NATO-nun baş katibi: \"Rusiya ilə münasibətləri normallaşdırmaq istəyirik\"
NATO-nun baş katibi Yens Stoltenberq Rusiya ilə münasibətlər mövzusunda yeni açıqlama verib.
"Ölkə.Az" xəbər verir ki, Stoltenberqin bəyanatına əsasən, alyans Rusiya ilə münasibətləri yaxşılaşdırmağa və yeni silahlanma yarışına imkan verməməyə cəhd edir.
Yens deyib: "Rusiya NATO-nun qonşusudur və belə də olacaq. NATO yeni soyuq müharibə istəmir. Biz yeni silahlanma yarışı istəmirik. Biz Rusiya ilə münasibətləri yaxşılaşdırmaq üçün cəhd edəcəyik".
Bununla yanaşı Stoltenberq bildirib ki, NATO Ukrayna məsələsini də nəzərə alacaq. Çünki alyansın Rusiya ilə münasibətləri Krımın ilhaqı və Donbass münaqişəsindən sonra korlanıb.
Hikmət Həsənov
Ölkə.Az
