Naxçıvanda da əfv sərəncamı verildi

Naxçıvanda da əfv sərəncamı verildi
16:16
26.05.2018
1977
Ölkə
A
Naxçıvan Ali Məclisinin sədri Vasif Talıbovun sərəncamı əsasında 5 məhkum həbsdən azad olunub.

"Ölkə.Az"ın məlumatına görə, bir qrup məhkumun ailə üzvləri və yaxınlarının Naxçıvan Muxtar Respublikası Ali Məclisinin sədrinə müraciətlərinə əsasən, ümummilli lider Heydər Əliyevin anadan olmasının 95-ci ildönümü və Azərbaycan Xalq Cümhuriyyətinin 100 illiyi münasibətilə  4-ü kişi biri qadın olmaqla  5 nəfər məhkum cəzadan vaxtından əvvəl azad olunub, 4 nəfər məhkumun isə cəzası daha yüngül cəza növü ilə əvəz edilib.

Humanist addıma görə məhkum və onların ailə üzvləri Ali Məclisin sədrinə minnətdarlıqlarını bildiriblər.

ŞƏRH YAZ
0

İcra başçısı: Tərtərdə pambıq sahəsində zəhərləndiyi deyilən 14 nəfərin hamısı evə buraxılıb

İcra başçısı: Tərtərdə pambıq sahəsində zəhərləndiyi deyilən 14 nəfərin hamısı evə buraxılıb
19:32
17.06.2018
1387
Ölkə
A
Tərtər rayonunda pambıq sahələrindən birində zəhərləndiyi deyilən 14 nəfərin vəziyyəti yaxşıdır, onların hamısı evə buraxılıb.

"Ölkə.Az" Trend-ə istinadən xəbər verir ki, rayon İcra Hakimiyyətinin başçısı Müstəqim Məmmədov deyib.

M.Məmmədov bildirib ki, zəhərlənən şəxslərdən müəyyən analizlər götürülüb: "Analizlərin nəticələri onların qanlarında hər hansı zəhərli maddənin aşkar olmadığını göstərib".

İcra Hakimiyətinin başçısı həmçinin qeyd edib ki, hadisəyə səbəb sahədə istifadə olunan dərman vasitələri olmayıb:

"Dərmanın təsiri 2 gün müddətində olur, üzərində bu barədə yazılıb. Dərman vurulandan sonra yağış yağıb. Dərman ayın 11-də vurulub, sahəyə isə onlar ayın 16-da çıxıblar. Çox guman ki, onların vəziyyəti günvurma ilə əlaqədar pisləşib".

Ölkə.Az

ŞƏRH YAZ
0

Dövlət Fitosanitar Nəzarəti Xidmətinin rəhbəri Tərtərin zəhərlənmə baş vermiş pambıq sahəsində olub — FOTO

Dövlət Fitosanitar Nəzarəti Xidmətinin rəhbəri Tərtərin zəhərlənmə baş vermiş pambıq sahəsində olub
18:58
17.06.2018
876
Ölkə
A
Kənd Təsərrüfatı Nazirliyi yanında Dövlət Fitosanitar Nəzarəti Xidmətinin nümayəndələri Tərtər rayonunda ötən gün zəhərlənmə hadisəsinin baş verdiyi pambıq sahəsində olublar.

"Ölkə.Az" Report-a istinadən xəbər verir ki, rayonun Səydimli kəndində Rasim Həsənova məxsus pambıq sahəsinə baxış keçirən Xidmət rəsmiləri fermerlərlə görüşüblər.

Dövlət Fitosanitar Nəzarəti Xidmətinin rəisi Camal Quliyev "Report"un Qarabağ bürosuna bildirib ki, pambıq sahəsində alaq otlarına qarşı mübarizədə dərmanlama işləri aparılarkən xüsusi geyim və vasitələrdən istifadə olunmalıdır və xüsusi paltar olmadan həmin işlər görülən zaman mexanizatorların sağlamlıqlarında ciddi fəsadlar yaran bilər.

Onun sözlərinə görə, bütün hallarda kimyəvi preparatlardan istifadə labuddür:

“Bütün hallarda kimyəvi preparatlardan istifadə labüddür. Amma nəzərə almalıyıq ki, bunlar zərərli kimyəvi maddələrdir. Bu maddələrlə işləyərkən sahə aqronomları, mexaniklər, operatorlar, texniki işçilər mütləq qoruyucu vasitələrdən istifadə etməlidirlər. Özlərini bu yolla kimyəvi preparatların zərərli təsirindən qorumalıdırlar. Kimyəvi preparatların tətbiqi ilə bağlı təlimatlara ciddi əməl edilməlidir. Digər tərəfdən hər bir preparatın toksiki dərəcəsinə görə tətbiqindən sonra sahədə mexaniki və əl işlərinin aparılma müddətlərinə məcburi qaydada əməl olunmalıdır. Əks halda bu, bir sıra fəsadlara gətirib çıxara bilər”.

FAO-nun rəsmi məlumatına görə, hər il zərəli orqanizmlərin təsirindən bitkiçilik məhsullarında 35 faiz itki olur. Bu səbəbdən kimyəvi preparatların istifadəsi vacib məsələdir.

Ölkə.Az

ŞƏRH YAZ
0
BAĞLA