Myanmardan qaçan arakanlı müsəlmanların sayı 370 minə çatdı
BMT və Beynəlxalq Miqrasiya Təşkilatı Banqladeşə sığınan müsəlmanların sayını yeniləyib.
"Ölkə.Az" xəbər verir ki, dünən 313 min olan rəqəmə bu gün də sərhədi keçən 57 min mülki vətəndaş əlavə edilib.
Myanmarda ordu və adi vətəndaşların şiddətindən qaçan arakanlı müsəlmanlar sərhədi keçib Banqladeşə sığınırlar. BMT və Beynəlxalq Miqrasiya təşkilatı bildirir ki, 25 avqustdan bu yana Banqladeşə sığınanların sayı 370 minə çatıb.
Polis idarələrinə edilən basqınları bəhanə edən Myanmar əsgərləri bu günə qədər yüzlərlə arakanlı müsəlmanı qətlə yetirib.
İngiltərə və İsveçin tələbi ilə BMT Təhlükəsizlik Şurası sabah Arakan qətliamlarına görə toplantı keçirəcək.
Hikmət Həsənov
Ölkə.Az
