NATO ölkələri \"hərbi Şengen\" yaradır
"Ölkə.Az" xəbər verir ki, nazirlərin görüşü Brüsseldə baş tutub və Avropaya canlı qüvvə və texnikanın köçürülməsini təmin etmək üçün komandanlıq qərargahının yaradılması təsdiqlənib.
İdeya ABŞ-ın Avropadakı quru qoşunlarının eks komandanı, general-leytenant Ben Hoces verib. Onun sözlərinə görə, müttəfiq orduları və hərbi texnika qitənin ərazisində miqrantlar kimi sürətli hərəkət edib yer dəyişdirməlidir. Hocesin sözlərinə əsasən, bir sıra ölkələrdə ordu, silah-sursat, hərbi texnika və hətta adi humanitar karvanın hərəkəti üçün icazə almaq çətin prosesdir. Məsələn, Polşadan Almaniyaya ABŞ ordusunu köçürmək üçün 5 günlük xəbərdarlıq vaxtı tələb edilir.
Bununla yanaşı, Avropa İttifaqının bir sıra ölkələrindəki yol və körpülər ağır texnika üçün nəzərdə tutulmayıb. Eyni zamanda, tunellər kifayət qədər hündür deyil. Hava limanlarının uçuş-eniş zolaqları isə hərbi aviasiyaya xidmət üçün nəzərdə tutulmayıb.
Hikmət Həsənov
Ölkə.Az