“Nar”-ın da dəstəyilə ADA Universitetində uğurlu innovativ layihələr seçilib

“Nar”-ın da dəstəyilə ADA Universitetində uğurlu innovativ layihələr seçilib
16:04
24.05.2019
926
Ölkə
A

Ölkənin ən gənc mobil operatoru olan “Nar”-ın da dəstəklədiyi “ADA Innovation Awards 2019” mükafatının final mərhələsinin qalibləri müəyyən edilib. Belə ki, əsas məqsədi tələbələrə innovativ ideyalarını irəli sürməklə öz startapını  başlamaq və real biznes qurmasına şərait yaratmaq olan müsabiqədə 1-ci yeri “Who is around”, 2-ci yeri “SafeSound”, 3-cü yeri isə “Oracins” layihələrini irəli sürən tələbələr qazanıb. Qalib layihələrin müəllifləri müxtəlif pul mükafatları ilə təltif edilib. Eyni zamanda 2019-2020-ci tədris ilində “ADA İnnovasiya Mərkəzinin sakinləri” titulunu qazanıblar. 

“Texnologiyaların sürətlə inkişaf etdiyi bir dövrdə gənc nəslin innovasiyalara açıq olduğundan və tətbiq imkanlarını anladıqlarından əmin olmalıyıq. Buna görə də, “Nar” olaraq növbəti dəfə gənclər üçün böyük əhəmiyyət kəsb edən bu tədbirin tərəfdaşlarından biri olmaqdan məmnuniyyət duyuruq. Gənclərin intellektual inkişafına dəstək vermək bizim KSM strategiyamızın əsas istiqamətlərindən biridir və onların innovativ ideyalarını hər zaman dəstəkləməyə hazırıq”, - deyə “ADA Innovation Awards 2019” qaliblərinin seçilməsi üçün münsif qismində dəvət edilən “Nar”-ın İctimaiyyətlə Əlaqələr departamentinin rəhbəri Əziz Axundov bildirib. O qeyd edib ki, təqdim edilən layihələri dəyərləndirərkən tələbələrin gündəlik problemlərə innovativ yanaşmasını görmək çox sevindiricidir. 
“Nar” və ADA Universiteti arasında əməkdaşlıq çərçivəsində nəzərdə tutulmuş layihələr arasında ADA Universiteti Fondu ilə əməkdaşlıq, ADA-nın tələbə və məzunları üçün karyera və staj imkanlarının təklif edilməsi, Universitetin ixtisasartırma proqramlarına “Nar” operatoru əməkdaşlarının cəlb edilməsi kimi tədbirlər də mövcuddur.

 “Nar”-ın KSM strategiyası haqqında ətraflı məlumatı nar.az internet səhifəsindən öyrənmək olar.

 “Azerfon” şirkəti (“Nar” ticarət nişanı) 21 mart 2007-ci ildə fəaliyyətə başlayaraq qısa bir müddətdə Azərbaycanda telekommunikasiya və mobil rabitə sahəsinin aparıcı şirkətlərindən birinə çevrilib. “Nar” ticarət nişanı Azərbaycanın zəngin mədəni və tarixi irsinin çağdaş həyatla bağlılığının rəmzi olaraq seçilib. “Nar” ölkədə ilk dəfə olaraq 3G texnologiyasını təqdim edib və geniş 4G şəbəkəsini abunəçilərinin istifadəsinə verib. Nar” şəbəkəsi hazırda ölkə ərazisinin 97%-ni (işğal olunmuş ərazilər istisna olmaqla) əhatə edir və 7500-dən artıq baza stansiyası ilə 2,2 milyondan çox abunəçiyə yüksəkkeyfiyyətli xidmət göstərir.

 

ŞƏRH YAZ
0

İki milyon manatlıq dərmanı ölkəyə sənədsiz gətirən dəstənin yeni anbarları aşkarlandı — FOTO + VİDEO

İki milyon manatlıq dərmanı ölkəyə sənədsiz gətirən dəstənin yeni anbarları aşkarlandı
23:00
Bu gün
668
Ölkə
A
Bir neçə gün bundan öncə Dövlət Gömrük Komitəsinin Əməliyyat-İstintaq Baş İdarəsinə daxil olmuş məlumat əsasında gömrükçülər Gürcüstandan külli miqdarda, 2 milyon manat dəyərində dərman preparatlarının yük-nəqliyyat vasitəsində sənədlərdə qeyd olunmamaqla qanunsuz yolla ölkəyə gətirilməsinin qarşısını almışdı.

"Ölkə.Az" oxu.az-a istinadla bildirir ki, həmin faktla bağlı cinayət işinin istintaqı zamanı Vergilər Nazirliyi və Dövlət Gömrük Komitəsinin əməkdaşları birgə Bakı şəhəri Yasamal rayon Məhkəməsinin qərarı ilə Binəqədi rayonu, Biləcəri - Baksol yolunda yerləşən anbarlara maddi məsul şəxslərin iştirakı ilə axtarış və götürmə istintaq hərəkəti həyata keçirib.

Bu zaman həmin ərazidə 4 anbarın olduğu, həmin anbarlarda Qədirov Xəqani Dilqəm oğlunun idarə etdiyi “DAF” markalı, 99RM810/60ZA811 və “DAF FTXF 105” markalı, 99RL810/99ZA811 dövlət nömrə nişanlı nəqliyyat vasitələrində aşkarlanan və eynilik təşkil edən dərman preparatları da daxil olmaqla, ümumilikdə 75 adda 4555 qutu tibbi avadanlıq və 33 adda 3508 qutu dərman preparatlarının (altı ədəd dolu yük avtomobili həcmində) anti-sanitariya şəraitində saxlanıldığı müəyyən edilib. Həmin tibbi avadanlıq və dərman preparatları normativ-texniki sənədlərin tələblərinə cavab verib-verməməsi, dövlət qeydiyyatından keçib-keçməməsi, yararlı olub-olmamasının müəyyən edilməsi üçün götürülüb.

Bundan əlavə, istintaq hərəkəti zamanı faktiki olaraq anbara daxil olan və çıxan, tibbi avadanlıq və dərman preparatlarının adlarının əks edildiyi, ciddi hesabat sənədləri olmayan, 3 ədəd “qara” mühasibatlıq kitabçaları və digər əlyazmalar aşkar edilərək götürülüb.

Faktla bağlı zəruri-istintaq hərəkətləri davam etdirilir.

 

ŞƏRH YAZ
0

Müddətli müqavilə ilə işləyən müəllimlərin nəzərinə — Dəyişiklik olacaq

Müddətli müqavilə ilə işləyən müəllimlərin nəzərinə
22:06
Bu gün
2577
Ölkə
A
"Müəllimlərin işə qəbulu müsabiqəsinin əsas turları zamanı ümumilikdə 3260 nəfər işə qəbul edilib. Hazırda ümumilikdə 65 şəhər və rayon üzrə həmin şəxslərdən nə qədərinin əmək fəaliyyətinə başladığı ilə bağlı dəqiqləşdirmə işləri aparılır”.

"Ölkə.Az" xəbər verir ki, bunu APA-ya açıqlamasında Təhsil Nazirliyinin İnsan resursları şöbəsinin müdir müavini Murad Camalzadə bildirib. Şöbə müdirinin müavini qeyd edib ki, ötən həftə müddətli müqavilə ilə müəllimlərin işə qəbulu üzrə elektron yerləşdirmə zamanı 2040 namizəd təhsil müəssisələrinə işə qəbul edilmək imkanı qazanıb. Həmin şəxslərdən təxminən 1440 nəfəri müvafiq qaydada qeydiyyatdan keçib:

"Qeydiyyatdan keçilməyən yerlər də növbəti dövrdə vakant yer kimi elan olunacaq. Növbəti turda respublika üzrə nə qədər yer qalıbsa, hər biri elan olunacaq. Elan olunacaq vakant yerlərin içərisində sosial məzuniyyət yerləri olan vakansiyalar da olacaq ki, bunlar əvvəlki dövrlərdə elan edilməyib. Sentyabrın 21-də 2019-2020-ci tədris ili üçün Təhsil Nazirliyi sisteminə daxil olan ümumi təhsil müəssisələrinə müddətli müqavilə ilə müəllimlərin işə qəbulu üzrə ikinci tur başlayacaq. Ümumilikdə müsabiqəyə 4000-dən çox vakant yer çıxarılacaq. Sentyabrın 23-də yerləşdirmələr aparılaraq bu barədə vətəndaşlara məlumat veriləcək. Daha sonra vakant yerlərə qəbul olan vətəndaşlar düşdükləri vakansiyada qeydiyyatdan keçə biləcəklər. Bu proses il boyu davam etdiriləcək. Ancaq sonrakı dövrlərdə bu, mərkəzləşmiş qaydada həyata keçirilməyəcək".  

M. Camalzadə deyib ki, artıq vakant yerlərə yerləşdirmə coğrafi bölgü prinsipi nəzərə alınmaqla ən yüksək bal ardıcıllığından başlayaraq təklif olunacaq: "İndi vakant yerlərin seçimi elektron qaydada həyata keçirilir. Elə bir dövr gəlir ki, biz artıq vakant yerlərin seçimini elektron formatda həyata keçirə bilmirik, çünki proses daha çevik olmalıdır. Eyni zamanda vakant yerlərin sayı o qədər çox olmur ki, elan edək. Ona görə də hər rayonda olan vakant yerlər sırf həmin rayonun sakinləri olan və ən yüksək bal toplayan namizədlərə təklif edilir. Onlar müəllimlərin işə qəbulu müsabiqəsində iştirak edib, heç bir vakant yer tutmayan namizədlərdir. Müddətsiz əsaslarla işə qəbul, eləcə də müddətli müqavilənin ilk turları zamanı coğrafi bölgü prinsipini həyata keçirə bilmirik. Çünki vətəndaş yaşadığı yerdə, yaxud başqa yerdə işləməyi özü seçir. Bununla bağlı dəyişiklik nəzərdə tutulmur”. 

Murad Camalzadə bildirib ki, hazırda bağlanan müddətli müqavilələr vakant yerdisə, tədris ilinin sonuna qədər bağlanılır. Sosial məzuniyyət yeridirsə, həmin məzuniyyətin özünün müddəti olur: "Elə yerlər var ki, 4 aylıqdır, bəzi yerlər isə daha uzunmüddətlidir. Amma istənilən halda əmək müqaviləsinin müddəti iyunun 14-nə qədər bağlanılır və həmin gün müqavilə ləğv edilir. Lakin ötən tədris ilindən başlayaraq daimiləşmə müsabiqəsi həyata keçirməyə başlamışıq. Yəni, müddətli əsaslarla işə qəbul edilən şəxslər üçün aprel-may aylarında mərkəzləşmiş qaydada daimiləşmə müsabiqəsi həyata keçirilir. Müddətli əsaslarla vakant yerdə işləyənlər həmin müsabiqəyə müraciət edir. Keçid balı varsa və işlədiyi yer vakantdırsa, bu zaman həmin şəxslərlə müsahibə təşkil olunur. Müsahibədən uğurla keçən şəxslər işlədikləri yerdə daimiləşirlər. Yəni, indi müddətli işə girən şəxslərin tədris ili ərzində daimi əsaslara işə keçmək imkanı mümkündür”. 

Ölkə.Az

ŞƏRH YAZ
0
BAĞLA