“Nar”-dan Bayraq Günü ilə əlaqədar abunəçilərinə hədiyyə

“Nar”-dan Bayraq Günü ilə əlaqədar abunəçilərinə hədiyyə
18:07
08.11.2018
1941
Ölkə
A

Hər zaman milli dəyərlərə diqqəti ilə seçilən “Nar” Dövlət Bayrağımızın yaranmasının  100-cü ildönümü ilə əlaqədar olaraq, sosial mediada müsabiqə elan edir. Müsabiqədə iştirak edən bütün abunəçilərə mobil operator tərəfindən 100 şəbəkədaxili dəqiqə hədiyyə ediləcək. İştirak etmək üçün istifadəçilər “Nar”-ın “Facebook” və “İnstagram” səhifələrində #bayrağım və #ilovenar haştaqı ilə şəkil paylaşmalıdır. Şəkil hamı üçün açıq olmalıdır. 

Müsabiqə noyabrın 8-i saat 17:00-da başlayır və noyabrın 11-i saat 18:00-da yekunlaşacaq. Nəticələr noyabrın 12-də elan ediləcək. Qazanılan bonuslar “Nar” nömrələrinə 12-15 noyabr tarixlərində yüklənəcək. Bonuslar nömrəyə yüklənən andan etibarən bir həftə ərzində aktiv olacaq. 

Əlavə olaraq, müsabiqədə iştirak edənlər arasında təsadüfi seçim nəticəsində 20 nəfərə “Nar” tərəfindən Bayraq Günü üçün hazırlanmış xüsusi hədiyyə də veriləcək. 

“Nar” kampaniyaları, məhsul, xidmət və tarifləri haqqında məlumatı nar.az internet səhifəsindən öyrənmək olar.  

“Azerfon” şirkəti (“Nar” ticarət nişanı) 21 mart 2007-ci ildə fəaliyyətə başlayaraq qısa bir müddətdə Azərbaycanda telekommunikasiya və mobil rabitə sahəsinin aparıcı şirkətlərindən birinə çevrilib. “Nar” ticarət nişanı Azərbaycanın zəngin mədəni və tarixi irsinin çağdaş həyatla bağlılığının rəmzi olaraq seçilib. “Nar” ölkədə ilk dəfə olaraq 3G texnologiyasını təqdim edib və geniş 4G şəbəkəsini abunəçilərinin istifadəsinə verib. “Nar” şəbəkəsi hazırda ölkə ərazisinin 93%-ni əhatə edir və 7000-dən artıq baza stansiyası ilə 2,1 milyondan çox abunəçiyə yüksəkkeyfiyyətli xidmət göstərir.

ŞƏRH YAZ
0

Azərbaycandan Meksikaya gedən turistlərin sayı artıb

Azərbaycandan Meksikaya gedən turistlərin sayı artıb
20:30
16.06.2019
4309
Ölkə
A
Azərbaycandan Meksikaya üz tutan turistlərin sayı 20 faiz artıb.

“Ölkə.Az” xəbər verir ki, bunu Meksikanın Azərbaycandakı səfiri Rodriqo Labardini Qəbələ rayonuna səfəri çərçivəsində Rayon İcra Hakimiyyətinin başçısı Səbuhi Abdullayev ilə görüşü zamanı deyib.

İcra başçısı Meksika səfirini qəbul etməkdən məmnunluğunu ifadə edib. Rayon haqqında ümumi məlumat, onun iqtisadi və turistik potensialından xəbər verib. S.Abdullayev həmçinin qeyd edib ki, Qəbələ yerli və beynəlxalq tədbirlərin keçirməsi ilə daha da tanınıb.

Öz növbəsində, səfir R.Labardini Qəbələyə bir neçə dəfə müxtəlif məqsədlərlə gəldiyini vurğulayıb. Bu xüsusda, səfir qeyd edib ki, buraya rəsmi səfərlər çərçivəsində, eyni zamanda, bu rayonda baş tutmuş mədəni tədbirlərdə Səfirliyin iştiraki ilə əlaqədar səfər edib. Səfir Meksikalı rəssam Marqarita Moralesin Qəbələdə keçirdiyi sərgisinin uğurunu bir daha yada salıb.

Bundan əlavə, tərəflər əlaqələrin genişlənməsi perspektivlərini nəzərdən keçiriblər. Qəbələnin turistik imkanlarını nəzərə alan səfir R.Labardini, Meksika ilə Azərbaycan arasında turizmin dinamik artımı barədə məlumat verib. Səfir qeyd edib ki, son iki il ərzində Azərbaycandan Meksikaya üz tutan turistlərin sayı 20 faiz artıb. Diplomat ikitərəfli münasibətlər üçün böyük imkanlar açan sahə olan turizmin böyük potensialından söz açıb.

Görüşdə, həmçinin, ölkənin regionlarında Meksika mədəniyyətini təşviq etmək məqsədilə, Səfirliyin bir sıra mədəni tədbirlərinin Qəbələdə mümkün həyata keçirilməsi müzakirə olunub.

Ölkə.Az

ŞƏRH YAZ
0

Fransada ali təhsil aldı — Bakıya qayıdıb QATİL OLDU

Fransada ali təhsil aldı
16:48
16.06.2019
4494
Ölkə
A
2 il əvvəl Bakıda qətl törətmiş Zakir Məmmədov Ali Məhkəməyə müracit edib.

"Ölkə.Az" bildirir ki, Cinayət Məcəlləsinin 120.2.2-ci, yəni xuliqanlıq niyyəti ilə adam öldürmə maddəsi ilə ittiham edilərək azadlıqdan məhrum edilən 1984-cü il təvəllüdlü Məmmədov Zakir Elxan oğlu Ali Məhkəmədən işə yenidən baxılmasını və barəsindəki hökmün dəyişdirilməsini xahiş edib. İş hakim Şahin Yusifovun icraatına verilib. 

Qeyd edək ki, 2017-ci ilin fevralında 64 yaşlı Firudin Hüseynovu qətlə yetirən 1984-cü il təvəllüdlü Zakir Məmmədov Fransada ali təhsil alıb. Fevralın 5-də 64 yaşlı Firudin Hüseynovun meyiti Nərimanov rayonu F.Yusifov küçəsindəki mənzilində tapılıb. Məlum olub ki, Firudin Hüseynov həmin ünvanda tanışı Zakir Məmmədovla mübahisə edib. Mübahisə zamanı Zakir Məmmədov Firudin Hüseynovun baş nahiyəsindən küt alətlə vuraraq qətlə yetirib. Qətli törətməkdə təqsirli bilinən Z.Məmmədov həbs edilib.

İstintaq araşdırması zamanı Zakir Məmmədovum vətəndaşın etibarından sui istifadə edərək dələduzluq əməli törətməsi də müəyyən edilib. O, qətl hadisəsi törətməmişdən əvvəl dələduzluq etdiyi üçün axtarışda olub. (news24.az)

Ölkə.Az

ŞƏRH YAZ
0
BAĞLA