Myanmalı miqrantları daşıyan furqon qəzaya uğradı
Taylandda dəhşətli avtomobil qəzası baş verib.
"Ölkə.Az" xəbər verir ki, myanmalı miqrantları daşıyan furqon Taylandda yük maşını ilə toqquşub. İnsident nəticəsində furqon alışıb. Yol qəzası 14 nəfərin ölümünə səbəb olub.
Qəza səhər saatlarında Kançanaburi əyalətində baş verib. Hadisə yerinə gələn polis əməkdaşları düyü daşıyan yük maşınından 10 metr aralıda yanmış furqon aşkar edib.
Yük maşının sürücüsü bildirir ki, furqon arxadan onun maşınına çırpılıb. Sonra isə alovlanıb.
Polis bildirir ki, qəza nəticəsində 13 myanmalı miqrant və furqonun sürücüsü həlak olub.
Hikmət Həsənov
Ölkə.Az