"Abır-həya gözəl şeydir" — Nadir Qafarzadə

17:38
09.10.2019
11753
Maqazin
A
Müğənni Nadir Qafarzadə "Maşın şou"nun iştirakçılarını tənqid edib. Sənətçi bildirib ki, şounun əvvəlki buraxılışlarındakı iştirakçılar etik çərçivələri daha çox qoruyurdular:

""Maşın şou"nun əvvəlki iştirakçıları bilirdilər ki, həyat  on səkkiz gündən ibarət deyil. Şoudan çıxandan sonra biz yenə də üz-üzə gələcəyik. Ona görə də etik qaydaları gözləyirdik. İndi "Maşın şou"ya baxmıram, vaxtım olmur, iş dalınca qaçıram. Mənim bu dəqiqə iş dalınca qaçan, problem həll edən, ailəm üçün çalışan vaxtımdır. Düzdür, "Maşın şou" axşam saatlarında efirə gedir, lakin mən pul qazanmalıyam. Mənim üçün pul qazanmağın gecəsi, gündüzü yoxdur. Mən bütün fəsillərdə yaşayan qarışqayam. Düşünürəm ki, əvvəllər şounun iştirakçıları daha tanınan, maraqlı simalar olurdu və etikanı gözləyirdilər. İndi zamanın tələbinə görə simalar da dəyişib. Biz hamımız sənət dostlarıyıq. Bir maşından ötrü etikadan kənara çıxmaq düzgün deyil. O maşın ola da bilər, olmaya da. Abır-həya gözəl şeydir".

Qafarzadə bildirib ki, bəzən ölkədən getmək haqqında düşünür:

"Düzdür son zamanlarda abır-həya çoxlarına aid deyil. Elə buna görə də son zamanlarda hər şeydən qaçıram, özümə qapanıram. Çalışıram belə şeyləri görməyim. Qaçmaq istəsəm də, düşünürəm öz vətənimdən hara qaçım? Ölkəni kimə qoyub gedək? Bu abırsızlara, həyasızlaramı qoyub gedək? Ona görə də ən yaxşısı evinə, ailənə qapanıb onları görməməkdir''. 

Müğənni həmçinin ölkədə olan hadisələri düzəltmək üçün dövlət səviyyəsində qurumun olmasını arzuladığını bildirib:

"Əgər müasirlik abırsızlıqla, həyasızlıqla ölçülürsə, tüpürüm o müasirliyə. Mən elə keçmişdə qalsam, yaxşıdır. Lakin təəssüf edirəm ki, çoxları məni yanlış anlayır. Axı mən heç kimə məsləhət vermirəm. Mən sadəcə, bu hadisələri müzakirə edirəm. Mənim kiməsə yol göstərməyə, ağıl öyrətməyə heç həvəsim, enerjim də yoxdur. Əslində, bu sözləri valideynlər övladlarına deməlidirlər. Övlad uğursuzdursa, bu valideynin günahıdır. Bəzən deyirlər ki, valideyn nə etsin axı, övlad naxələf çıxdı. Mənim oğlanlarımın birinin 24 yaşı var, lakin bu günə kimi onlara anası ilə mən nəzarət edirik. Biz övladlarımızı elə böyütməliyik ki, sabah başımıza, dizimizə döyməyək. Qızlarımızın pis yola düşməsinin səbəbkarı analar olur". 

Qeyd edək ki, əməkdar artist sonda onsuzda fikirlərinin qınanacağını, ailə tərbiyəsi görməyən insanların təhqir edəcəyini də vurğulayıb. 

Nərmin Nuru

Ölkə.Az

ŞƏRH YAZ
0

Türk qızı ilə ailəli olan müğənni YENİDƏN EVLƏNİR — FOTO

Türk qızı ilə ailəli olan müğənni YENİDƏN EVLƏNİR
14:03
Bu gün
536
Maqazin
A
45 yaşlı Robbi Uilyams yenidən toy edəcəyi bardə məlumat verib.

“Ölkə.Az” xəbər verir ki, müğənni həyat yoldaşı, 40 yaşlı Aida Fildsdan toylarının il dönümü münasibəti ilə yenidən ziyafə təşkil edəcəklər.  

10 ildir Aida ilə evli olan Robbi, hələ də onun aşiq olduğunu və ilk evliliyini sevinclə xatırladığını açıqlayıb. “Toy günü "dünyanın ən gözəl qızı"  Aida idi”,- deyə o, qeyd edib.

Uilyam ikinci toyunu  İngiltərədə doğma şəhərində qeyd edəcək.

Müğənni yeri gəlmişkən, özü toyda bir damcı içməyəcəyini də söyləyib. Fakt budur ki, bir vaxtlar ifaçı alkoqol və narkotik maddə aludəçisi olub. Müalicədən sonra düz 19 ildir ki, o sağlam həyat keçirir.

"Bu çox gözəldir, mən belə yaşamalıyam, çünki mənim gözəl həyat yoldaşım və üç övladım var!" ,– deyə müğənni qeyd edib.

Ölkə.Az

ŞƏRH YAZ
0

Xatirə düşmənlərindən YAZDI — FOTO

Xatirə düşmənlərindən YAZDI
13:23
Bu gün
1409
Maqazin
A
Müğənni Xatirə İslam yeni paylaşımı ilə marağa səbəb olub.

 “Ölkə.Az” xəbər verir ki, ifaçının fotosundan çox, ona yazdığı şərh diqqət mərkəzində olub.

Belə ki, o, paylaşımına “Mənə dost olana canımı verməkdən, düşmən olana zülm etməkdən zövq alıram”,- sözlərini qeyd edib.

Sözügedən fotonu təqdim edirik: 

ŞƏRH YAZ
0
BAĞLA