Nabranda suda boğulan 24 yaşlı qızın cəsədi tapıldı

Nabranda suda boğulan 24 yaşlı qızın cəsədi tapıldı
14:53
13.08.2017
461
Hadisə
A
Dənizdə çimərkən batan şəxsin cəsədi tapılıb.

Ölkə.Az FHN-ə istinadən xəbər verir ki, 1993-cü il təvəllüdlü Əliyeva Oksana Xaçmaz rayonu, Nabran kəndində dənizdə çimərkən boğulub.

Dalğıc-xilasedicilərin axtarışları nəticəsində 24 yaşlı qızın cəsədi tapılaraq sudan çıxarılıb və aidiyyəti üzrə təhvil verilib.

ŞƏRH YAZ
0

Bərdədə avtobus minik avtomobili ilə toqquşdu — Ölən var

Bərdədə avtobus minik avtomobili ilə toqquşdu
14:10
Bu gün
227
Hadisə
A
Bərdədə ölümlə nəticələnən yol nəqliyyat hadisəsi baş verib.

"Ölkə.Az"ın APA-ya istinadən verdiyi xəbərinə görə, hadisə rayonun Alaçadırlı kəndində baş verib. Kənd sakini,  1946-ci il təvəllüdlü Heydərov Maarif Fərəc oğlunun idarə etdiyi  “VAZ” 2107 markalı, 09 BH 987 dövlət nömrə nişanlı avtomobil qarşıdan gələn “Mercedes” markalı  sərnişin avtobusu ilə toqquşub. Zərbənin təsirindən "VAZ" markalı avtomobil yol kənarındakı elektrik xəttinin beton dirəyinə çırpılıb. Avtomobilin sürücüsü M.Heydərov hadisə yerində ölüb.

Faktla bağlı araşdırma aparılır.

ŞƏRH YAZ
0

Ögey oğlunu öldürən ata tutuldu — Rəsmi açıqlama / VİDEO

Ögey oğlunu öldürən ata tutuldu
12:52
Bu gün
381
Hadisə
A
Daxili İşlər Nazirliyi (DİN) Kürdəmirdə uşağın ögey atası tərəfindən öldürülməsi hadisəsi barədə rəsmi məlumat yayıb.

DİN-in Mətbuat xidmətindən “Ölkə.Az”a bildirilib ki, Kürdəmir rayonunun Pirili kəndi ərazisindəki fermaların birində iyulun 16-da 5 yaşlı Murad Bayramovun atdan yıxılması, aldığı xəsarət nəticəsində iyulun 21-də öldüyü barədə Rayon Polis Şöbəsinə məlumat daxil olub.

Polis və prokurorluq orqanlarının əməkdaşları tərəfindən həyata keçirilmiş istintaq və əməliyyat tədbirləri nəticəsində uşağın ögey atası, fermada yaşayan və işləyən, əvvəllər məhkum olunmuş Abdulla Abdullayev tərəfindən iyulun 16-da ağac parçası ilə döyülməsi və aldığı xəsarətlərdən ölməsi müəyyən edilib.

Görülmüş tədbirlərlə A.Abdullayev tutulub.

Faktla əlaqədar Cinayət Məcəlləsinin 126.3-cü (Qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanılıb. 

ŞƏRH YAZ
0
BAĞLA