Naxçıvanda 120 ədəd silah könüllü olaraq polis orqanlarına təhvil verilib

Naxçıvanda 120 ədəd silah könüllü olaraq polis orqanlarına təhvil verilib
22:12
13.01.2018
4038
Ölkə
A
Keçən il 24 cinayət faktı qeydə alınıb ki, bu da, 2016-cı illə müqayisədə 5 fakt azdır.

“Ölkə.Az” APA-ya istinadən xəbər verir ki, bunu bu gün Naxçıvan Muxtar Respublikası (MR) Daxili İşlər Nazirliyi Kollegiyası iclasında Naxçıvan MR daxili işlər naziri Fazil Ələkbərov bildirib.

F. Ələkbərov deyib ki, cinayətlərin açılması isə 100 faiz təşkil edib. Narkotiklərin qanunsuz dövriyyəsinin qarşısının alınması sahəsində görülmüş tədbirlər nəticəsində 56.097 qram narkotik vasitə aşkar edilərək qanunsuz dövriyyədən çıxarılıb. Hesabat dövründə yol hərəkəti təhlükəsizliyinin təmin edilməsi sahəsində hadisələrin qarşısının alınması məqsədilə texniki sistemlərin tətbiqinə geniş yer verilib, davamlı şəkildə profilaktiki tədbirlər həyata keçirilib. Ötən illə müqayisədə qəzaların sayı 7 fakt azalıb. Həmçinin avtomobillərin texniki vəziyyətinə xüsusi fikir verilərək xeyli sayda nasaz avtomaşının istismarına qadağa qoyulub, aşkar olunan 23 min 174 yol hərəkəti əleyhinə olan inzibati xəta üzrə qanunauyğun tədbirlər görülüb.

Fazil Ələkbərov əhalidə qanunsuz saxlanılan silahların yığılması istiqamətində həyata keçirilən tədbirləri də diqqətə çatdıraraq bildirib ki, ötən il vətəndaşlar tərəfindən 120 ədəd silah, xeyli sayda döyüş sursatı və hərbi ləvazimat könüllü olaraq polis orqanlarına təhvil verilib. Elektrik enerjisindən və təbii qazdan qanunsuz istifadənin qarşısının alınması, həmçinin təbiəti mühafizə istiqamətində də tədbirlər davam etdirilib. Həyata keçirilən tədbirlər nəticəsində 229 fakt aşkarlanıb və həmin faktlar üzrə 16 min 300 manat məbləğində cərimə tətbiq olunub.

Ölkə.Az

ŞƏRH YAZ
0

DYP Mingəçevirdə reyd keçirib, 100-dən çox sürücü saxlanılıb — VİDEO

DYP Mingəçevirdə reyd keçirib, 100-dən çox sürücü saxlanılıb
17:37
09.12.2018
5310
Ölkə
A
Dövlət Yol Polisinin (DYP) əməkdaşları Mingəçevirdə reyd keçirib.

"Ölkə.Az" report-a istinadən bildirir ki, ötən gün səhər saatlarından axşamadək davam edən reyd zamanı DYP əməkdaşları müxtəlif istiqamətlər üzrə iş aparıb.

Öncə sərnişindaşıma ilə məşğul olan mikroavtobuslar saxlanılaraq, normadan artıq sərnişindaşıma, sürücülük vəsiqəsi, yaxud etibarnaməsi olmayan sürücülərin avtobusları idarə edib-etməməsi və digər tələblərin icrasına nəzarət həyata keçirilib. Reyd zamanı etibarnamə və tibbi arayış olmadan sükan arxasına əyləşən sürücülər aşkarlanıb. Onlar müxtəlif bəhanələrlə hadisə yerindən uzaqlaşmağa və ya məsuliyyətdən yayınmağa cəhd göstərib.

Reyd ərzində həmçinin yol hərəkəti qaydalarını pozaraq yollarda təhlükə yaradan velosipedçilər də saxlanılıb. Onlar da öz növbəsində velosiped yollarının olmamasını bəhanə gətirərək vəziyyətdən çıxmağa çalışıb.

Günün sonuna yaxın isə təhlükəsizlik kəmərindən istifadə edilməməsi, nəqliyyat vasitəsini sərxoş vəziyyətdə idarəetmə halları və digər qayda pozulmaları ilə bağlı əməliyyat reydi davam etdirilib. Gün ərzində ümumilikdə 100-dən çox minik avtomobili, sərnişin avtobusunun sürücüsü və velosipedçi saxlanılaraq, 70 sürücü barədə inzibati protokollar tərtib edilib.

Ölkə.Az

ŞƏRH YAZ
0

Azərbaycanda yeni duz yataqları açılacaq

Azərbaycanda yeni duz yataqları açılacaq
17:18
09.12.2018
2579
Ölkə
A
Naxçıvan Muxtar Respublikasının Kəngərli rayonunun ərazisində Böyükduz dağ yatağında yeni yataqların açılmasına yönləndirilmiş işlərə başlamaq planlaşdırılır.

"Ölkə.Az" bildirir ki, bu barədə trend-ə "Naxçıvan Duz İstehsalı" MMC-nin direktoru Anar Əsədullayev bildirib.

Direktorun sözlərinə görə, işlərə gələn ildən başlamaq planlaşdırılır: "İşlərin dəqiq olaraq hansı ay başlayacağını söyləmək çətindir, hər şey hazırda mütəxəssislər tərəfindən dağlıq duz yatağı ərazisində aparılan tədqiqatların nəticələrindən asılı olacaq".

O bildirib ki, MMC-nin orta müddətli planlarına Naxçıvan duzunun satışı üzrə yeni mərkəzlərin açılışı daxildir: "Satışların əsas mərkəzi Bərdədə yerləşir, amma biz həmçinin yaxın yarım ildə satış nöqtələrinin şəbəkəsini genişləndirməyi planlaşdırırıq. Hesablamalarımıza görə, belə mərkəzlərin daha çox Azərbaycanın şimal və cənub regionlarında açılması gözlənilir".

Qeyd edək ki, "Naxçıvan Duz İstehsalı" MMC xörək duzu və texniki duz istehsal edir.

Ölkə.Az

ŞƏRH YAZ
0
BAĞLA