bağlı deyil. Çox təəssüf ki, Azərbaycanda hakimiyyətlə müxalifət arasında bu ideoloji dəyərlərin elə də ciddi əhəmiyyəti yoxdur. Müxalifətin indiyənə qədər vahid komanda şəklində ərsəyə gələ bilməməsi ölkədəki mövcud iqtisadi siyasi reallıqlarla və sönük maliyyə resurslarının olması ilə bağlıdır. Müxalifətin media resurslarına çıxış imkanları kifayət qədər məhduddur. Müxalifətin inhisarında ayrı-ayrı televiziya kanalları yoxdur. Halbuki, qardaş Türkiyədə Cumhuriyyət Xalq Partiyasının (CHP) belə imkanları var. Hakimiyyətlə müqayisədə məhdud informasiya imkanlarına, məhdud maliyyə resurslarına malik olan müxalifətin təbii ki, hakimiyyətlə rəqabətdə məğlubiyyətə uğrayacağı heç bir şübhə doğurmur".

Müxalifətin daha bir probleminin ölkənin problemləri ilə bağlı alternativ proqramlarının olmaması ilə əlaqələndirən Elşən Manafov bunun seçicilərin diqqətindən yayınmadığını bildirdi:

"Müxalifət iqtidarla mübarizədə illərdən bəri sınaqdan keçmiş sözün əsl mənasında mitinq taktikasından başqa heç bir taktikadan istifadə edə bilmir. Müxalifətin taktiki sahədə yanlış addımları onun uzun müddətli mübarizə üçün düşünülmüş strateji layihələrinin olmamasından xəbər verir. Bu yol xəritəsinin, strateji layihələrin olmaması ölkədəki mövcud sosial, siyasi, iqtisadi prosesləri izləyən etiraz elekteratının da diqqətindən yayınmır. Müxalifət ölkənin bank maliyyə sisteminin sağlamlaşdırılması üçün hansı proqrama malikdir, bunu ortaya qoymur. Halbuki ölkə prezidenti çıxışında dəfələrlə qeyd edib ki, ölkədə mövcud problemlərin həlli üçün məhz ölkənin maliyyə, bank sistemi sahəsində addımlar atılmalıdır. Prezidentin özünün mövcud problemləri tənqid etdiyi halda müxalifət bu problemlərin üzərinə getmir. Mövcud problemlərin həlli yollarını göstərə bilmir. Bu da ondan irəli gəlir ki, bu problemlərin həlli üçün müxalifətin ciddi kadr potensialı yoxdur. Kadr potensialının olmaması isə maliyyə resurslarının məhdudluğu, müxalifətin ciddi media resurslarının olmaması, KİV-lərə çıxmaq imkanlarının məhdud olmasından, hakimiyyətlə mübarizədə xalqa deyil, Azərbaycanda marağı olan beynəlxalq güclərə istinad etməsindən irəli gəlir. Təbii ki, belə bir müxalifətə xalq tərəfindən ciddi dəstək olmayacaqdır".

Səxavət Məmməd
Ölkə.Az

ŞƏRH YAZ
0

DİN-in Əlahiddə Çevik Polis Alayında ulu öndər anıldı

DİN-in Əlahiddə Çevik Polis Alayında ulu öndər anıldı
19:05
09.12.2017
6386
Siyasət
A
DİN-in Əlahiddə Çevik Polis Alayında müstəqil Azərbaycan dövlətinin qurucusu və memarı, görkəmli dövlət xadimi Heydər Əliyevin anım günü ilə əlaqədar tədbir keçirilib.

DİN-in Mətbuat xidmətindən "Ölkə.Az"- a verilən məlumata görə, tədbirin əvvəlində ümummilli lider Heydər Əliyevin xatirəsi bir dəqiqəlik sükutla yad edilib.

Alay komandiri, polis general-mayoru Zaur Abdullayev ulu öndərin müasir Azərbaycan dövlətinin qurulmasında müstəsna xidmətindən söz açaraq bildirib ki, ümummilli lider xalqın ardıcıl çağırışları və iradəsi ilə böyük siyasətə Azərbaycanın yenidən bərpa olunan müstəqilliyinin böyük təhlükə ilə üz-üzə qaldığı dönəmdə qayıtdı: "Dahi rəhbərin siyasi zəkasının və sarsılmaz qətiyyətinin sayəsində ölkəmiz parçalanmaqdan, xaosdan, vətəndaş müharibəsindən qurtuldu. Müasir Azərbaycan dövlətinin memarı olan ulu öndərimiz dövlətimizin iqtisadiyyatını dirçəltdi, ölkənin gələcək yüksəlişini təmin edəcək neft müqavilələrinin bağlanmasına nail oldu. Eyni zamanda Azərbaycanın balanslaşdırılmış xarici siyasətin təməlini qurdu, beynəlxalq nüfuzunun artmasını təmin etdi. Müasir, güclü, tərəqqi edən Azərbaycan dövləti Heydər Əliyevin ömrünün mənası, onun şah əsəridir".

Bakı Dövlət Universitetinin Tarix fakültəsinin professoru Nuru Məmmədov deyib ki, ümummilli lider Heydər Əliyevin mənalı ömrü xalqa xidmət, Vətənə məhəbbət nümunəsidir: "Xalqımızın ulu öndəri Azərbaycan dövlətçiliyinin siyasi-ideoloji əsaslarını və milli inkişaf konsepsiyasını yaradıb. Bu konsepsiya əsasında xalqımız öz həqiqi dövlət müstəqilliyinə qovuşub. Ümummilli liderimizin hələ SSRİ-nin mövcud olduğu dövrdə cəsarətlə və uzaqgörənliklə həyata keçirdiyi bu tədbirlər Azərbaycanın gələcək müstəqilliyinin və xalqımızın firavan həyatının möhkəm təməlini yaradıb. Ötən əsrin 90-cı illərində xalqımızın böyük oğlunun siyasi arenadan uzaqlaşması ilə Azərbaycanın ağır və çətinliklərlə dolu dövrü başlayıb". O qeyd edib ki, 1993-cü il iyunun 15-də ümummilli liderimizin respublikamızda ali hakimiyyətə qayıdışı müstəqil Azərbaycanın dövlətçilik tarixinin şanlı səhifəsini təşkil edir. Bu qayıdışla xalqımız müstəqil dövlətçiliyini itirmək təhlükəsindən xilas olub. Professor diqqətə çatdırıb ki, ölkəmizin tarixinə sabitlik və inkişaf dövrü kimi daxil olan 1993-2003-cü illər ərzində Heydər Əliyev tərəfindən müstəqil dövlətçiliyimizin ideoloji əsasları yaradılıb, Azərbaycançılıq məfkurəsi formalaşdırılıb, bazar iqtisadiyyatı prinsiplərinə əsaslanan yeni iqtisadi münasibətlər bərqərar olub. Azərbaycan Respublikasının yeni Konstitusiyasının qəbul edilməklə hüquqi dövlət quruculuğu yolunda inamlı addımlar atılıb, demokratik və ümumbəşəri dəyərlərə əsaslanan vətəndaş cəmiyyətinin qurulması istiqamətində böyük işlər görülüb.

Qeyd olunub ki, görkəmli dövlət xadiminin müəyyənləşdirdiyi inkişaf xətti hazırda ölkə başçısı İlham Əliyev tərəfindən uğurla davam etdirilir. Azərbaycan öz güclü iqtisadiyyatı və daha da artan beynəlxalq nüfuzu ilə dünya dövlətləri sırasında önəmli yer tutur.

Mərasimin sonunda ulu öndərimizin həyat və siyasi fəaliyyətinə həsr olunmuş sənədli film nümayiş olunub. 

ŞƏRH YAZ
0

Naqif Həmzəyevə yenidən yüksək etimad

Naqif Həmzəyevə yenidən yüksək etimad
18:23
09.12.2017
3513
Siyasət
A
Bu gün Yeni Azərbaycan Partiyası Gəncə şəhər təşkilatının IX konfransı keçirilib.

“Ölkə.Az" xəbər verir ki, konfransda Baş Nazirin müavini və YAP-ın İcra katibi Əli Əhmədov, Gəncə şəhər İcra Hakimiyyətinin başçısı Elmar Vəliyev,  Milli Məclisin deputatlarından Eldar İbrahimov, Musa Quliyev, Xanlar Fətiyev, Pərvin Kərimzadə və Naqif Həmzəyev iştirak ediblər.

Konfransda YAP Gəncə şəhər təşkilatının sədri, deputat Naqif Həmzəyev geniş hesabat məruzəsi ilə çıxış edərək, ötən müddətdə görülmüş işlər barədə məlumat verib. O deyib ki, Təşkilat siyasi və ideoloji cəhətdən daha da mətinləşərək yeni iş təcrübəsi ilə zənginləşib. Təşkilatın üzvlərinin sayını 40 minə çatıb.

Sonra YAP Gəncə şəhər təşkilatının nəzarət-təftiş qrupunun hesabatı dinlənilib.

Məruzə ətrafında çıxış edən konfrans nümayəndələri təşkilatın hesabat dövrü ərzindəki fəaliyyətini qənaətbəxş qiymətləndiriblər.

Çıxışlardan sonra konfransın qətnaməsi qəbul olunub, təşkilati məsələlər müzakirə edilib. Naqif Həmzəyev yenidən YAP Gəncə şəhər təşkilatının sədri seçilib. Konfransda 93 nəfərdən ibarət şəhər təşkilatının şurası, 27 nəfərdən ibarət idarə heyəti və nəzarət təftiş qrupu seçilib.

YAP Gəncə şəhər təşkilatının 40 mininci partiya üzvünə təntənəli şəkildə partiya vəsiqəsi, təşkilatın bir sıra fəal üzvlərinə Fəxri fərman təqdim edilib.

Sonda konfrans iştirakçıları adından Azərbaycan Prezidenti, YAP sədri İlham Əliyevə müraciət qəbul olunub.

ŞƏRH YAZ
0
BAĞLA