“Nar” operatoru “TaxFree” mobil tətbiqini təqdim etdi

“Nar” operatoru “TaxFree” mobil tətbiqini təqdim etdi
12:35
17.10.2017
523
Ölkə
A
“TaxFree4U” əlavə dəyər vergisinin (ƏDV) geri qaytarılması onlayn xidmətinin bazası əsasında “Nar” operatoru ƏDV-nin qaytarılması prosesini sadələşdirəcək “Nar TaxFree” mobil tətbiqini təqdim etdi. Bu yenilik sayəsində “Nar” istifadəçiləri ölkə xaricində alış-verişə sərf etdikləri məbləğin 19%-dək olan hissəsini geri ala bilirlər. “Nar TaxFree” xidməti Almaniya, Fransa, İtaliya, İspaniya, Finlandiya və Böyük Britaniya kimi Avropa ölkələrində xərclənmiş məbləğin ƏDV hissəsinin geri qaytarılmasını təmin edir. Eyni zamanda, “TaxFree” anketinə gömrük zabitinin müvafiq möhürünü vurdurmaq və alınmış mallarla istənilən Avropa İttifaqı ölkəsini tərk etmək mümkündür.       
 
“Nar TaxFree” tətbiqi sayəsində “Nar” abunəçiləri səyahətdə olarkən vaxtlarına qənaət edə bilirlər. Artıq bəyannamə doldurmaq və bir neçə yerdə növbəyə durmağa ehtiyac yoxdur. Üstəlik, xidmət qısa zaman ərzində mümkün olan ən yüksəkfaizli ƏDV qaytarılması praktikasını təmin edir. “Nar TaxFree” tətbiqinin ən böyük üstünlüyü isə sadəcə tərəfdaş mağazalar şəbəkəsində edilən alış-verişə görə deyil, ƏDV ödəyicisi olan bütün ticarət obyektlərində edilən alış-verişə görə ödənmiş məbləğin əlavə dəyər vergisi hissəsinin geri qaytarılmasını təmin etməsidir.   
 
Tətbiqdən yararlanmaq üçün “6592” qısa nömrəsinə SMS göndərərək yükləmə keçidini əldə etmək kifayətdir. 
 
Azərbaycan, ingilis və rus dillərində təqdim edilən mobil tətbiqdən Avropa İttifaqı ölkələri vətəndaşı olmayan bütün “Nar” istifadəçiləri istifadə edə bilərlər. “Nar TaxFree” tətbiqi haqqında daha ətraflı məlumatı nar.az internet səhifəsindən öyrənmək mümkündür. 
 
“Azerfon” şirkəti 21 mart 2007-ci ildə “Nar Mobile” ticarət nişanı ilə fəaliyyətə başlayaraq qısa bir müddətdə Azərbaycanda telekommunikasiya və mobil rabitə sahəsinin aparıcı şirkətlərindən birinə çevrilib. “Nar” ticarət nişanı Azərbaycanın zəngin mədəni və tarixi irsinin çağdaş həyatla bağlılığının rəmzi olaraq seçilib. “Nar” ölkədə ilk dəfə olaraq 3G texnologiyasını təqdim edib və geniş 4G şəbəkəsini abunəçilərinin istifadəsinə verib. Mobil operator şəbəkə keyfiyyətinin davamlı təkmilləşdirilməsi strategiyası çərçivəsində səs keyfiyyətinin nəzərəçarpacaq dərəcədə artımını və səsin təmiz ötürülməsini təmin edən “HD-Voice” (High Definition Voice) xidmətini təqdim edib. “Nar” şəbəkəsi hazırda ölkə ərazisinin 93%-ni əhatə edir və 6000-dən artıq baza stansiyası ilə 2 milyondan çox abunəçiyə yüksəkkeyfiyyətli xidmət göstərir. 
ŞƏRH YAZ
0

ƏƏSM yanında İctimai Şuranın işçi qrupunun özünüməşğulluğun təmin edilməsinə dair yığıncağı keçirilib

ƏƏSM yanında İctimai Şuranın işçi qrupunun özünüməşğulluğun təmin edilməsinə dair yığıncağı keçirilib
11:53
Bu gün
398
Ölkə
A
Azərbaycan Respublikasının Əmək və Əhalinin Sosial Müdafiəsi Nazirliyi yanında İctimai Şuranın Əmək və sosial hüquqların müdafiəsi və məşğulluq məsələləri üzrə işçi qrupun üzvlərinin Nazirliyin məşğulluq siyasəti və demoqrafiya şöbəsinin müdiri, işçi qrupla əlaqələndirici Elnur Süleymanovla görüşü keçirilib.

"Ölkə.Az"ın məlumatına görə, görüşü İctimai Şuranın sədri Umud Mirzəyev açaraq, nazirliklə vətəndaş cəmiyyəti təmsilçiləri arasında qurulmuş səmərəli əməkdaşlıq əlaqələri və xüsusən də bu görüşün əhəmiyyətini qeyd edib. Nazirlik rəsmisi öz çıxışında qeyri- rəsmi məşğulluqla mübarizədə nəzarət tədbirlərinin gücləndirilməsi, bu sahədə monitorinq, təhlillərin və maarifləndirmə işləri apararaq yeni iqtisadi və demoqrafik vəziyyətə uyğun olaraq əmək bazarında sabitliyin təmin edilməsi, özünüməşğulluq proqramının aktiv əmək proqramı olaraq, işsiz və işaxtaran şəxslərin fərdı ailə təsərrüfatlarını və gəlirgətirən sahələrini formalaşdırdığnı bildirib.Özünüməşğulluq proqramının mühüm sosial-iqtisadi əhəmiyyətliliyi eləcə də aztəminatlı ailələrin dövlətin dəstəyi ilə fərdi təsərrüfatlara sahib olmaları, onların gəlirlərini artırmaqla dövlət sosial yardım proqramından asılılığının aradan qalxması və sahibkarlığa çıxış imkanı qazanmalarına şərait yaratdığı qeyd olunub.

İctimai Şuranın üzvü, işçi qrupun koordinatoru Zaur Quliyev işçi qrupun Fəaliyyət planını təqdim edərək, nəzərdə tutulan fəaliyyətləri diqqətə çatdırmış, qarşılıqlı əməkdaşlıq şəklində fəaliyyətlərin davam etdirilməsinin zəruliyini qeyd edib. Bununla yanaşı , ƏƏSM nazirliyi yanında İctimai Şura və işçi qrupunun şəffaflığın təmin olunması məqsədilə özünü məşğulluq proqramının icrası prossesində ictimai nəzarətin həyata keçirilməsi, seçim prossesinin, maddi-məişət şəraitinin qiymətləndirilməsi, təlimlərin keçirilməsi, biznes planların müdafiəsi, mal və materialların təqdim edilməsi, verilmiş mal və materiallardan düzgün və səmərəli istifadə olunması , proqramın dayanıqlığının monitorinqinin həyata keçirilməsinin vacibliyi qeyd olunub.

Ölkə.Az

ŞƏRH YAZ
0

Gülaya ağır itki

Gülaya ağır itki
23:14
20.10.2018
6469
Ölkə
A
Müğənni Gülay Zeynallının ailəsinə ağır itki üz verib.

"Ölkə.Az" xəbər verir ki, bu barədə prodüser Tarix Əliyev (Tolik) sosial şəbəkədə məlumat yayıb. O, bildirib ki, Gülay Zeynallının atası vəfat edib.

Ölkə.Az

ŞƏRH YAZ
0
BAĞLA