“Nar-ın eşitmə məhdudiyyətli insanlar üçün peşə təlimləri davam edir

“Nar-ın eşitmə məhdudiyyətli insanlar üçün peşə təlimləri davam edir
11:34
25.06.2019
623
Ölkə
A

Fiziki məhdudiyyətli insanların cəmiyyətə inteqrasiyasına hər zaman xüsusi diqqət ayıran “Nar”-ın dəstəyi ilə keçirilən “Təlim Məktəbi” layihəsinin ikinci mərhələsi başa çatıb. Belə ki, 15 nəfərlik qrup intensiv aşpazlıq təlimini başa vuraraq, bu peşənin incəliklərinə yiyələniblər. “Karlara Dəstək” İctimai Birliyi ilə birgə reallaşdırılan layihə  çərçivəsində artıq son təlim mərhələsinə də start verilib. Öncədən aparılan sorğu əsasında iştirakçıların marağına uyğun olaraq seçilən motorçu peşə təlimi öz işinə başlayıb. 

Motorçu təliminin özəlliyi ondan ibarətdir ki, təlimçi 3-cü qrup eşitmə məhdudiyyəti olan və artıq 12 ildir ki, avtomobil ustası çalışan Bəhrəm Hüseynovdur. Onun sözlərinə görə, avtomobilin təmiri zamanı bəzən səsləri duymağa ehtiyac olsa da, güclü intuisiya qabiliyyəti ilə işin öhdəsindən asanlıqla gəlmək mümkündür. 

Qeyd edək ki, “Nar” tərəfindən təşkil edilən “Təlim məktəbi” layihəsi eşitmə məhdudiyyəti olan insanların peşə sahibi olmaqla cəmiyyətə inteqrasiyasına dəstək məqsədilə keçirilir. Bu layihə eşitmə məhdudiyyətli insanların işlə təmin olunmasına da yardım edəcək.  Peşə təlimi ilkin olaraq paytaxt Bakıda start götürüb. Gələcəkdə isə bölgələrdə də “Təlim məktəbi” layihəsinin davam etdirilməsi planlaşdırılır. 

“Nar” 4 ilə yaxındır ki,  eşitmə məhdudiyyətli insanlar üçün bu cür  təlimlər təşkil etməklə, onların müxtəlif peşəyə yiyələnməsinə və iş bacarıqlarının artmasına töhfə verir. Fiziki məhdudiyyətli insanlara dəstək və onların cəmiyyətə inteqrasiyası “Nar”-ın korporativ sosial məsuliyyət (KSM) strategiyasının əsas istiqamətlərindən biridir. 
“Azerfon” şirkəti (“Nar” ticarət nişanı) 21 mart 2007-ci ildə fəaliyyətə başlayaraq qısa bir müddətdə Azərbaycanda telekommunikasiya və mobil rabitə sahəsinin aparıcı şirkətlərindən birinə çevrilib. “Nar” ticarət nişanı Azərbaycanın zəngin mədəni və tarixi irsinin çağdaş həyatla bağlılığının rəmzi olaraq seçilib. “Nar” ölkədə ilk dəfə olaraq 3G texnologiyasını təqdim edib və geniş 4G şəbəkəsini abunəçilərinin istifadəsinə verib. Nar” şəbəkəsi hazırda ölkə ərazisinin 97%-ni (işğal olunmuş ərazilər istisna olmaqla) əhatə edir və 7500-dən artıq baza stansiyası ilə 2,3 milyondan çox abunəçiyə yüksəkkeyfiyyətli xidmət göstərir.

ŞƏRH YAZ
0

Bakıda mənzildə naməlum meyit aşkarlanıb

Bakıda mənzildə naməlum meyit aşkarlanıb
00:44
Bu gün
2653
Ölkə
A

Fövqəladə Hallar Nazirliyinin "112" qaynar telefon xəttinə daxil olan məlumata əsasən, Bakı şəhərinin Səbail rayonunda 1 nəfər bağlı qapı arxasında köməksiz vəziyyətdə qalıb.

Nazirlikdən "Ölkə.Az"a verilən məlumata görə, hadisə yerinə cəlb olunan Xüsusi Riskli Xilasetmə Xidmətinin müvafiq xilasetmə qüvvələri mənzilin giriş qapısını açıb və orada aşkarlanan 1 nəfərin (şəxsiyyəti dəqiqləşdirilir) meyitini aidiyyəti üzrə təhvil veriblər.

ŞƏRH YAZ
0

Müəllimlərin hava-su kimi axtardıqları kurikulum vəsaiti çap olundu — BP ilə ortaq layihə

Müəllimlərin hava-su kimi axtardıqları kurikulum vəsaiti çap olundu
00:14
Bu gün
2346
Ölkə
A
"Ölkə.Az" bildirir ki, AzEdu.az təhsil portalının icraçısı, BP şirkətinin maliyyə dəstəyi ilə ərsəyə gələn “Kurikulum bələdçisi (izahlar və tətbiqlər) kitabının təqdimat mərasimi keçirilib.

BP şirkəti və tərəfdaşlarının maliyyə dəstəyi, Azərbaycan Respublikasının Təhsil İnstitutunun mütəxəssislərinin birgə iştirakı ilə hazırlanan “Kurikulum bələdçisi (izahlar və tətbiqlər) adlı vəsaiti təhsil nümayəndələrinin xüsusi marağına səbəb olub.

Azərbaycan Respublikasının Təhsil Nazirliyi tərəfindən yüksək qiymətləndirilən və nəşr edilərək dövlət ümumitəhsil müəssisələrinə paylanılması tövsiyyə edilən kitab BP şirkəti tərəfindən icrası AzEdu.az MMC-yə həvalə edilən layihənin tərkib hissəsidir.

BP və onun Azəri-Çıraq-Günəşli,Bakı-Tiblisi-Ceyhan, Şahdəniz və Cənubi Qafqaz Boru Kəməri layihələrindəki tərəfdaşları-“SOCAR”, "TPAO”, "PETRONAS”, "CHEVRON”, "LUKOİL”, "NİCO”, "Equinor”, "İNPEX”, “ExxonMobil”, "SGC”, "İTOCHU”, "ONGC”, "TOTAL”, “Eni”- bu gün məktəblərdə və digər təhsil müəssisələrində tədrisin keyfiyyətinin artırılmasına dəstək olmaq məqsədilə müəllimlər üçün yuxarı siniflərin kurikulum metodikasına dair bələdçi kitabın və terminlər lüğətinin təqdimatı keçirilib.

Layihə çərçivəsində 500 kitab və 3000 lüğət dərc edilib və onlar müəllimlərə və təhsil müəssisələrinə təqdim ediləcək.Habelə, məktəblərə və digər təhsil müəssisələrinə təqdim ediləcək.

Xatırladaq ki, layihə Bp-nin və tərəfdaşlarının təhsilin inkişafına dəstək vermək və bütün səviyyələrdə yerli bacarıq və səriştələri artırmaq istiqamətində götürdüyü öhdəliyin bir hissəsidir. Layihənin məqsədi müəllim və müəllim vəzifələrinə müraciət etmək istəyən şəxslərin innovativ tədris bacarıqlarını təkmilləşdirməyə  yardım edəcək kurikulum bələdçisi ilə təmin etməkdir.

Kitabın təqdimatı zamanı BP-nin əlaqələr, xarici işlər və strategiya üzrə vitse-prezidenti Bəxtiyar Aslanbəyli bildirib ki, bu kurikulum metodikası üzrə kitab və yeni kuruikulumun tədrisi üzrə pedaqoji terminləri əhatə edən lüğət müəllimlər üçün dəyərli vəsait olacaq və onlara innovativ və qabaqcıl tədris metodlarının və üsullarının tətbiqində əlavə bələdçilik edəcək:

"Müəllimlər məktəb kurikulumunun hazırlanmasında, həyata keçirilməsində qiymətləndirilməsində və dəyişdirilməsində mühüm rol oynayırlar. Bu kitaba dəstək olmaqla, biz müəllimlərin bu mühüm rolunu vurğulamaq və onların tədrisin və ümumilikdə ölkədəki təhsilin keyfiyyətinin davamlı surətdə artırılması istiqamətində gördüyü səylərə dəstək olmaq istədik.Ümid edirik ki, hamı bugünkü , həm də gələcəyin müəllimləri bu vəsaitdən bəhrənələcəklər”.

BP vitse-prezidentindən sonra adıçəkilən kitab və lüğətlə bağlı hər iki toplunun müəlliflər heyətinin rəhbəri, Təhsil İnstitutunun direktor müavini Ənvər Abbasov  çıxış edib.

Müəllif kitabın müəllim və müəllim olmaq istəyən şəxslər üçün faydalılıq meyarlarından danışıb.

Daha sonra Bakı Şəhəri üzrə Təhsil İdarəsinin müdir müavini İlhamə Abdullayeva,  Təhsil Nazirliyi yanında ictimai Şuranın sədr müavini Nadir İsrafilov, AzEdu.az Təhsil portalının baş direktoru Elşad Eyvazlı çıxış edərək kitabın məziyyətlərini  vurğulayıblar.

ŞƏRH YAZ
0
BAĞLA