Narazılığa səbəb olan rüsumlar azaldıldı — DƏYİŞİKLİK

Narazılığa səbəb olan rüsumlar azaldıldı
12:53
13.06.2019
6986
Siyasət
A
Parlamentdə təhsil müəssisələrinin akreditasiyadan keçməsi ilə bağlı mübahisəyə səbəb olan “Dövlət rüsmu haqqında” qanuna dəyişiklik qəbul edildi.
“Ölkə.Az” xəbər verir ki,  parlamentin növbədəkənar plenar iclasında  “Dövlət rüsumu haqqında” və “Təhsil haqqında” qanuna  dəyişiklik məsələsi müzakirə edilib.
 
Məəslə barədə məlumat verən İqtisadi siyasət, sənaye və sahibkarlıq komitəsinin sədri Ziyad Səmədzadə  bildirib ki, təhsil müəssisələrinin akreditasiyadan keçməsi ilə bağlı dövlət rüsumunun tətbiqi zamanı dünya praktikası öyrənilib: 
 
“Bəlli olub ki, Azərbaycanda təklif edilən maliyyə həcmi digər ölkələrdə tətbiq edilən rüsumlardan aşağıdır”.
 
Parlamentin Elm və təhsil komitəsinin sədri İsa Həbibbəyli deyib ki,  məsələ ilə bağlı beynəlxalq praktika öyrənilən zaman məlum olub ki, digər ölkələrdə bu rüsumlar Azərbaycanda təklif edilən rüsumdan ən azı 2-3 dəfə artıqdır:
 
“Hətta Ermənistan praktikasında bu məbləq bizim təklif etdiyimizdən çoxdur.
 
 Buna baxmayaraq təkliflər nəzərə alınıb və rüsumun miqdarı azaldılıb.
 
Burada digər bir məqam isə ondan ibarəditdir ki. bu  gün özəl ali təhsil ocaqlarında bir tələbənin təhsil haqqı 3-4 min manat civarındadır. Ona görə də özəl alit təhsil ocağının 5 ildə bir dəfə bir tələbənin ödəniş haqqını ödəməsi elə də çətin olmayacaq. O baxımdan da burada  deputatların narahatçılığına heç bir əsas yoxdur”- komitə sədri deyib.
 
Qanuna edilən dəyişiklik parlamentarilər tərəfindən qəbul edilib.
 
Mürtəza
Ölkə.az
ŞƏRH YAZ
0

Tərəvəzçilik Elmi Tədqiqat İnstitutu publik hüquqi şəxsə çevrilir — FƏRMAN

Tərəvəzçilik Elmi Tədqiqat İnstitutu publik hüquqi şəxsə çevrilir
19:00
Bu gün
2688
Siyasət
A
Prezident İlham Əliyev Azərbaycan Respublikası Kənd Təsərrüfatı Nazirliyinin tabeliyindəki Tərəvəzçilik Elmi Tədqiqat İnstitutunun fəaliyyətinin təkmilləşdirilməsi barədə fərman imzalayıb.

"Ölkə.Az"ın məlumatına görə, fərmanla Azərbaycan Respublikası Kənd Təsərrüfatı Nazirliyinin tabeliyində olan Tərəvəzçilik Elmi Tədqiqat İnstitutu Azərbaycan Respublikası Kənd Təsərrüfatı Nazirliyinin tabeliyində publik hüquqi şəxs statusu olan Tərəvəzçilik Elmi Tədqiqat İnstitutuna çevrilmə yolu ilə yenidən təşkil edilir.

2. Bu Fərmanın 1-ci hissəsində nəzərdə tutulmuş publik hüquqi şəxsin fəaliyyətə başlaması və nizamnamə fondunun formalaşdırılması üçün Azərbaycan Respublikasının 2019-cu il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Azərbaycan Respublikası Kənd Təsərrüfatı Nazirliyinə 1 (bir) milyon manat ayrılsın.

3. Azərbaycan Respublikasının Nazirlər Kabineti:

3.1. Azərbaycan Respublikası Prezidentinin aktlarının bu Fərmana uyğunlaşdırılması ilə bağlı təkliflərini üç ay müddətində hazırlayıb Azərbaycan Respublikasının Prezidentinə təqdim etsin;

3.2. Azərbaycan Respublikası Nazirlər Kabinetinin normativ hüquqi aktlarının bu Fərmana uyğunlaşdırılmasını üç ay müddətində təmin edib Azərbaycan Respublikasının Prezidentinə məlumat versin;

3.3. mərkəzi icra hakimiyyəti orqanlarının normativ hüquqi aktlarının bu Fərmana uyğunlaşdırılmasını nəzarətdə saxlasın və bunun icrası barədə beş ay müddətində Azərbaycan Respublikasının Prezidentinə məlumat versin;

3.4. bu Fərmandan irəli gələn digər məsələləri həll etsin.

4. Azərbaycan Respublikasının Kənd Təsərrüfatı Nazirliyi bu Fərmanın 1-ci hissəsində nəzərdə tutulmuş publik hüquqi şəxsin:

4.1. təsisçisinin “Publik hüquqi şəxslər haqqında” Azərbaycan Respublikası Qanununun 8.2-ci maddəsində qeyd edilən səlahiyyətlərini həyata keçirsin;

4.2. nizamnaməsini, optimallaşdırma həyata keçirilməklə strukturunu, işçilərinin say həddini iki ay müddətində təsdiq etsin;

4.3. dövlət qeydiyyatına alınması üçün onun nizamnaməsi təsdiq edildikdən sonra üç gün müddətində “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikasının Qanunu ilə müəyyən edilmiş qaydada Azərbaycan Respublikasının Vergilər Nazirliyinə müraciət etsin.

5. Azərbaycan Respublikasının Maliyyə Nazirliyi:

5.1. bu Fərmanın 2-ci hissəsində göstərilən məbləğdə maliyyələşməni müəyyən olunmuş qaydada təmin etsin;

5.2. “Azərbaycan Respublikasının 2019-cu il dövlət büdcəsi haqqında” Azərbaycan Respublikası Qanununun tətbiqi ilə bağlı bir sıra məsələlər barədə” Azərbaycan Respublikası Prezidentinin 2018-ci il 22 dekabr tarixli 431 nömrəli Fərmanının 1.1.3.9-cu yarımbəndi üzrə Tərəvəzçilik Elmi Tədqiqat İnstitutuna nəzərdə tutulmuş vəsaitin qalığının müvafiq olaraq bu Fərmanın 1-ci hissəsində göstərilmiş publik hüquqi şəxsin hesabına köçürülməsi ilə bağlı tədbirlər görsün və həmin publik hüquqi şəxsin saxlanılması üçün tələb olunan vəsaiti növbəti illərdə dövlət büdcəsinin layihəsində nəzərdə tutsun.

6. Azərbaycan Respublikasının Əmlak Məsələləri Dövlət Komitəsi Tərəvəzçilik Elmi Tədqiqat İnstitutunun istifadəsində olan dövlət əmlakının bu Fərmanın 1-ci hissəsində nəzərdə tutulmuş publik hüquqi şəxsin balansına verilməsi ilə bağlı tədbirlər görsün.

7. Bu Fərmanın 1-ci hissəsində nəzərdə tutulmuş publik hüquqi şəxs “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikasının Qanunu ilə müəyyən edilmiş qaydada dövlət qeydiyyatına alındığı günədək Tərəvəzçilik Elmi Tədqiqat İnstitutu öz fəaliyyətini davam etdirsin.

8. Azərbaycan Respublikasının Ədliyyə Nazirliyi mərkəzi icra hakimiyyəti orqanlarının normativ hüquqi aktlarının və normativ xarakterli aktların bu Fərmana uyğunlaşdırılmasını təmin edib Azərbaycan Respublikasının Nazirlər Kabinetinə məlumat versin.

ŞƏRH YAZ
0

Heydər Əliyev Fondu aktyor Yalçın Səlimovun müalicəsini üzərinə götürüb — FOTO

Heydər Əliyev Fondu aktyor Yalçın Səlimovun müalicəsini üzərinə götürüb
18:47
Bu gün
871
Siyasət
A
Heydər Əliyev Fondu serroz xəstəliyindən əziyyət çəkən Sumqayıt Dövlət Dram Teatrının aktyoru Yalçın Səlimovun müalicəsini üzərinə götürüb.

"Ölkə.Az" xəbər verir ki, bunu "Report"a açıqlamasında teatrın mətbuat katibi Leyla Eynullayeva deyib. 

O qeyd edib ki, aktyora qaraciyər köçürüləcək.

L.Eynullayevanın sözlərinə görə, teatr rəhbərliyi mütəmadi olaraq Y.Səlimovun səhhəti ilə maraqlanır: "Hazırda müalicə davam edir. Bu məsələ Sumqayıt Şəhər İcra Hakimiyyətinin diqqət mərkəzindədir. Müayinə, müalicə zamanı bütün dərmanlar ödənişsiz təmin olunur. Hazırda donorun analizlərinin cavabı gözlənilir. Nəticələr əldə edilən kimi Heydər Əliyev Fondunun yardımı ilə aktyora Azərbaycan xəstəxanalarından birində qaraciyər köçürüləcək".

Ölkə.Az

ŞƏRH YAZ
0
BAĞLA