KORONAVİRUSA YOLUXANLARIN SAYI - CANLI STATİSTİKA

Nardaran hadisələrinə görə həbs olunmuş Əbülfəz Bünyadov AZADLIQDA — FOTO

Nardaran hadisələrinə görə həbs olunmuş Əbülfəz Bünyadov AZADLIQDA
18:10
10.07.2019
1476
Ölkə
A
Nardaran hadisələrinə görə həbs edilmiş Əbülfəz Bünyadov azadlığa buraxılıb.

"Ölkə.Az" xəbər verir ki, bu barədə "Report"a vəkil Fəxrəddin Mehdiyev məlumat verib. 

Penitensiar Xidmətin Müalicə Müəssisəsində saxlanılan məhbusun səhhətində ciddi problem olduğundan onun cəzasının çəkilməmiş hissəsindən azad edilməsi ilə bağlı məhkəməyə müraciət edilmişdi. Nizami Rayon Məhkəməsinin hakimi Rauf Əhmədov Müalicə Müəssisəsində müraciətə baxaraq onun vaxtından əvvəl azad edilməsi ilə bağlı qərar çıxarıb. 

Qeyd edək ki, Ə.Bünyadov 2015-ci il noyabrın 26-da Nardaranda keçirilmiş xüsusi əməliyyat zamanı həbs edilib. Lakin bir müddət sonra polis nəzarətinə buraxılıb. 2018-ci il iyulun 11-də məhkəmə onu 15 il müddətinə azadlıqdan məhrum edib.

Ölkə.Az

ŞƏRH YAZ
0

Azərbaycanda baş həkim koronavirusdan vəfat etdi

Azərbaycanda baş həkim koronavirusdan vəfat etdi
22:42
Bu gün
1385
Ölkə
A
Azərbaycanda daha bir həkim koronavirusdan vəfat edib.

"Ölkə.Az" "Qafqazinfo"ya istinadən xəbər verir ki, Sumqayıt şəhəri Ruhi-Əsəb Xəstəlikləri Dispanserinin baş həkimi Əhməd Şirinov koronavirusun qurbanı olub.

ŞƏRH YAZ
0

Xızıda körpünün altından 13 ədəd zenit top mərmisi tapılıb — FOTO

Xızıda körpünün altından 13 ədəd zenit top mərmisi tapılıb
21:54
Bu gün
4927
Ölkə
A
İyulun 10-da saat 20:09-da Daxili İşlər Nazirliyinin “102″ Xidməti-Zəng mərkəzi sistemindən Ərazilərinin Minalardan Təmizlənməsi üzrə Milli Agentliyinə (ANAMA) Xızı rayonu ərazisində yerləşən “N” saylı hərbi hissənin yaxınlığından mərminin tapılması barədə məlumat daxil olub.

"Ölkə.Az" ANAMA-ya istinadən xəbər veriir ki, Agentliyin xüsusi mobil çevik əməliyyat və partladıcı axtaran xüsusi təlim keçmiş itlərdən ibarət kinoloji qrupları, Daxili İşlər Nazirliyinin Xızı rayon Polis Şöbəsinin və Müdafiə Nazirliyinin Hərbi Polis İdarəsinin əməkdaşları dərhal həmin əraziyə göndərilib.

Agentliyin mütəxəssisləri, Xızı rayon Polis Şöbəsinin və Hərbi Polis İdarəsinin əməkdaşları tərəfindən birlikdə cari ilin 10-11 iyul tarixlərində Xızı rayonu, Məşədihəsən kəndi ərazisindən keçən körpünün altına baxış keçirilib. Təhlükəsizliyi təmin etmək məqsədilə ərazi polislər tərəfindən mühasirəyə alınıb. Mütəxəssislər tərəfindən aparılan təcili təxirəsalınmaz əməliyyat-axtarış tədbirləri nəticəsində 13 ədəd zenit top mərmisi (BZT) və 42 ədəd müxtəlif çaplı patronlar aşkar olunmuş, zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb.

Zenit top mərmilərinin və patronların ətrafında 200 kv.m əraziyə yerüstü, 2 kv.m əraziyə isə yeraltı baxış keçirilib, əlavə təhlükəli əşya və qurğu aşkarlanmayıb.

ŞƏRH YAZ
0
BAĞLA