Naməlum şəxs birini ürəyindən, digərini isə bud nahiyyəsindən vuraraq qaçdı
Hadisə Nəsimi rayonu, Alı Mustafayev küçəsi 10-nun qarşısında baş verib.
“Ölkə.Az”ın məlumatına görə, naməlum şəxs 1983-cü il təvəllüdlü, Cəlilabad rayon sakini Bəhruz Babayevə döş qəfəsindən, 2001-ci Fəxri Heybətova bud nahiyyəsindən bıçaq xəsarəti yetirərək ərazidən qaçıb. Yaralılar təcili olaraq Kliniki Tibbi Mərkəzə çatdırılıblar. Reanimasiya şöbəsinə yerləşdirilən B. Babayevin vəziyyəti ağır kimi qiymətləndirilir, F. Heybətovun vəziyyəti isə normaldır.
Faktla bağlı Nəsimi RPİ-nin İstintaq şöbəsində cinayət məcəlləsinin qəsdən sağlamlığa ağır xəsarət yetirmə maddəsiylə cinayət işi başlanıb. Hazırda 20-ci Polis Bölməsi əməkdaşları tərəfindən hadisəni törədən şəxsin müəyyənləşdirilməsi istiqamətində əməliyyat-axtarış tədbirlərinə başlanılıb.
