Naxçıvanda Duz Muzeyi yaradıldı

Naxçıvanda Duz Muzeyi yaradıldı
21:53
12.09.2017
460
Maraqlı
A
Naxçıvanda Duz Muzeyi yaradılıb.

Ölkə.Az-ın məlumatına görə, bununla bağlı bu gün  Naxçıvan Muxtar Respublikası Ali Məclisinin sədri Vasif Talıbov muvafiq sərəncam imzalayıb.

Sərəncamda qeyd edilib ki, Naxçıvanın Nuh peyğəmbərlə bağlılığı hələ qədim dövrlərdən diqqəti cəlb edib, yunan alimi Klavdi Ptolomey bizim eranın ikinci əsrində ilk dəfə olaraq Naxçıvanı Nuh peyğəmbərin məskəni kimi xatırladıb, on altıncı əsrin görkəmli ərəb alimi, coğrafiyaşünas Əl-Şərifi Nuh peyğəmbərin qəbrinin, hətta gəmisinin də qalıqlarının Naxçıvanda olması barədə ətraflı məlumat verib. Rus tədqiqatçısı Konstantin Nikitinin 1882-ci ildə Tiflisdə nəşr olunan “Qafqaz ölkəsi və tayfalarının təsviri üçün materiallar məcmuəsi”ndə verilən “Naxçıvan mahalı və Naxçıvan şəhəri” adlı irihəcmli məqaləsində Nuh peyğəmbərin özünün duz mədənində ilk çalışanlardan olması, şəhər əhalisinə duz çıxartmağı öyrətməsi qeyd olunur. Tədqiqatlar göstərir ki, bu ərazidə Eneolit dövründən başlayaraq duz mədənçiliyinin əsası qoyulub. Bu isə 5 min illik Naxçıvan şəhər mədəniyyətinin formalaşmasına güclü təsir göstərib. Naxçıvan Duzdağının tarixi əhəmiyyəti nəzərə alınaraq bu ərazidə arxeoloji tədqiqatlar aparılıb, müxtəlif dövrlərə aid daş alətlərlə yanaşı, Eneolit və İlk Tunc dövrlərinə aid keramika məmulatları aşkar olunub. Aparılan tədqiqatların davamı olaraq “Uluslararası qaynaqlarda Naxçıvan”, “Nuh peyğəmbər: dünya tufanı və Naxçıvan”, “Naxçıvan: ilk yaşayış və şəhərsalma yeri kimi”, “Naxçıvan: ilkin şəhər və Duzdağ” mövzularında keçirilən beynəlxalq elmi simpozium və konfranslarda Naxçıvanda Duzdağ mədəniyyəti bir daha elmi əsaslarla təsdiqini tapıb, xarici mütəxəssislərin də iştirakı ilə Naxçıvan Duzdağı haqqında elmi materiallar hazırlanıb, kitablar nəşr olunub.

Bütün bunlar nəzərə alınaraq, Naxçıvan duzunun tarixdə oynadığı mühüm rolu nəzərə alaraq, aparılan elmi tədqiqatların nəticələrinin sistemləşdirilməsini, elmi araşdırmalar zamanı əldə olunmuş maddi-mədəniyyət nümunələrinin qorunub saxlanılmasını təmin etmək məqsədilə belə bir sərəncam verilib. 

ŞƏRH YAZ
0

Krımda ibtidai insanlara məxsus mağara kəşf edildi

Krımda ibtidai insanlara məxsus mağara kəşf edildi
19:09
Bu gün
482
Maraqlı
A
Krımda kəşf edilən mağara daş dövrü və paleolit dövrü insanlarının məskəni olub.

“Ölkə.Az” xəbər verir ki, Rusiya elmlər akademiyasının arxeologiya institutu və Krım Federal Universitetinin alimləri bu qərara gəliblər.

Əraziyə ilkin baxış zamanı müxtəlif əşyalar tapılıb və bu da hipotezi sübut edir. Mağaradakı bəzi daş abidələr təbii yolla yox, insan əməyi nəticəsində yaranıb. Bu insan isə daş dövrünə aiddir.

Kəşf edilən mağara yaxınlığında daş dövrünə aid bir sıra abidələr var. Bu isə ərazinin arxeoloji qazıntılar üçün uzun müddət düşərgə olacağına işarə edir. Mağaraya qədim giriş yolunu tapmaq alimlərin əsas istəklərindən biridir.

“Orta paleolit dövrünə aid dövrlərdə burada insanlar yaşayıb. Çünki tapılan heyvan qalıqları ovdan xəbər verir”, - deyə Ukrayna universitetinin alimi bildirib.

Hikmət Həsənov
Ölkə.Az

 

ŞƏRH YAZ
1

“Aston Martin”in yeni lüks təyyarə layihəsi — FOTOLAR

“Aston Martin”in yeni lüks təyyarə layihəsi
18:20
Bu gün
613
Maraqlı
A
“Aston Martin” şirkətinin yeni təyyarə konsepti Farnboro şəhərindəki aviasalonda təşkil edilib.

“Ölkə.Az” xəbər verir ki, yeni konsept “Volante Vision Concept” adlandırılıb. Salon 3 nəfər üçün nəzərdə tutulub.

Şirkət texniki göstəricilər barədə məlumat vermir. Markanın direktoru Endi Palmera bildirib ki, gələcəkdə lüks seqmentində məhz bu tipli nəqliyyat vasitələri olacaq.

Hikmət Həsənov
Ölkə.Az

ŞƏRH YAZ
0
BAĞLA