"Abır-həya gözəl şeydir" — Nadir Qafarzadə

17:38
09.10.2019
11802
Maqazin
A
Müğənni Nadir Qafarzadə "Maşın şou"nun iştirakçılarını tənqid edib. Sənətçi bildirib ki, şounun əvvəlki buraxılışlarındakı iştirakçılar etik çərçivələri daha çox qoruyurdular:

""Maşın şou"nun əvvəlki iştirakçıları bilirdilər ki, həyat  on səkkiz gündən ibarət deyil. Şoudan çıxandan sonra biz yenə də üz-üzə gələcəyik. Ona görə də etik qaydaları gözləyirdik. İndi "Maşın şou"ya baxmıram, vaxtım olmur, iş dalınca qaçıram. Mənim bu dəqiqə iş dalınca qaçan, problem həll edən, ailəm üçün çalışan vaxtımdır. Düzdür, "Maşın şou" axşam saatlarında efirə gedir, lakin mən pul qazanmalıyam. Mənim üçün pul qazanmağın gecəsi, gündüzü yoxdur. Mən bütün fəsillərdə yaşayan qarışqayam. Düşünürəm ki, əvvəllər şounun iştirakçıları daha tanınan, maraqlı simalar olurdu və etikanı gözləyirdilər. İndi zamanın tələbinə görə simalar da dəyişib. Biz hamımız sənət dostlarıyıq. Bir maşından ötrü etikadan kənara çıxmaq düzgün deyil. O maşın ola da bilər, olmaya da. Abır-həya gözəl şeydir".

Qafarzadə bildirib ki, bəzən ölkədən getmək haqqında düşünür:

"Düzdür son zamanlarda abır-həya çoxlarına aid deyil. Elə buna görə də son zamanlarda hər şeydən qaçıram, özümə qapanıram. Çalışıram belə şeyləri görməyim. Qaçmaq istəsəm də, düşünürəm öz vətənimdən hara qaçım? Ölkəni kimə qoyub gedək? Bu abırsızlara, həyasızlaramı qoyub gedək? Ona görə də ən yaxşısı evinə, ailənə qapanıb onları görməməkdir''. 

Müğənni həmçinin ölkədə olan hadisələri düzəltmək üçün dövlət səviyyəsində qurumun olmasını arzuladığını bildirib:

"Əgər müasirlik abırsızlıqla, həyasızlıqla ölçülürsə, tüpürüm o müasirliyə. Mən elə keçmişdə qalsam, yaxşıdır. Lakin təəssüf edirəm ki, çoxları məni yanlış anlayır. Axı mən heç kimə məsləhət vermirəm. Mən sadəcə, bu hadisələri müzakirə edirəm. Mənim kiməsə yol göstərməyə, ağıl öyrətməyə heç həvəsim, enerjim də yoxdur. Əslində, bu sözləri valideynlər övladlarına deməlidirlər. Övlad uğursuzdursa, bu valideynin günahıdır. Bəzən deyirlər ki, valideyn nə etsin axı, övlad naxələf çıxdı. Mənim oğlanlarımın birinin 24 yaşı var, lakin bu günə kimi onlara anası ilə mən nəzarət edirik. Biz övladlarımızı elə böyütməliyik ki, sabah başımıza, dizimizə döyməyək. Qızlarımızın pis yola düşməsinin səbəbkarı analar olur". 

Qeyd edək ki, əməkdar artist sonda onsuzda fikirlərinin qınanacağını, ailə tərbiyəsi görməyən insanların təhqir edəcəyini də vurğulayıb. 

Nərmin Nuru

Ölkə.Az

ŞƏRH YAZ
0

''Sizə qoyulan maya kimə qoyulsaydı kukla olardı'' — Aktrisanı tənqid etdilər

''Sizə qoyulan maya kimə qoyulsaydı kukla olardı''
13:35
Bu gün
3499
Maqazin
A
Aktrisa Ülviyyə Xəlilbəyli ''İnstagram'' hesabında makiyajsız görüntüsünü yayımlayıb.

''Ölkə.Az'' xəbər verir ki, aktrisa videosuna ''Şou aləmində barmaqla sayılacaq qədər xanım var ki, makyajsız görünməkdən çəkinmir. Biri də özüməm. Bəyənsəniz də, bəyənməsəniz də buyam" sözlərini yazıb.

Belə ki, bu sözlərdən qıcıqlanan izləyicilər Ülviyyəni tənqid ediblər. İzləyiciləri ona ''Yazıq burunlar. Allah bilsəydi ki, burnu kəsib ''küftəburun'' edəcəklər, heç onu yaratmazdı. Düz deyirsiz, sizə qoyulan maya kimə qoyulsaydı, kukla olardı" ifadələrini yazıblar.

Maraqlısı odur ki, Ulviyyə tənqidlərə təmkinlə və xoş sözlərlə cavab verib. 

Ölkə.Az

ŞƏRH YAZ
0

"Silah çəkib, "Oxu!" əmrini verdilər" — Brilliant Dadaşova - VİDEO

13:10
Bu gün
2855
Maqazin
A
Xalq artisti Brilliant Dadaşova Azərbaycan SSRİ-nin tərkibindən çıxandan sonra AXC-nin hakimiyyəti dövründə ölkədə yaşanan xaosdan, özbaşınalıqdan söz açıb.

"Ölkə.Az" baku.ws-ə istinadən xəbər verir ki, Dadaşova Xəzər TV-nin "Hər şey daxil" verilişinin ulu öndər Heydər Əliyevə həsr edilmiş buraxılışında öz xatirələrini danışıb.

O, H.Əliyev hakimiyyətə gələnədək ölkədəki hərci-mərclik və təhlükəli dönəmdən danışarkən şahidi olduğu hadisələri misal gətirib:

"Vəziyyət o həddə çatmışdı ki, o vaxtın ən bahalı "Moskva" və "İnturist" otelləri kimi bir yerdə keçirilən toylarda dava düşürdü, masalar dağılırdı, insanlar bir-birinə silah çəkirdi. Gözümün qabağında hamının tanıdığı müğənniyə silah çəkib, "Oxu!" əmrini verdilər.

Mənim gözümün qabağında bəyin avtomobilinin yük yerindən 50 silah çıxdı. Adam nə polis idi, nə də hərbçi. Mənim kiimi bir insan çantamda silah gəzdirirdim. Bloka girəndə silahı çəkib hazır tuturdum. O dönəmlər çox təhlükəli idi. Hər addımbaşı oğurluq, quldurluq, adam öldürülürdü. Xalqın ən sevincli günü toy idi, elə bir gündə belə adam öldürürdülər".

ŞƏRH YAZ
0
BAĞLA